Matthew 9:11 - Iñupiatun Mumiksat Uqalugiksuat

¹¹ Tavra Pharisees iḷitchuġikamirruŋ taamna, uqallautiŋagaich iḷitchitquraŋi, Summan iḷisaurriksi niġiqatiqaġuuva tax-nik katitchirinik piḷuusiqiriniglu?

Matthew 9:11 Iomraidhean Croise

Matthew 11:19

Iġñiŋa Iñuum qaiŋaruq niġivḷuni imiqłuniḷu allatun iñuktitun, aasii uvyauġiksi, Marra niġġiqsuruaq wine-tuqtiqpaglu, avilaitqataat tax-iñik katitchirit, piḷuusiqirillu. Suliqutauŋitchuq qanuq uqaġaluaġuvsi, qanuq isumaturuat iñuich puttuqsriḷḷagaat God-im isumattutaa.

Matthew 5:46

Qanuq piviuttaġiguvsigik tamatkua piviuttaġirisi, summan niġiukpisi God-mun akiḷiġñiaġasugalusi? Tainnaptauq tax-iñik katitchirit pisuummiut.

Matthew 9:10

Qakugulimman, Jesus niġiyaqtuŋaruq Matthew-m igluanun. Tavrani iñugiaktuat tax-iñik katitchirit piḷuusiqirillu qaivḷutiŋ niġiñiaqasiŋagaat Jesus iḷitchitquraŋiḷu.

Mark 2:16

Tavra iḷisaurrit pitquranik Pharisee-guruat tautukługu niġiqatiqaqtuaq tax-nik katitchirinik, piḷuusiqiriniglu, uqallautiŋagaich iḷitchitquraŋi, Qanuqłuni niġiqatiqaqpa imiqatiqaqpalu tax-nik katitchirinik piḷuusiqiriniglu?

Luke 19:7

Tavra iñuich tautukamirruŋ taamna iluqaġmiŋ uqamayurraqsiŋarut, Taamna iñuk tuyuġmiaguyyaqtuq piḷuusiqirimun.

Luke 5:30

Tavra Pharisees iḷisaurriŋiḷḷu pitquranik uqamayuutiŋagaich Jesus iḷitchitquraŋi, Summan niġiqatiqaġuuvisi imiqatiqaqłusiḷu tax-iñik katitchirinik piḷuusiqiriniglu?

Acts 11:3

uqaqłutiŋ, Summan tuyuġmiaġuŋavich Jew-guŋitchuat aimaaġvianni niġiqatigivlugiḷḷu?

Galatians 2:15

Uvagut, aniŋaruaguut Jew-guvluta, Jew-guŋitchuat taisuukkavut piḷuusiqirinik,

Hebrews 5:2

Aŋaiyyuliqsiqpaum suaŋairrutiqaqłuni araktuallagai piaqłuktautaitchuakun kamaksriŋitchuat naluvlugich God-im pitquraŋiñik, sagluqirauvlutiglu.

2 John 1:10

Kiñaliqaa ullautikpan ilivsiññun iḷisaurriŋiḷḷuni iḷumun ittuamik Christ-kun, tukkuliġñagu aimaaġvivsiññun naaggaunnii uqallautinagu, Tutqiutiqaġiñ.