Matthew 9:4 - Iñupiatun Mumiksat Uqalugiksuat

⁴ Tavra Jesus iḷisimavlugich isumaŋich uqallaŋaruq, Summan pigiitchuanik isumavisi?

Matthew 9:4 Iomraidhean Croise

Psalms 139:2

Iḷisimasuurutin aquvinnama suli makinnama; kaŋiqsimagitin isummatigiratka uŋasikkaluaqtuamiñ.

Psalms 44:21

iḷumutupiaq iḷitchuġiniaġaluaqtusi, atakkii iḷisimagitin isumavut suiḷaurrisit unnii.

Matthew 12:25

Jesus iḷisimavlugich isumaŋich, uqallautiŋagai, Nunauruat atinġiqł̣utiŋ aŋuyautikamiŋ inmiŋnun suksraunġiġuurut. Suli iniqpakkaluaq naaggaunnii igluqpaum iñuŋi atinġiqamiŋ suksraunġiġñiaqtut inmiŋnik.

Mark 12:15

Akiḷiiruksrauvisa, naagga akiḷiiñiaŋitpisa? Tavra Jesus, iḷisimavlugu pisaaŋŋuaġutaat, uqallautiŋagai, Summan uuktuqpisiŋa? Qaġġirrisiŋa maniuramik tautukkumagiga.

Mark 2:8

Tavra tavrauvvaa Jesus puttuqsrikami tainna isumaniġmata, uqallautiŋagai, Summan isumavisi tamatkuniŋa?

Luke 11:17

Tavra Jesus puttuqsrivḷugich isumaŋich, uqallautiŋagai, Nunauruat atinġiqł̣utiŋ aŋuyautikamiŋ inmiŋnun suksraunġiġuurut. Qitunġaġiich atinġiqamiŋ inmiŋni suksraunġiġñiaqtut inmiŋnik.

Luke 5:22

Tavra Jesus puttuqsrikami tainna isumaniġmata, uqallautiŋagai, Summan isumavisi tamatkuniŋa?

Luke 6:8

Tavra Jesus iḷisimaŋagai ilaisa isumaŋich, aasii uqallautiŋagaa iñuk argakisuurauniqsuaq, Qaiñ. Makittin uvuŋa. Tavra tavruŋa makinŋaruq.

Luke 7:40

Tavra Jesus-gum uqallautiŋagaa, Simon, uqallautiksraqaqtuŋa iliŋnun. Aasiiḷi ilaan kiuŋagaa, Sumik Iḷisaurrii?

John 16:19

Jesus iḷisimaŋaruq apiġisuktilaamiñik iliŋiññun aasii uqallautiŋagai, Apiqsruqtuutivisi ilivsiññun sumik sivuniqaqtilaaŋanik uqallakama, tautuaġiŋaiyasiñivḷuŋa, aasiisuli, sivikitchuami tautugniaġnikama ilivsiññun?

John 16:30

Paŋmapak iḷitchuġirugut iḷisimatilaaġnik supayaanik. Nalupqisuŋaiqsugut apiqsruutiksraiqsugullu. Taamna pisigivlugu ukpiqtugut ilivich qaiŋatilaaġnik God-miñ.

John 21:17

Jesus uqallautiŋagaa piŋayuaŋni, Simon iġñiŋa John, nakuaġiviŋa? Peter atqunaqłuni ipiqtutchaŋaruq pisigivlugu Jesus apiqqutaa piŋayuaŋni, Nakuaġiviŋa? Tavra Peter-m uqallautiŋagaa, Ataniiq, iḷisimarutin supayaanik. Iḷisimarutin uvamnun nakuaġitilaaġnik. Jesus uqallautiŋagaa, Niġipkakkich imnaitka.

John 6:61

Tavra Jesus, puttuqsrivḷuni iḷitchitqurani uqamayuktilaaŋannik taavrumuuna, uqallautiŋagai, Taapkua uqaluich ukpiġutaiqsitkaqsivasi?

John 6:64

Aglaan iḷasi ukpiŋitchut. Jesus isuaniñqaŋa iḷisimaŋagai kisuutilaaŋat ukpiŋitchuat kiutilaaŋalu aitchuutiginnigniaqtuaq inmiñik.

Acts 5:9

Tavra Peter uqallaŋaruq ilaanun, Qanuqimña atisivḷutik atunim uuktuqpitku Ilitqusiġiksuaŋa Atanġum. Naalaġniiñ, sukpaluat qaŋma isigaŋisa iḷuvviuqtuat uigñik, paamuktut, aasii annisiniaġmigaatin tainnatun.

Revelation 2:23

Suli uvaŋa tuqunniaġitka miqłiqtuŋi. Aasii aŋaiyyuliqiruapayaat nunallaani iḷitchuġiniaqtut uvaŋautilaamnik iḷisimaruaq iñuich isumaŋiññik piyummatiŋiññiglu. Suli paaqłiġñiaġivsi atausiullaalusi sutigun piŋaravsigun.