Matthew 9:16 - Iñupiatun Mumiksat Uqalugiksuat

¹⁶ Suli kiñapayaaq iḷaaqtuutiqalaitchuq iḷiġniġmik ugliŋaitchuamik ukił̣haamik annuġaaluŋmun, qanuq iḷaaqtuutauruaq algutiniaqtuq annuġaamiñ, aasii allaq aglił̣haaġluni.

Matthew 9:16 Iomraidhean Croise

Genesis 33:14

Aullaqiiñ sivumni, maliġiniaġikpiñ sukaiḷaamik, iglauniaqtuŋa sukatilaaŋatitun pamiqsaallu miqłiqtullu aŋulġataġlutin Seir-mi.”

Psalms 125:3

Pigiiḷḷiqirauruat atanniqsimanniłhaiññaġniaŋitchut nunaŋanni nalaunŋaruaguruat; tainna pigaluaqpata, nalaunŋaruaguruat iliŋich pigiiḷḷiqiviaġmiut.

Matthew 9:15

Tavra Jesus uqallautiŋagai, Iḷisimarusi katirrusiqiruanun tuyuġmiaqtauruat ipiqtusugniaŋitchut nayuqtigiŋŋaan uiksraun. Aglaan uiksrautim aullaurrauviksraŋa tikitchumaaqtuq, aasii taimanigu niġiḷaitpaallugniaqtut.

Matthew 9:17

Naaggaunnii nutauruaq wine puuġnaitchuq puuġruanun. Puuġaluaqpan wine puuġruamik puvlagluni qaaġniaqtuq, aasii wine kuviḷuni, puuġlu maquluni. Aglaan nutauruaq wine puuġnaqtuq nutauruanun wine puuŋiññun, aasii iluqatiŋ puuġlu wine-lu maquŋił̣ł̣utiŋ.

Mark 2:21

Iñuk iḷaaqtuutiqalaitchuq iḷiġniġmik nutauruamik ugliŋaitchuamik ukił̣haamik annuġaaluŋmun, qanuq nutauruaq iḷiġniq iḷaaġutauruaq ugligluni aligaaġutiniaqtuq utuqqauruamiñ annuġaamiñ, aasii allaq aglił̣haaġluni.

Luke 5:36

Jesus uqautivsaaŋammigai uuktuunmik. Kiñaliqaa aliksiḷaitchuq iḷaviñiŋanik nutauruam annuġaam aasii iḷaaġutivlugu annuġaaluŋmun. Tainna pigumi, aligniaġaa nutauruaq annuġaaq, suli iḷaaksraqtaaguruaq nutauruamiñ annuġaamiñ allakaagusugniaġmiuqsuli utuqqauruamiñ.

John 16:12

Iñugiaktuanik suli uqautiksraqaġaluaqtuŋa ilivsiññun, kaŋiqsiyumiñaitkisi paŋmapak.

1 Corinthians 13:13

Tavra iñuich ukpiqsimaniaqtut suli, niġiugniaqtutsuli, piviuttaqsriḷutiglu suli, aglaan taapkunaŋŋa piŋasuni piviuttaqqutiqaġniq allanun anniqsuutaułhamaapiaqtuq.

2 Corinthians 9:12

Qanuq aitchuiñiqsi piqaqtitchigiññaŋitchuq piiḷḷiuqtuanik ilaaguaqtauŋaruanik God-mun, aglaattauq iñugiaktuat quyyatiksriuġmigisi God-mun.