Matthew 8:4 - Iñupiatun Mumiksat Uqalugiksuat

⁴ Tavra Jesus uqallautiŋagaa, uqaqsaiḷiyumautin sumikunnii iñupayaamun, aglaan aullaġiñ, tautuktitchaktuġiñ aŋaiyyuliqsiqpaŋnun, aasii aitchuiḷutin aitchuunmik Moses-kun piraksriutauruamik, iñuich iḷitchuġiyumaut salummaqtautilaaġnik piqataullasivḷutin iñuŋnun.

Matthew 8:4 Iomraidhean Croise

Leviticus 13:49

suŋaaqtaaġuŋaniqpan naakka kavialaaqsiŋaniqpan, tavra uquuruq tautuktitaksrauruq aŋaiyyuliqsiqpagmun.

Matthew 10:18

Suli pisigiluŋa qaġġirrauniaqtusi sivuġaŋiññun kavanauruat umialgiḷḷu, uqaqulusi tusaayugaaġiksuanik inmiŋnun Jew-guŋitchuanullu.

Matthew 16:20

Tavrani Jesus uqautipiaġataŋagai iḷitchitqurani quliaqtuaquŋił̣ł̣ugich kimununnii Christ-guniḷuni.

Matthew 17:9

Tavra atqallaġmiŋ iġġimiñ, Jesus piraksriŋagai, Quliaqtuaġnasi iñuŋmun tautukkavsiññik, Iġñiŋa Iñuum aŋitchiaġilugu tuqqunmiñ.

Matthew 3:15

Tavra Jesus kiugiññaŋagaa, Tainna piḷi paŋmapak. Taamna piguptigu, taŋŋiġñiaġikpuk iluqaan God-im piraksriutaa. Tavra John piyumaliŋaruq.

Matthew 5:17

Isumanasi qaiŋanasugaluŋa asivaġiaġlugich pitqurat qaisauruat Moses-kun, iḷisaurrutiŋiḷḷu uqaqtiŋisa God-im. Qaiŋaitchuŋa asivaġiaġlugich, aglaan taŋŋiġiaqługich.

Matthew 6:1

Qaunagisitchi piraġausiqaġuŋiḷḷusi nagliktuutivsiññik qiñiqusaaqsiññaġlusi sivuġaŋanni iñuich. Tainnatuaġuvsi Aapavsi qiḷaŋmiittuam akiḷiġumiñaitkaasi.

Matthew 9:30

Tavra iriŋik tautullasiŋaruk. Tavraasii Jesus piraksripiallaŋagik, Suuramikunnii uqaġnatik kimulliqaa.

Mark 13:9

Aasii qaunagiyumausi ilivsiññun, qanuq aitchuutiginiaġaasi uqaqsitaaġviŋñun, suli Jew-guruat aŋaiyyuviŋiññi anaullaqtauniaqtusi, suli qaġġirrauraġaġniaqtusi sivuġaŋiññun atanaurallu umialgiḷḷu pisigiluŋa, ilivsi quliaqtuaġumiñaqsiḷusi tusaayugaaġiksuanik iliŋiññun.

Mark 3:12

Tavra piraksripiaŋagai quliaqtuaġitquŋił̣ł̣ugu iliŋiññun kiutilaani.

Mark 5:43

Tavra uqautipiaŋagai iñuŋmun iḷitchuġitquŋił̣ł̣ugu. Aasii niġipkaquŋagaa.

Mark 6:11

Aasii iñuich paġlaŋitpasi naalaġnisuŋitpatigiglu uqalusi, qimakkisigiksi taamna ini aasii piiyaġlugu avyuq isigavsiññiñ. Taamna kilgutauniaqtuq ilaiññun pisuŋisilaaŋanik tusaayugaaġiksuaq.

Mark 7:36

Tavra piraksriŋagai quliaqtuaquŋił̣ł̣ugich iñuŋmun, tavra piraksrimmaġiksaaġuraġniaġmatiŋ, tainnatułhaavsaaq atqunaqługu quliaqtuaġiŋagaat.

Mark 8:30

Jesus piraksriŋagai, Uqautiginagu taamna kimulliqaa.

Mark 9:9

Tavra atqallaġmiŋ iġġimiñ, piraksriŋagai quliaqtuaquŋił̣ł̣ugich iñuŋmun sunik tautuŋakkamiŋnik, Iġñiŋa Iñuum aŋiḷġataqtillugu tuqqunmiñ.

Luke 17:14

Tavra Jesus tautukamigich uqallautiŋagai, Aullaġitchi aŋaiyyuliqsiqpaich mamitilaaġumagaasi. Tavra iglauniallaġmiŋ maminŋarut.

Luke 21:13

Tavrani nalautinniaqtuq ilivsi quliaqtuaġviksraqsi tusaayugaaġiksuanik.

Luke 4:41

Suli ilitqusiqł̣uich unnii animmiraqtut iñugiaktuaniñ iñuŋniñ nipaalavlutiŋ, Ilivich Iġñiġigaatin God-im. Tavra Jesus suagaġigai, suli uqaqtitchaiḷivḷugich, qanuq iḷisimagaat Christ-gutilaaŋanik, Iġñiŋa God-im.

Luke 5:14

Tavra Jesus uqaullaapiaŋagaa quliaqtuaquŋił̣ł̣ugu kimulliqaa, aglaan uqallautivlugu, Aŋaiyyuliqsiqpaŋmugiñ qanuqitilaaġiaġlutin, aasii aitchuiḷutin ikipkautinik Moses piraksriutiŋiñik, ukpiġnaqsisaaġlugu paŋmapak salumasisilaan.

Luke 8:56

Tavra ilaan aŋayuqaak aliuŋaruk, aasii Jesus piraksriŋagik uqaquŋił̣ł̣ugik kimulliqaa taavrumiŋa piruamik.

Luke 9:21

Tavra Jesus piraksriŋagai iḷitchitqurani quliaqtuaquŋipiallakługich taavrumiŋa kimulliqaa.

John 5:41

Nanġausiaqaġniataŋitchuŋa iñuŋniñ.

John 7:18

Iñuk iḷisaurriruaq ilaan isummatimiñik ivaqłiaruq nanġausiaksramiñik iñuŋniñ, aglaan taamna ivaqłiaruaq nanġausiaksraŋanik God-im tilirimi iḷumun ittuaguruq nalaunŋaruġlu.

John 8:50

Nanġaqtinniataŋitchuŋa iñuŋnun. Imma kamanaqsipkaiñiaqtuaqaqtuq uvamnik nalaunŋaruakun isivġiiruamik.