Numbers 11:17 - Iñupiatun Mumiksat Uqalugiksuat

¹⁷ Atqaġluŋa uqaqatiginiaġivsi tavrani; aasii iḷitqutchimiñ iliŋnun qaiñŋaramniñ siamitchiñiaġmiuŋa iliŋiññun; taapkua ikayuġniaġaatin, aasii kisiviñ savaaġiniaŋitkiñ.

Numbers 11:17 Iomraidhean Croise

Genesis 11:5

Tavraasii Atanġum tautugiaŋagaa nunaaqqiḷiaŋat nasiqsruġviglu nappaqtaŋat,

Genesis 17:22

God-im uqautiŋaiqamiuŋ Abraham, uniñŋagaa.

Genesis 17:3

Abram punŋaruq kiiñani tutiłługu nunamun, aasii God uqallaktuq,

Genesis 18:33

Uqaqatigianikkamiuŋ Abraham, Ataniq aullaqtuq, aasii Abraham utiqłuni aimaaġvimiñun.

2 Kings 2:15

Malġukipiaq quliuruat (50) God-im uqaqtiŋich Jericho-miñ qiñiqługu uqallaktut, “Suaŋŋataa Elijah-m Elisha-muktuq!” Kasuġiaŋagaat aasii pułłutiŋ nunamun sivuġaanun,

2 Kings 2:9

Ikaaġanigmaŋnik, Elijah-m uqallautigaa Elisha, “Uqallautiŋŋa sumik pisuktilaaġnik aullaurrauŋaiñŋaġma.” “Apiġigikpiñ, kiŋuvaannaktaaqaġuktuŋa malġuullugu ilitqusiġñik,” Elisha-m kiugaa.

Exodus 18:18

Minġuliġñiaqtutin taputilugich makua iñuich. Taamna savaaq aŋivaitchuq kisivich savaaġiniaġupku.

Exodus 18:22

Isivġiqsirauyumaut iñugnun ataramik savaaġillasiḷugu. Siġġaġnaqtuat iliŋnun maniyumiñaġaich aasii siġġaġnaitchuat iliŋisa sivunniuġutigiyumiñaġniaġaich. Tainna piguvich siġġaġnaipayaaġniaqtuq iliŋnun, ikayuaqsikpatin nanmaaġiraġnik.

Exodus 19:11

aasii itqanaiḷḷutiŋ uvlaakutqigu. Taaptumani uvlumi atqaġniaqtuŋa Mount Sinai-mun, iñupayaanun tautukkumiñaqsiḷuŋa.

Exodus 19:20

Ataniq atqaŋaruq qaaŋanun Mount Sinai-m aasii ququaqługu Moses qaaŋanuquvlugu iġġim. Moses mayuŋaruq

Exodus 34:5

Ataniq atqaŋaruq nuviyakun, makitaqatigivluguasii, aasii taivḷugu atini salumaruaq, Ataniq.

Numbers 11:25

Tavraasii Ataniq atqaŋaruq nuviyakun uqautiaqsivḷugu aasii. Iḷitqutchimiñ qaiñŋaramiñun Moses-mun qaitchiŋagaich piŋasukipiaq quliuruat (70) aullarrich. Iḷitqutchim turvigimmatiŋ, nipatuvlutiŋ uqaŋaniqsut God-mun uqaqtauruatitun, aglaan sivikitchuami.

Numbers 12:5

tavra Ataniq atqaŋaruq nuviyakun, qikaqhuni paaŋani Tupqum, ququulaniġaik, “Aaron! Miriam!” Iluqatik sivuġaanuktaaġniqsuk,

Numbers 12:8

Tavraasii uqaqatigiraġigiga tavruŋa kiiñaŋanun, nalunaił̣ł̣ugich, kaŋiqsitchiġiiñŋitchuatigun; tautuŋagaa unnii irrusiġa! Qanuq ilivsik uqaqsaayumiñaqpisik akiḷḷiġivlugu kivgaġa Moses?”

Numbers 27:18

Ataniq uqallaktuq Moses-mun, “Joshua piḷugu iġñiŋa Nun-gum, iñuk iḷitqusimnik piqaqtuaq, aasii argatin niaquanuglugich.

Numbers 7:89

Moses isiġami Tupiġmun uqaqatigisaqtuqługu Ataniq, tusaagaa Ataniq uqaurriñi qulaaniñ matuata Sivunniuġutikun Kiguunniġum, akunġagni malġuk isaġuligaak cherubim.

John 3:13

Kiñaliqaa mayuŋaitchuq qiḷaŋmun aglaan taamna atqaŋaruaq qiḷaŋmiñ, Iġñiŋa Iñuum.

John 7:39

Tavra taamna uqallausiġiŋagaa sivuniqaqługu Ilitqusiġiksuamik, tamatkua ukpiqtuat ilaanun aitchuusiaġiyumaakkaŋat, qanuq Ilitqusiġiksuaq aitchuutauganiŋaitchuq suli, Jesus aŋipkaqtauŋaił̣ł̣uni utiqtitauŋaił̣ł̣uniḷu qiḷaŋmun.

Romans 8:9

Aglaan ilivsi aŋalatinŋitchusi piḷuksisuguuruanun iñuutchivsiññun. Ilitqusiġiksuaŋa God-im iñuupiaqpan iḷuvsiññi, aŋalataġigaasi Ilitqusiġiksuam. Kiñaliqaa piqaŋitchuaq Ilitqusiġiksuaŋanik Christ, Christ-gum pigiŋitkaa.

1 Corinthians 2:12

Aasii taamna Ilitqusiġiksuaq God-im aitchuutigiŋagaa uvaptiŋnun, iñugruiññaum isumattutigiŋisaŋa, uvagut iḷitchuġitquvluta iluqaiññik anniqsuusianik God-im akiiḷaanik aitchuutiŋiñik uvaptiŋnun.

1 Thessalonians 4:8

Taamna pisigilugu, kiñaliqaa iñuusuŋitchuaq kamagilugich taapkua pitqurat, kipuqłaiŋitchuq iñuŋmik aglaan God-mik, aitchuiruamik Ilitqusiġiksuamiñik ilivsiññun.

1 Peter 1:22

Paŋmapak-aasii piḷuutaiqsauganikavsi kamaksrirraqsivḷusi God-im iḷumun ittuamik uqaluanik piviuttaqsriḷḷasirusi iḷumutun ukpiqtuaguqativsiññik. Tavraasii nalupqinaiyapiaqsiuŋ iḷumupiaq piviuttaġitilaaŋannik ukpiqtuaguqatisi iḷuvsiññiñ.

Jude 1:19

Tamarra tamatkua iñuich agvisauruat atiŋirrutinun aŋalataġipkaqłutiŋ iñuŋruiññaum kipiġniuġutiŋiñun, Ilitqusiġiksuamun aŋalatitkaluaġnatiŋ.

1 Samuel 10:6

Tavraŋŋatchiaq iḷitqusiata Atanġum aŋalanagutiniaġaatin, aasii kanaakkiuqasiġñiaġitillu nipaallaqpaqasiġḷugilu suli allatun iñuktun iḷiñiaqtutin.