Matthew 9:2 - Iñupiatun Mumiksat Uqalugiksuat

² Tavra, qaġġirriŋarut ilaanun aulalaitchuamik, nalavlugu ikuvġamiñi. Tavra Jesus puttuqsrikamiuŋ ukpiġutaat uqallaŋaruq aulalaitchuamun, Quviasugiñ, iġñiiŋ. Piḷuutitin suliqutigiŋaiqsaurut itqaumayumiñaiqł̣ugich.

Matthew 9:2 Iomraidhean Croise

Matthew 14:27

Tavra tavrauvvaa ilaan uqallautiŋagai, quviatchaktitausitchi. Uvaŋauruŋa. Iqsiñasi.

Matthew 4:24

Tavra Jesus tusaaŋagaat aliuġnaġniŋa siamiłłuni iluqaiññun nunaaqqiŋiñun Syria-m. Aasii iñuich qaġġirriŋarut ilaanun iluqaiññik naŋittuanik, tamatkuniŋa nagliksautiqaqtuanik qanusiḷimaanik naŋirrutinik kiiqsiuġutiniglu, iḷitqusiqł̣uqaqtuallu, qiiqsruġuuruallu, avatiŋiḷḷu tuquŋaruat, aasii ilaan iłuaqsiŋagai iluqaisa.

Matthew 6:12

Suli suliqutigiŋaikkich itqaumayumiñaiġḷugich piḷuutivut, uvaguttauq suliqutigiŋaiġmatun itqaumayumiñaiqł̣ugich tamatkua piḷuksiruat uvaptiŋnun.

Matthew 8:10

Tavra Jesus tusaaqqaaqługu ilaa uqaqtuaq, kamatchaŋaruq, aasii uqallautivlugich tamatkua maliġuaqtini, Iḷumun uqallautigivsi, Israel-guruaniunnii iḷitchuġiŋaitchuŋa iñuŋmik ukpiġutiqaqtigiruamik uumatun iñuktun.

Matthew 8:16

Taavrumani unnugiaqtuami iñuich qaġġirriŋarut iñugiaktuanik ilitqusiqł̣uqaqtuanik, aasii Jesus anittaŋagai ilitqusiqł̣uich uqaluŋmiñik, suli iłuaqsivḷugich iluqaisa naŋittuat.

Matthew 9:22

Tavra Jesus kiŋiaŋaruq, aasii tautukługu uqallaŋaruq, Quviasugiñ paniuruatiin, ukpiġurvich iłuaqsipkaġaatin. Tavra tavraŋŋatchiaq aġnaq iłuaqsiŋaruq.

Matthew 9:5

Nalliak uvva siġḷiġnaił̣haaqpa uqallaktuni inna, Piḷuutitin suliqutigiŋaiqsaurut, naagga uqallaktuni, Makillutin pisuaġiñ?

Matthew 9:6

Ukpiġnaqsiḷiġniaġiga ilivsiññun Iġñiŋa Iñuum ataniġnaqutiqaqtilaaŋanik nunami suliqutigiŋaiġumiñaqługich itqaumayumiñaiġḷugich piḷuutit. Ilaa tavrani uqallaŋaruq aulalaitchuamun, Makillutin pisuaġiñ. Tigulugich ikuvġatin aggiiñ.

Mark 1:32

Tavra anaqaksraaġman, siqiñiq nipianiŋman, Jesus-muutiŋagaich iluqaisa naŋirrutilgich, tamatkualu ilitqusiqł̣uqaqtuat.

Mark 10:49

Tavra Jesus nutqaqłuni qikaŋaruq, aasii iñuich uqallautivlugich, qaitqusiuŋ. Tavra ququaŋagaat ayauŋaruaq uqallautivlugu, Quviasugiñ. Makittin. Qaitqugaatin.

Mark 5:34

Tavra ilaan uqallautiŋagaa, Paniuruatiin, ukpiġurvich iłuaqsipkaġaatin. Aullaġiñ tutqiksiḷutin, suli iłuaqsiraulutin naŋirrutiŋniñ.

Mark 6:50

Qanuq iluqaġmiŋ tautuŋagaat, aasii iqsitchapiaġataŋarut. Tavra tavrauvvaa ilaan uqallautiŋagai, Quviatchaktitausitchi. Uvaŋauruŋa. Iqsiñasi.

John 16:33

Uqautiŋagivsi tamatkuniŋa tutqiutiqaquvlusi atausiŋŋuqatigiŋakavsiŋa. Nunami iłuiḷḷiuġutiqpaqaġniaqtusi, aglaan qapiŋairrutiqaġluataġitchi, uvaŋa akiiḷipiaġataŋagitka nunam iñuŋi iłuiḷḷiuqtitchiruat ilivsiññik.

John 2:25

Iñuŋmik uqallaurrituŋitchuq qanuq iñuich isummatiqaqtilaaŋannik inmigun, inmiñi iḷisimavluni qanuq isumaqaqtilaaŋannik.

John 21:5

Jesus apiġiŋagai, Katkuqsii, iqaluutiqaqpisi? Ilaisa kiuŋagaat, Naumi.

Acts 14:9

Ilaa naalaġniŋaruq Paul-mun uqaqtuamun. Aasiivsauq Paul-gum qiñipiaġataqługu, iḷitchuġivlugu ukpiġutiqaqtilaaŋa iłuaqsirauyumiñaqłuni,

Acts 19:12

Kakkiiyautikkaluat unnii saaġuallu atuŋakkaŋi Paul naŋittuanuutiraġaŋagaich, aasii naŋirrutiŋich piiġaqtut, ilitqusiqł̣uiḷḷu anivḷutiŋ iliŋiññiñ.

Acts 23:11

Taavrumani unnuami Ataniq makinŋaruq saniġaanun Paul aasii uqallautivlugu, Qapiŋanak. Quliaqtuaġimmatuttauq Jerusalem-mi, quliaqtuaġiraksraġiniaġmigiŋma Rome-mi.

Romans 5:11

Taamnatualuuŋiñmiuq, quviakkiutigikput God Ataniptigun Jesus Christ-kun, iḷauraaliuqtuakun uvaptiŋnik God-mun.

James 2:18

Aglaan iñuk iḷaanni uqallagniaġmiuq iñuŋmun, Ukpiġutiqaqsiññaqtutin aasiiḷi uvaŋa ukpiġutiqaqtuŋa anniqsuiñiaqłuŋa allanik. Tautuktinŋa ukpiġutiŋnik anniqsuiñiaġaluaġnak, uvaŋali anniqsuiñiaġnipkuŋ tautuktinniaġikpiñ ukpiġutimnik.