Numbers 11:4 - Iñupiatun Mumiksat Uqalugiksuat

⁴ Allaniŋŋaqtauruat iñuich iglauqatauŋarut Israel-gum kiŋuvaaŋiññun. Niqipiaqtuġulipiallagniqsut, Israel-gum kiŋuvaaŋich unnii iliŋich uqaavsiḷiŋarut: “Niqipiaqtuġlutaluqaimña!

Numbers 11:4 Iomraidhean Croise

Psalms 106:14

Aglaan atqunaq sutuġuksiulipiallaŋaniqsut nunagluktuamiillaġmiŋ suli God uuktuqługu;

Exodus 12:38

Iñugiakpaktuat iñuich iñugiaktuallu niġrutit pamiqsaat aullaqatigiŋagaich.

Exodus 16:12

“Tusaaŋagitka uqaviḷuutiŋich Israel-gum kiŋuvaaŋisa. Uqallautisigiŋ tanuġaaksikpan niqipiaksranigniaqtut, aasii uvlaami punniksraqaġniaġmiut iḷaŋaniñ. Samma iḷitchuġilluataġniaqtusi uvaŋa, Ataniq, God-igitilaamnik ilivsiññun.”

Exodus 16:3

uqallautivlugik, “Tuqunŋalisigut imma Atanġum Egypt-mi. Taavani uvva aquviłłuta niqipiaqtuġuuruaguut qanutupayaaġlu allanik niqinik niġisuktaptignik. Aglaan uvva qaġġisiŋagiptigut mauŋa nunagluktuamun paniġluta iluqata tuqutquvluta.”

Numbers 11:18

Aasii uqallautilugich iñuich, ‘Salummaġumausi ilivsiññun itqanaiyautigilugu uvluq uvlaaku; niġiñiaqtusi niqipiamik. Atanġum tusaaŋagaasi uqaviḷuktuasi niqipiaqtuġugnivḷusi suli uqaqavsi nakuułhaaqtuamiinŋagaluaġnivḷusi Egypt-miinnavsi. Tavraasii Atanġum niqipiaksriññiaġaasi, aasii niġiruksraġiniaġiksi.

Numbers 14:1

Unnuaqtutilaatun iñuich qiaŋarut.

Numbers 14:22

nalliŋich unnii taapkua iñuich iñuuniaŋitchut isiġuminaġlutiŋ taamaptumuŋa nunamun. Qiñiŋagaluaqługu qaumaniŋa nayuqtauniġma aliuġnaqtuallu savaatka Egypt-mi suli nunagluktuami, aglaan uuktuġaat qiñuirrutiga qulitun suli kamagisuŋił̣ł̣uŋa.

Numbers 16:13

Naamaŋitpa tavra aullautiŋagavsigut naurisuqtuamiñ maqiugaqtuaq immugniglu honey-ñiglu nunaŋaniñ Egypt tuqutquvluta maani nunagluktuaŋani? Kamanniraaġugmivisigut suli?

Romans 13:14

Aglaan iñuusitchi tuvrapiaġlugu iñuusiġitqukkaŋa Atanġum Jesus Christ. Sivunniuġnasi pisuiqsitchuglugich pigiitchuat pisuguutisi.

1 Corinthians 10:6

Tavra tamatkua piŋaruat taimani kiliktuutaurut uvaptiŋnun, kilikłuta kipiġniuquŋił̣ł̣uta pigiitchuanun, maŋŋuuruat piḷġusiatitun.

1 Corinthians 15:33

Sagluqipkaġnasi iñuŋnun uqaqtuanun tainna. Piqasiqsuutiguvsi ilaiññun maliksugniaqtusi.

Deuteronomy 9:22

“Tainnasuli qinnaiŋammigiksi Ataniq God-iksi Taberah-miinŋavsi, Maasah-miḷu, suli Kibroth Hattaavah-mi.