Matthew 9:5 - Iñupiatun Mumiksat Uqalugiksuat

⁵ Nalliak uvva siġḷiġnaił̣haaqpa uqallaktuni inna, Piḷuutitin suliqutigiŋaiqsaurut, naagga uqallaktuni, Makillutin pisuaġiñ?

Matthew 9:5 Iomraidhean Croise

Matthew 9:2

Tavra, qaġġirriŋarut ilaanun aulalaitchuamik, nalavlugu ikuvġamiñi. Tavra Jesus puttuqsrikamiuŋ ukpiġutaat uqallaŋaruq aulalaitchuamun, Quviasugiñ, iġñiiŋ. Piḷuutitin suliqutigiŋaiqsaurut itqaumayumiñaiqł̣ugich.

Matthew 9:6

Ukpiġnaqsiḷiġniaġiga ilivsiññun Iġñiŋa Iñuum ataniġnaqutiqaqtilaaŋanik nunami suliqutigiŋaiġumiñaqługich itqaumayumiñaiġḷugich piḷuutit. Ilaa tavrani uqallaŋaruq aulalaitchuamun, Makillutin pisuaġiñ. Tigulugich ikuvġatin aggiiñ.

Mark 2:5

Jesus puttuqsrikamiuŋ ukpiġutaat, uqallautiŋagaa aulalaitchuaq, Iġñiiŋ, piḷuutitin suliqutigiŋaiqsaurut itqaumayumiñaiqł̣ugich.

Luke 5:20

Tavra Jesus puttuqsrikamiuŋ ukpiġutaat taapkua iñuich, ilaa uqallaŋaruq aulalaitchuamun, Iñuuk, piḷuutitin suliqutigiŋaiqsaurut itqaumayumiñaiqł̣ugich.

Luke 7:48

Tavraasii Jesus uqallautiŋagaa aġnaq, Piḷuutitin suliqutigiŋaiqsaurut itqaumayumiñaiqł̣ugich.

Acts 3:16

Taamna Jesus taamnauruq ukpiġivlugu ataniġnaqutaa uqautigikkaqput. Ilaan iłuaqsiŋagaa una iñuk iḷisimakkaqsi. Qanuq taamna iñuk ukpiliŋaruq Jesus-mun, aasii ukpiġutaata iłuaqsipkaġaa surruiqł̣ugu, aasii iluqasi tautukkiksi.

Acts 9:34

Tavra Peter-m uqallautiŋagaa, Aeneas, Jesus Christ iłuaqsigaatin. Makittin iłuaqsakkich tuŋiutitin. Tavra tavrauvvaa makinŋaruq.