Matthew 9:8 - Iñupiatun Mumiksat Uqalugiksuat

⁸ Iñusalaich tautukamirruŋ, kamatchaŋarut, aasii nanġaŋagaat God suaŋŋatiqaqtitchiḷḷaruaq tainnatchimik iñuŋnun.

Matthew 9:8 Iomraidhean Croise

Matthew 12:23

Tavra iñuich iluqaġmiŋ aliuŋarut, suli uqallakłutiŋ, Uvvauna kiŋuniġiŋitkaluaqpauŋ David-gum, Christ-guruaq?

Matthew 15:31

Tavraasii iñusalaich kamasuŋarut, tautukamisigik uqalaiḷat uqaaqsimmata, qilluutituqtuat iłuaqsiraummata, tusiattuat pisuaġmata, suli ayauŋaruat tautullasimmata. Tavra ilaisa nanġaŋagaat God-iŋat Israel.

Matthew 28:18

Tavra Jesus qalliḷaaqługich uqallautiŋagai, Ataniġnaqusiqsauŋaruŋa aŋalataġiyumiñaqsivḷugich qiḷaŋmiittuat nunamiittuallu.

Matthew 5:16

Tainnatulli qaummatitun qaummaġigitchi nakuurualiqilusi, iñuich tautukkumagaich nakuurualiqiasi aasii nanġaġlugu Aapari qiḷaŋmiittuaq.

Matthew 9:7

Tavra makiłłuni aiŋaruq.

Mark 2:12

Tavra tavrauvvaa ilaa makinŋaruq, tiguvlugich ikuvġani, aniŋaruq takkuanni iluqaġmiŋ. Iluqaġmiŋ kamasuŋarut, suli nanġaŋagaat God uqaqłutiŋ, Qaŋaunnii innatchimik tautuŋaitchugut.

Mark 7:37

Iluqaġmiŋ tusaaruat kamasupiaġataŋarut, uqaqłutiŋ, Ilaa savaŋaruq supayaanik piḷḷuataqługich. Ilaan tusiḷḷaqtuat tusaallasigai, uqayuitchuallu uqallasivḷugich.

Luke 13:13

Tavra Jesus aksiŋagaa aġnaq, aasii tavrauvvaa isivvaġiksiŋaruq, suli nanġaŋagaa God.

Luke 17:15

Tavra iḷaŋat, iḷitchuġikami iłuaqsirautilaamiñik, utiqsaŋaruq, nanġaqługu God nipatuvluni.

Luke 17:18

Utiġumiñaŋagaluaġmiut quyyavigisuglugu God. Aglaan uvvauna Samaria-ġmiu utiŋaruq.

Luke 18:43

Tavra tavrauvvaa ilaa tautullasiŋaruq aasii Jesus malikługu, nanġaqługu God. Tavra iluqaġmiŋ iñuich tautukamirruŋ, God nanġaŋagaat.

Luke 2:20

Tavra imnaiḷiqirit utiŋarut, kamanaqsiḷiqługu nanġaqługulu God iluqaisigun tusaaramikkun tautukkamikkullu uqausiusiamiktun.

Luke 23:47

Tavra aŋuyaktit atanauraŋata iḷitchuġikami taapkuniŋa piruanik, ilaan nanġaŋagaa God uqallakłuni, Nalupqinaitchuamik una iñuk patchisaiñŋaruq.

Luke 7:16

Kamatchapiaġataŋarut iluqaġmiŋ iñuich, aasii ilaisa nanġaŋagaat God uqaqłutiŋ, Kamanaqtuaq uqaqtaa God-im iñukpalliŋaruq akunnaptiŋni, uqaqłutiglu God-im annautiyaqtuġai iñuŋni.

John 15:8

Siiġñiqpakavsi satqummiġiksi Aapama kamanautaa. Tainna pikavsi, ukpiġnaqsigiksi iḷitchitqurautilaaqsi uvamnun.

Acts 11:18

Taamna tusaakamirruŋ pisaaŋaŋaiŋagaat, aasii nanġaqługu God uqaqłutiŋ, Tavraptauq Jew-guŋitchuat God-im isumalitqigviksraqaqtinŋagai iñuutquvlugich isuitchuamun.

Acts 21:20

Naalaktuaganikamirruŋ Paul, iluqaġmiŋ God nanġaŋagaat. Aasii Paul uqallautiŋagaat, Aniqaan, iḷisimarutin iñugiapiaġataqtut Jew-guruat ukpiliŋaruat, iliŋisa siġmaaġutigigaich pitqurat.

Acts 4:21

Tavra uqaqsitaaqtitchirit sivuuġasaavsaaqqaaqługik Peter-lu John-lu aullaqtinŋagaich. Iliŋich iḷitchuġiŋaitchut tatavsautauyumiñaqtuamik iliŋiŋnun, qanuq iñupayaat nanġaŋagaat God taavrumuuna piruakun.

2 Corinthians 9:13

Aitchuiñivsi nalupqinaiġñiaġaa iḷumun akuqtuŋatilaaŋa tusaayugaaġiksuaq Christ-kun aasii kamagivlugu. God-ttauq nanġausiaqaġniaġmiuq taavrumuuna, ilivsiḷu nauttaaŋił̣ł̣usi aitchuiñivsigun Jerusalem-miittuanun, iluqaiññullu allanun.

Galatians 1:24

Aasii pisigivluŋa ilaisa God nanġaŋagaat.

1 Peter 2:12

Nalaunŋaruakun iñuuniaġitchi akunġanni ukpiŋaitchuat, iḷaanni uqautigimaqłukkumisi killuliqiruaġuġlusi tautuksiññaġumagaich iñuulluataġnisi, aasii nanġaġlugu God Christ qaitqikpan.