Matthew 9:6 - Iñupiatun Mumiksat Uqalugiksuat

⁶ Ukpiġnaqsiḷiġniaġiga ilivsiññun Iġñiŋa Iñuum ataniġnaqutiqaqtilaaŋanik nunami suliqutigiŋaiġumiñaqługich itqaumayumiñaiġḷugich piḷuutit. Ilaa tavrani uqallaŋaruq aulalaitchuamun, Makillutin pisuaġiñ. Tigulugich ikuvġatin aggiiñ.

Matthew 9:6 Iomraidhean Croise

Matthew 4:24

Tavra Jesus tusaaŋagaat aliuġnaġniŋa siamiłłuni iluqaiññun nunaaqqiŋiñun Syria-m. Aasii iñuich qaġġirriŋarut ilaanun iluqaiññik naŋittuanik, tamatkuniŋa nagliksautiqaqtuanik qanusiḷimaanik naŋirrutinik kiiqsiuġutiniglu, iḷitqusiqł̣uqaqtuallu, qiiqsruġuuruallu, avatiŋiḷḷu tuquŋaruat, aasii ilaan iłuaqsiŋagai iluqaisa.

Matthew 8:20

Tavrali Jesus uqallautiŋagaa, Pisukkaat sisiqaqtut, tiŋmiallu ugluqaqłutiŋ, aglaan Iġñiŋa Iñuum aimaaġviitchuq pimaaqtuġumiñakkamiñik.

Matthew 9:2

Tavra, qaġġirriŋarut ilaanun aulalaitchuamik, nalavlugu ikuvġamiñi. Tavra Jesus puttuqsrikamiuŋ ukpiġutaat uqallaŋaruq aulalaitchuamun, Quviasugiñ, iġñiiŋ. Piḷuutitin suliqutigiŋaiqsaurut itqaumayumiñaiqł̣ugich.

Matthew 9:5

Nalliak uvva siġḷiġnaił̣haaqpa uqallaktuni inna, Piḷuutitin suliqutigiŋaiqsaurut, naagga uqallaktuni, Makillutin pisuaġiñ?

Matthew 9:7

Tavra makiłłuni aiŋaruq.

Mark 2:10

Tavraasii ukpiġnaqsiḷiġniaġiga ilivsiññun Iġñiŋa Iñuum ataniġnaqutiqaqtilaaŋanik nunami suliqutigiŋaiġumiñaqługich piḷuutit. Ilaan aasii uqallautiŋagaa aulalaitchuaq iñuk,

Mark 2:7

Qanuqłuniuna uqaġumiñaqpa tainna God-itun? Kiñaliqaa suliqutigiŋaiqsiyumiñaitchuq piḷuutinik itqaumayumiñaiġḷugich aglaan God kisimi.

Luke 5:21

Tavra iḷisaurriḷḷu pitquranik Pharisees-lu apiqsruqtuutirraqsiŋarut avanmun, Kiñauna iñuk uqaqpa tainna God-itun? Kiñaliqaa suliqutigiŋaiqsiyumiñaitchuq itqaumayumiñaiġḷugich piḷuutinik aglaan God kisimi.

John 10:28

Aasii isuitchuamik iñuupkaġniaġitka, iliŋich aasii nalupqinaitchuamik tammaġumiñaipiaqtut. Suli supayaam aqsaaġniktaaġiyumiñaitkai uvamniñ.

John 17:2

qanuq ilivich ataniġnaqusiŋagiŋma kamanałhaaġumiñaqsivḷuŋa iñupayaaniñ. Taamna pisigivlugu iñuupkaiyumiñaqtuŋa isuitchuamun iluqaiññik qaisaġnik uvamnun.

John 5:27

Suli Aapam aitchuŋagaa ataniġnaqunmik isivġiitquvlugu iñuŋnik, qanuq Iġñiġimmagu Iñuum iñuuqatauvluni iñuŋni.

John 5:8

Tavra Jesus uqallautiŋagaa, Makittin. Tigulugich ikuvġatin. Pisuaġiñ.

Acts 5:31

God-im kamanaqsipkaŋagaa inillakługu taliqpiŋmi tuŋaanun Aullarriġuqługu Annaurriġuqługulu, iñuich Israel-guruat isumalitqikkumiñaqsivḷugich, piḷuutitiŋ suliqutigiŋaiqsaupkaġlugich itqaumayumiñaiġḷugich.

Acts 9:34

Tavra Peter-m uqallautiŋagaa, Aeneas, Jesus Christ iłuaqsigaatin. Makittin iłuaqsakkich tuŋiutitin. Tavra tavrauvvaa makinŋaruq.

2 Corinthians 2:10

Kialiqaa killuliqiaŋa suliqutigiŋaikkaqsi itqaumaŋaiqł̣ugu, uvaŋaptauq suliqutigiŋaiġmigiga itqaumaŋaiqł̣ugu. Suliqutigiŋaiŋagupku killuliqun itqaumayumiñaiġḷugu, suliqutigiŋaiġiga pisigivlusi, suli pisivlugu Christ.

2 Corinthians 5:20

Tavra uvagut Christ kivgaġigaatigut, aasii God-im atuġaatigut uqautitquvlusi. Apiġipiaġivsi, Christ arakłipiaġataġmatun ilivsiññik, iḷauraaliutisitchi God-mun.

Ephesians 4:32

piaqłuktautiŋaiġḷusiḷu avanmun, nagliksrautiqaġlusiḷu suliqutigiŋaiġutilusiḷu avanmun, God-iptauq suliqutigiŋaiŋammagich itqaumayumiñaiqł̣ugich piḷuutisi pisigivlugu Christ.

Colossians 3:13

piaqłuktautiŋaiġḷusi avanmun. Iñuk uqaallatiksraqaġaluaġumi allamun iñuŋmun, suliqutigiŋaiġḷiuŋ itqaumaŋaiġḷugu uqaallatiksraq. Atanġuptauq suliqutigiŋaiŋammagich piḷuutivut itqaumayumiñaiqł̣ugich, tainnatulli uvagut suliqutigiŋaigaksraġigivut allat pimaqłuutiŋich uvaptiŋnun.