Numbers 1:53 - Iñupiatun Mumiksat Uqalugiksuat

⁵³ Aglaan Levi-m kiŋuvaaŋich nullaġniaqtut avataanun Tupqum munaqsrausaġlutiŋ, kia-unnii qaninŋaŋitchumagaa Tupiq qanukkii qaninŋaqpata qinnautiniaġitka Israel-gum kiŋuvaaŋich.”

Numbers 1:53 Iomraidhean Croise

Leviticus 10:6

Tavra Moses-gum uqallautiŋagaich Aaron-lu iġñiŋiglu Eleazar-lu Ithamar-lu, “Iḷḷaiqsuŋaiññagich nutchasi naakkaunnii aligaġlugich annuġaasi qiñiġnaqtitchaġlusi qiñŋutilaaqsi. Tainna pituaġuvsi, tuquniaqtusi, aasii Atanġum qinnautiniaġaa iluqaan nunaaqqiuruaq. Allat aglaan Israel-gum kiŋuvaaŋich iḷasi qiñŋuyumiñaqtut, taapkuak pisigilugik Atanġum tuquttaŋik ikipkaqługik.

Numbers 1:50

Aglaan, Levi-m kiŋuvaaŋich qaunaksriḷiutiyumagitin Tupiġmun nayuqtauvimñun suli iluqaiññun suġauttaŋiññun. Tigumiaġniaġaat suġautaŋiḷḷu, qaunagilugu, suli nullaġvigillaalugu avataani.

Numbers 1:54

Tavraasii Israel-gum kiŋuvaaŋich savaŋaniqsut supayaamik Atanġum piraksriutaanik Moses-mun.

Numbers 16:46

aasii Moses uqallaktuq Aaron-mun, “Siḷaavyiun piḷugu, aluaksraġutin aumaruanik ikipkaivigmiñ, aasii tivraġiksaun iḷiḷugu aluanun. Qilamiqsruġlutin iñugnuuttiuŋ aasii salummautim piraġausiŋa atuġlugu iliŋiññun. Qilamik! Atanġum uumitchautaa suaŋŋaŋaruq naŋirrutiqpak isagutianigmiuq.”

Numbers 16:9

Uvvaimña suqpauŋiññasugivisiuŋ God-iŋata Israel ilaaguaqtaġiŋammasi iluqaaniñ Israel nunaaqqiŋaniñ? Ilaa savaŋagaa ilimiñun sivuġaanullasivḷusi savaaksrasi savaaġillavlugich Atanġum Tupqani, aasii ikayuqługich nunaaqqiuruat suli alġaqsruqługich.

Numbers 17:7

Tavraasii Moses-gum iḷiñiġaich ayauppiat Tupiġmun sivuġaanun Atanġum Kiguunniŋata Sivunniuġutikun.

Numbers 2:17

Tavraasii, akunġagni sivulliigḷu aqulliigḷu Levi-m kiŋuvaaŋich avluġaaġniaqtut atautchikun tigumiaġlugu Tupiq. Ilaaguallaaŋaruat avluġaaġniaqtut atautchikun aquliġaġiigḷutiŋ nullaġvigmigni inillaamiktun, nalunaiñŋutallaamiktigun.

Numbers 3:23

Taapkua iḷagiich nullaqtuksrauŋarut ualiñaaŋanun Tupqum tunuani,

Numbers 3:29

Taapkuali iḷagiich nullaqtuksrauŋarut kiluani Tupqum,

Numbers 3:35

Taapkua iḷagiich nullaqtuksrauŋarut salliñaaŋanun Tupqum, Zuriel iġñiŋa Abihail-gum qaukłiġivlugu iḷagiiksuat.

Numbers 3:38

Moses-lu Aaron-lu, Aaron-guvlu iġñiŋich nullaqtuksrauŋarut sivuġaanun Tupqum kivaliñaaŋata. Savaaġiŋagaiḷḷi savaaksrautitiŋ Salumaruami Inimi Israel-gum kiŋuvaaŋiññun. Kiña alla iñuk savaksaaruaq tavrani tuqutauniaqtuq.

Numbers 31:30

Taapkunaŋŋa qaitchaŋiññiñ iñugnun, atausimik piksrallaalusi malġukipiaq quliuruaniñ (50) tigutaaqtaniñ suli tainnasuli pamiqsaaniñ, kakaktiniñ, imnaiñiñ, suli nagruligniñ. Qaiḷḷugich Levi-m kiŋuvaaŋiññun qaunaksrauruanun Atanġum Tupqanik.”

Numbers 31:47

Taapkunaŋŋa autaaġusiaguruaniñ Moses piksraŋaniqsuq atausiḷḷaamik 50-iullaaruaniñ tigutaaqtaniñ niġrutiniḷḷu, Atanġum piraksriutaatun, qaił̣ł̣ugich Levi-m kiŋuvaaŋiññun qaunaksriuruanun Atanġum Tupqanik.

Numbers 8:19

aasii qaiñŋagitka Levi-m kiŋuvaaŋich Aaron-mullu iġñiŋiñullu, aitchuutauvlugich Israel-gum kiŋuvaaŋiññiñ, savautitquvlugich iñuich Tupiġmi suli qaunagitquvlugich Israel-gum kiŋuvaaŋich suksraunġiqsauniksraŋanniñ qallivaitparruŋ Salumaniqsrauruaq Ini.”

2 Timothy 4:2

alġaqsruutigitquvlugu God-im uqalua ataramik. Uqautiginiapiaġlugu piviksraq nalautitkaluaqpan naagga nalautinŋaitkaluaqpan, maliksuktinniaġlugich iñuich, suakkaluaġlugich, qapiŋaisaaġlugich qapiŋaisaagaksrauruat, iḷisaurriḷutin qimmaksaliyaipiaġlutin.

1 Samuel 6:19

Atanġum tuqunŋagaich piŋasukipiaq qulit (70) aŋutit Beth Shemesh-mi qanukkii itchuaŋarut iḷuanun Sivunniuġutim Kiguunniġum. Iñuich qiñuqpaŋarut qanukkii Atanġum tuquġaiqpaŋagaich aŋutit avataiññiñ.