Numbers 12:2 - Iñupiatun Mumiksat Uqalugiksuat

² Uqaqhutiŋ, “Ataniq imña uqaġuuva Moses-kuaqłuni kisian? Uqaŋaiñmivaptauq uvaptiguaqłuni?” Atanġum tusaaŋaniġaich qanuq uqaqtilaaŋigñik.

Numbers 12:2 Iomraidhean Croise

Genesis 29:33

Siŋaiyauvsaaŋaruq aasii iġñiqavsaaqhuni. Uqallaktuq, “Atanġum iġñiksrivsaalgitkaaŋa, qanukkii tusaavluni piqpagirauŋisilaamnik”; tavraasii atchiŋagaa Simeon-mik.

2 Samuel 11:27

Naanman qiñuvik, David-gum igluqpamiñuutipkaŋagaa; tuvaaqasiutauŋaruq David-mun aasii iġñiqaqłuni. Aglaan Atanġum iviġaumagiŋiñŋagaa taamna David-gum suŋatilaaŋa.

2 Kings 19:4

Assyria-m umialgata tiliŋagaa qaukłiat atanauraġmi pisaaŋayyaqquvlugu iñuuruaq God. Atanġum-tuq God-ikpich tusaaligich pisaaŋŋatiŋich suli tatavsaġlugich uqaqtuat tamatkuniŋa. Tavraasii aŋaiyyutikkich iñuvut kisiŋŋuqtauruat.”

Exodus 4:14

Tavrani tavra Atanġum qinnautigaa Moses aasii uqallakłuni, “Aasiimi imña aniqatin Aaron, kiŋuvaaguruaq Levi-mik? Iḷisimaruŋa uqayutilaaŋanik. Imma, qaiḷġataviksuq kasuġiaqhutin samma quviasugniaqtuq tautukkumisin.

Exodus 4:30

Aaron-gum uqautiŋagai iluqaiññik Atanġum uqaluŋiñik Moses-mun, tavraasii Moses savaŋaruq aliuġnaqtuanik sivuġaanni iñuich.

Exodus 5:1

Tavra Moses-lu Aaron-lu Pharaoh-muŋaruk aasii uqallakłutik, “Ataniq, God-iŋat Israel-gum kiŋuvaaŋisa, uqallaktuq, ‘Aullaqtitkich iñugiratka, niqinaqiyumaut nunagluktuami nanġautiqaġlutiŋ uvamnun.’”

Exodus 7:10

Tavra Moses-lu Aaron-lu umialigmuŋaruk Atanġum piraksriutaatun. Aaron-gum miḷuqsautiŋagaa ayauppiani sivuġaannun Pharaoh-vlu qaukłiuraŋisalu, aasii ayauppiaŋa nimiġiaġuŋaruq.

Proverbs 13:10

Arguaŋaaġniq patchisausuuruq siġġaqqutinun. Nakuulhaaqtuq ikayuqtisiuqtuni.

Numbers 11:1

Iñuich uqamayunagutimmata Ataniq iviġaŋaiñŋaruq, tusaagamigich qinnaliŋaruq aasii igniġmik ikuallaivḷuni akunġanni aasii tuqułługich iñuich nullaġviallu suksraunġiqł̣ugu isukłiuruat.

Numbers 11:29

Moses-gum kiugaa, “Isumaaluutiqaqpich imña kipiġniuttaġiramnik? Atanġumtuq iḷitqusiñi qaiḷḷiuŋ iñugirapayaaġmiñun aasii uqaqtillugich nipatutilaamiktun God-im uqaqtiŋisitun!”

Numbers 12:3

(Moses una piuniaŋitchuaguŋaruq iñuk, piuniaŋitchuaguniqtauvluni iñugniñ nunami.)

Numbers 16:3

Katiłłutiŋ sivuġaanugniqsut Moses-guvlu Aaron-guvlu aasii uqautivlugik, “Iŋattaqpaitchusik uvva! Iluqaġmiŋ nunaaqqim iñugiraŋich salumarut, suli Ataniq itqatauruq iliŋiññun. Summan, aasii uvva, Moses, aullarriñagutiviñ Atanġum iñuŋiññik?”

Romans 12:10

Piviuttaqqutisitchi avanmun, aniqatigiich piviuttaqqutimmatun avanmun. Nanġaġumałhaaqsigik allat nanġausiaqałhaaġniġmiñ ilivsi allaniñ.

Romans 12:3

Alġaqsruirauvluŋa tiliraŋa God-im uqallautigivsi uumiŋa. Nalliqsiunnii piġuqtiġnani naumasiḷuni, aglaan isummatigisitchi ilivsiññik nalaunŋaruakun, isivġiġḷugu nalaunŋaruakun piḷḷakkaqsi, God-im aitchuutaa ukpiliqavsi Christ-mun.

Philippians 2:14

Supayaat pisigik uqaalaŋaiġḷusi naagga qapiqtaiḷḷisigiŋaiġḷugich,

Philippians 2:3

Siŋñatiqaġnasi piġuqtiġnasiḷu aglaan kamasaaġutaiḷḷusi avanmun, isumaqaŋaiġḷusi nakuułhaaġasugalusi allaniñ iñuŋniñ.

1 Peter 5:5

Tainnatuttauq siḷġiqsuġlavsi ilivsi nukatpiat. Kamakkutiqaġitchi utuqqanaanun. Iluqasi kamasaaŋaiġḷusi ikayuutisitchi avanmun, qanuq Bible uqaluqaqtut inna, “God-im akiḷḷiḷiqsuġai kamasaaqtuaguruat, aglaan ikayuqsimaaġai iñuich kamasaaŋitchuat.”