Matthew 8:5 - Iñupiatun Mumiksat Uqalugiksuat

⁵ Tavra Jesus tikiḷġataviksillugu Capernaum-mun, Rome-miuguruam aŋuyaktit atanauraŋata paaŋagaa, qiññuaqtuġvigivlugu,

Matthew 8:5 Iomraidhean Croise

Matthew 11:23

Aasii ilivsi Capernaum-miut, isumavisi tugliqsruutinasugalusi qiḷaŋmun kamanaunmi? Nunaaqqiqsi suksraunġiqsauniaqtuq. Qanuq aliuġnaqtuat savaaguruat ilivsiññi savaaguŋakpata Sodom-mi, napanayaġaluaqtuq uumuŋaaglaan uvlumun.

Matthew 27:54

Tavra aŋuyaktit atanauraŋata tamatkualu aŋuyaktauqatiŋisa munaqsriruat Jesus-mik, tautukługich nuna aularuaq sullu piraġaqtuat aliuġusuliŋarut aasii uqallakłutiŋ, Iḷumun una Iġñiġimagaa God-im.

Matthew 4:13

aasii qimakługu Nazareth aullaqłuni iñuurraqsiŋaruq Capernaum-mi tatchim Galilee-m siñaaniittuami, nunaŋani Zebulun Naphtali-vlu.

Matthew 9:1

Tavra Jesus ikivluni umiaqpauramun ikaaŋarut, aasii tikił̣ł̣utiŋ ilaan iñuuvianun iniqpaŋmun.

Mark 15:39

Tavra aŋuyaktit atanauraŋata, qikaqtuam akiani, tusaakamiuŋ tainna nivliqsuaq aniġniġiġmallu, uqallaŋaruq, Iḷumun una iñuk Iġñiġiniġaa God-im.

Mark 2:1

Tavra Jesus utitqiŋaruq Capernaum-mun uvluġaaġruurat pianiŋmata. Aasii tusaaŋaniġaat aiŋatilaaŋanik.

Acts 22:25

Tavra qiḷiqsruiganiŋmanni akłunaanik ipiġaqtuġukługu, Paul-gum uqallautiŋagaa aŋuyaktit atanauraŋat makitaruaq tavrani, Pitqurani nalaunŋava ipiġaqtuġuvsiuŋ iñuk Rome-miunun iḷauruaq, isivġiqsauŋaiñŋaan?

Acts 23:17

Tavra Paul ququaŋagaa iḷaŋat aŋuyaktit atanauraŋisa aasii uqallautivlugu, Una nukatpiaq aŋuyaktit qaukłiannuuttuuŋ. Samma uqallautiksraqaqtuq ilaanun.

Acts 23:23

Tavra aŋuyaktit qaukłiata qaitquŋagik malġuk aŋuyaktit atanauraŋik, aasii uqallautivlugik, Itqanaiyaġitchik 200-mik aŋuyaktinik aullaqtuksranik Caesarea-mun, piqasiġḷugich 70 tuttuqpaŋni kakaksiqsuanik, 200-niglu panaliraqtuanik, aasii itqanaitchumausi aullaġumiñaqsiḷusi nainukłaaqpan unnuapak.

Acts 27:13

Tavra uŋallaaġuġman isumavlutiŋ sivunniurriŋ nalaunniaġasugalugu, kisaq nuqinŋagaat aasii tiŋilġaigaqsivḷutiŋ siñiqsraqługu Crete, siñiqsraurapiaġataqługu nunam siñaa.

Acts 27:31

Paul uqallautiŋagai aŋuyaktit atanauraŋat aŋuyaktillu, Ukua aŋutit umiaqpaŋmiinŋisuaqpata iñuulirauyumiñaitchusi.

Acts 27:43

Tavra aŋuyaktit atanauraŋata annautiyumavlugu Paul, taŋŋiqsinŋaitkaa sivunniutaat. Ilaan piraksriŋagai iñupayaat puuvrallaruat nautkiaquvlugich umiaqpaŋmiñ aasii tulaksaquvlugich.

Acts 9:38

Tavra Joppa qaninman Lydda-mun, ukpiqtuat Joppa-mi tusaaŋarut Peter Lydda-miitilaaŋanik. Tavra tilisiŋarut malġugnik iññuŋnik Peter-mun uqaluksriqł̣ugik inna, Qilamik ullaktigut.