Numbers 10:29 - Iñupiatun Mumiksat Uqalugiksuat

²⁹ Moses uqallautigaa tuvaaqanmi aniqataa Hobab iġñiŋa Jethro-m Midian-miuguruaq, “Aullaaqsirugut inimun Atanġum qaiññiaġniŋaraanun uvaptinnun. Unniqsuqłiiŋaruq Israel piḷḷuataqtuaġuġniaġnivḷugu, ki aullaqasiqsigut, piqaqtinniaġiptigiñ suġaliññaktaaptinniñ.”

Numbers 10:29 Iomraidhean Croise

Genesis 12:7

Ataniq niptaŋaruq Abram-mun aasii uqallautivlugu, “Tamarra tamanna nuna qaiññiaqtaġa kiŋuvaaġiniaqtaġnun.” Tavraasii Abram ikipkaiviḷiuŋaruq tavrani Ataniġmun tuktiłługu, niptaġvigiŋammani tavrani.

Genesis 13:15

Qaiññiaġiga ilignun kiŋuvaaġiniaqtaġnullu iluqaan nuna qiñiqtan, aasii piginiaġiñ taimuŋa isuitchuamun.

Genesis 15:18

Tavrani tavra Ataniq inillaiŋaruq sivunniuġunmik Abram-mun. Uqallakłuni, “Unniqsuqłiiruŋa aitchuġukługich kiŋuvaatin iluqaanik mattumiŋa nunamik killiŋaniñ Egypt-gum kuukpagmuaglaan atiqaqtuamik Euphrates-mik,

Genesis 17:8

Qaiññiaġiga iliŋnun kiŋuvaaġnullu manna nuna paŋmami iñuuniaġvigiran. Tamatkiġḷugu nunaŋa Canaan piginiaġaat kiŋuvaaqpich isuitchuamun, aasii uvaŋa iliŋisa God-iginiaġaanŋa.”

Genesis 32:12

Itqaumalutin unniqsuqłiiŋagiŋma sunapayaaq iłuaġlugu uvamnun inniaġnivḷugu suli iñugiaktuanik kiŋuvaanigniaġnivḷuŋa kia unnii kisitanikkumiñaisaŋiññik, iñugiaktigilutiŋ qaviatun taġium siñaaniittuatun.”

Psalms 100:1

Atuġitchi quviasuglusi Ataniġmun, iluqavsi nunamiittuasii!

Psalms 34:8

Ilignigli iḷitchuġisaġuŋ qanutun Ataniq nakuutilaaŋa. Quviasuktut annaksaġviqaqtuat ilaanik.

Psalms 95:1

Qaiḷusi, nanġaġlakput Ataniq! Quviasugluta atuqta uyaġauruamun annaurriptinnun!

Exodus 18:1

Moses-gum aaparuaŋata Jethro-m, aŋaiyyuliqsiqpaum Midian-mi, tusaaŋaniġai iluqaisa savaaŋich God-im Moses-mun suli iñuŋiñun Israel aullautimmagi Egypt-miñ.

Exodus 18:12

Tavraasii Jethro qaġġirriŋaruq aitchuutiksramik ikipkaaksramik suġaiḷḷugu suli allanik aitchuutiksranik God-mun; aasii Aaron-lu iluqaġmiglu aullarriuruat, Israel-gum kiŋuvaaŋich, niġiqatigiyyaŋagaat Moses aaparuaŋa, takkuani God.

Exodus 18:27

Tavraasii Moses-gum itqanaiyautiŋagaa Jethro, aasii Jethro utiŋaruq nunamiñun.

Exodus 2:18

Utiġmata aapamignun, apiġigai, “Summan imña utiġnaġiaqpisi uvlupak?”

Exodus 2:21

Tavraasii Moses sivunniŋaruq tamaani iñuuniaġukłuni, aasii Jethro-m qaiñŋagaa paniñi Zipporah tuvaaqatigitquvlugu,

Exodus 3:1

Uvlut iḷaŋanni Moses qaunaksriḷḷaġmi imnaiŋiñiglu nagruliŋiñiglu aaparuaġmi Jethro-m, aŋaiyyuliqsiqpauruam Midian-mi, aullatiŋagaich niġrutit qaaŋiqł̣ugu nunagluktuaq aasii Sinai-mukłuni, God-im iġġiŋanun.

Exodus 3:8

aasii uvva qairuŋa atqaqłuŋa qiḷagmiñ annautisukługich Egypt-miuguruaniñ suli aullautisukługich Egypt-miñ inituruamun nunamun, nunalluatamun naurisuqtuamun, paŋmami ukua nayuqtaŋannun; Canaan-miut, Hit-miut, Amor-miut, Periz-miut, Hiv-miut, Jebus-miullu.

Exodus 6:4

Aasii suli inillaiŋaruŋa sivunniuġunmik iliŋiññun, unniqsuqłiivḷugich aitchuġniaġnivḷugich nunaŋanik Canaan, nunamik iñuuvigiŋaraŋannik allaniñ nunaniŋŋaqtauvlutiŋ.

Numbers 10:28

Taamna, aasii tavra, irrusiġiŋagaat aquliġaġiikł̣utiŋ pisuaqtuat, qavsiullaavlutiŋ, Israel-gum kiŋuvaaŋich, aullaġaġimmatalu nuullaammatalu.

Numbers 23:19

God una iñuktun inŋitchuq, saglusuuruatun; Naaggaunnii iñugruiññatun isumalitqigaġluni. Unniqsuqłiigami sumik, pisuugaa; Uqallautaa nalautitchuuruq.

Acts 7:5

Naaggauvva ilaan aitchuŋaitkaa kiŋuvaannaktaksramik tavrani, isigagniqtutilaatun-unnii taktilaaqaqtuamik nunamik, aglaan unniqsuqłiivḷugu aitchuutiginiaġnivḷugu ilaanun piġġaktaaġipkaġlugu kiŋuniiŋiñullu aquagun. Tavrani God-im unniqsuqłiimmagu Abraham miqłiqtuiñŋaruq.

Deuteronomy 30:5

nunannaktaaġivsaaqtillugu aasii iñuuniaġvigiŋakkaŋaat kiŋuniivsi, ilaata piḷḷuatausivsaałhaaġmiḷusi iñugiaksił̣haaġlusiḷu maŋŋuuvsigñiñ unnii.

Deuteronomy 4:40

Kamaksriḷusi pitqurriutiŋiññik ilivsigñun qaitchamnik uvlupak, suna iluaġluni itchumauq ilivsigñun kiŋuniivsigñullu. Ataramik iñuuvigiyumagiksi nuna Atanġum God-ivsi qaisaŋa pigiyumiñaġlugu taimuŋa.”

Titus 1:2

iñuuyumaliquvlugich isuitchuamun. God-im suuramikunnii saglulaitchuam unniqsuqłiiŋagaatigut taavrumiŋa iñuggunmik nunaunnii isagutiŋaiñŋaan,

Hebrews 6:18

Taapkuŋnuuna malġukkun allaŋŋulaitchuakkun, unniqsuqłiisikullu nalupqinaiyautikullu, God arguanaiŋaruq sagluyumiñaisilaamiñik. Uvagulli annaksaŋaruaguut qamannirviŋmun God-mun piyumalaaġusiqł̣uta piññaktaaġiyumavlugu annaun aitchuutigisukkaŋa.

Revelation 22:17

Ilitqusiġiksuaġlu Nuliaksraullu uqaqtuk, Qaisitchi. Suli kiñaliqaa tusaaruaq taavrumiŋa uqallaktuksraummiuq, Qaisitchi. Suli kiñaliqaa imiġuliqsuaq qaiḷi. Akuqtuġliuŋ imiq iñuunaqtuaq aitchuusiaġilugu kiapayaaq piqaġuktuam.

1 Samuel 15:6

Kiligiaqtinŋagaich Ken-miut, taapkua sivulliiŋisa aŋalalluataŋammagich Israel-miut Egypt-miñ qaimmata: “Aullaġitchi uniḷḷugich Amalek-miut tuqunŋitchumagivsi taputilusi taapkunuŋa.” Tavra Ken-miut aullaŋarut.