Numbers 11:18 - Iñupiatun Mumiksat Uqalugiksuat

¹⁸ Aasii uqallautilugich iñuich, ‘Salummaġumausi ilivsiññun itqanaiyautigilugu uvluq uvlaaku; niġiñiaqtusi niqipiamik. Atanġum tusaaŋagaasi uqaviḷuktuasi niqipiaqtuġugnivḷusi suli uqaqavsi nakuułhaaqtuamiinŋagaluaġnivḷusi Egypt-miinnavsi. Tavraasii Atanġum niqipiaksriññiaġaasi, aasii niġiruksraġiniaġiksi.

Numbers 11:18 Iomraidhean Croise

Genesis 35:2

Tavraasii Jacob uqallaŋamaruq igluqatigiramiñun iluqaiññun itqatigiramiñullu, “Igitchigik allaŋŋaqtat god-auruat pigirasi; salummaġlusi ilivsiññun suli salumaruanik annuġaaġlusi.

Makpiġaaŋa Job-gum 20:23

Niġisuiqsuaġlutiŋ niġiḷit! God-im tatavsaġniaġai qinnautiqpagmiñik.

Psalms 78:20

Iḷumun tavra uyaġak anauŋagaa, aasii imaq iḷaŋaniñ maqirraqsiŋaruq; aglaan tavra punniksritchuminagmivatigut suli niqiqaqtitchumiñaġmivatigut ilaata iñuni?”

Exodus 16:8

Tavraasii Moses uqallaktuq, “Atanġum niqipiaksriññiaġaasi niqiksravsiññik anaqami, aasii iḷaŋaniñ punniġnik uvlaami, atakkii tusaaŋagai uqaviḷuutisi akiḷḷiqsruqługu ilaa. Uqaviḷuutikavsiguk, tavra uqaviḷuutigiksi ilaa akiḷḷiqsruqługu Ataniq.”

Exodus 19:10

aasii Atanġum kiugaa, “Ullaglugich iñuich uqautisaġitin uvlupak uvlaakulu itqanaiyaqulugich atautchimugniksraptignun. Iqaġiruksraġigaich annuġaatiŋ

Exodus 19:15

suli Moses-gum uqautigai, “Itqanaitchumausi uvlaakutqigu suli siñiqatiqaġnasi utaqqiḷḷavsi.”

Exodus 19:22

Aŋaiyyuliqsit unnii qalliruat uvamnun salumaruksraummiut tatavsaqtausuŋitkumiŋ.”

Numbers 11:1

Iñuich uqamayunagutimmata Ataniq iviġaŋaiñŋaruq, tusaagamigich qinnaliŋaruq aasii igniġmik ikuallaivḷuni akunġanni aasii tuqułługich iñuich nullaġviallu suksraunġiqł̣ugu isukłiuruat.

Numbers 11:19

Niġiruksraġiniaŋitkiksi atausił̣hiñami naakka malġułhiñagni uvlugni, naakka tallimałhiñani naakka quliłhiñani, naakkaunnii iñuiññałhiñani (20) uvluni,

Acts 7:39

Uvagut maŋŋuupta kamagisuŋiñŋagaat, asivaqsiññaqługu utiġumaliŋarut Egypt-mun.