Matthew 8:3 - Iñupiatun Mumiksat Uqalugiksuat

³ Tavra Jesus isaaŋaruq aasii aksikł̣ugu uqallakłuni, Piyummatiqaqtuŋa. Mamittin. Tavra tavraŋŋatchiaq ilaan kiḷḷiġruaqtuutaa maminŋaruq.

Matthew 8:3 Iomraidhean Croise

Genesis 1:3

Tavraasii God uqallaktuq, “Qaummaq iḷiḷi” aasii qaummaq niptaŋaruq.

2 Kings 5:11

Aglaan Naaman aullaniqł̣aŋaruq uumitchakhuni, “Isumalgiññiqsuŋa aniḷuni ullagluŋa, aŋaiyyuniaġnasugilugu Ataniġmun God-imiñun, isaaġutilugu argani naŋirrutimnun aasii iłuaqsiḷuŋa!

2 Kings 5:14

Tavraasii Naaman saaviłłuni Jordan-mun kiñił̣ł̣uni ilimiñik tallimat malġugni, Elisha-m piraksriutaatun, tavraasii iluqaġmi iłuaqsivḷuni. Uviñiŋa irrusiñiŋaruq miqłiqtum uviñiŋatun.

Psalms 33:9

Uqallagman, nuna savaaguŋaruq; piraksriimman sunapayaaq niptaŋaruq.

Exodus 4:7

Tavraasii Ataniq uqallaktuq, “Argaiñ iḷuanutqiguŋ qaliġuaqpich.” Tainna aasii piuq, tavrani amummagu, iłuaqsiŋaniqsuq, qiññanikłuni uviñiŋatun.

Matthew 12:13

Tavrani ilaan uqallautiŋagaa iñuk, Isaakkich argaktin. Tavra isaaŋagai, aasii argaŋi iłuaqsirauŋarut igḷumiktun.

Mark 1:41

Tavra Jesus nagliksratchakłuni isaaŋaruq, aasii aksiukługu uqallautiŋagaa, Piyummatiqaqtuŋa. Mamittin.

Mark 4:39

Tavra makinŋaruq, suli suaŋagaa anuġi uqallakłuni, Anuġaiġiñ, uqallakłuniḷu immamun, Quunniġuġiñ. Tavra anuġaiŋaruq, quunniġuqłuni.

Mark 5:41

Tavra Jesus tiguŋagaa niviaqsiaġruk argaŋigun, aasii uqallautivlugu, Talitha koum, sivuniqaqtuamik, Niviaqsiaġruuk, uqallautigikpiñ, makittin.

Mark 7:34

Tavra aaġluqłuni qiḷaŋmun, Jesus aniqsaapaŋaruq aasii uqallautivlugu, Ephphatha, sivuniqaqtuamik, aŋmaġiñ.

Mark 9:25

Tavra Jesus tautukamigich iñuich qairuat aqpamik atautchimun, ilaan suaŋagaa ilitqusiqł̣uk, Ilivich ilitqusiqł̣uuk, uqalaisitchiruatiin tusaalaisitchiruatiillu anitqugikpiñ nukatpiaġruŋmiñ. Isitqigñak ilaanun.

Luke 4:27

Suli God-im uqaqtaa Elisha iñuumman iñugiaŋarut kiḷḷiġruaqtuqtuat Israel-mi, aasii nalliŋich unnii iłuaqsirauŋaitchut. Aglaan Naaman, Syria-ġmiu kisimi iłuaqsirauŋaruq.

Luke 5:13

Tavra Jesus isaaqłuni aksiuŋagaa uqallakłuni, Piyummatiqaqtuŋa. Mamittin. Tavraŋŋatchiaq kiḷḷiġruaŋi maminŋarut.

Luke 7:14

Tavra ullakługu aksiuŋagaa akigautaat, aasii akigaqtiŋi nutqaŋarut. Tavra Jesus uqallaŋaruq, Nukatpiaq, uqallautigikpiñ, makittin.

John 11:43

Taamna uqallausiġianikamiuŋ, Jesus ququulaŋagaa nipatuvluni, Lazarus anniiñ.

John 15:24

Savaŋaitkuma savaanik akunġanni iñuum allam piŋaisaŋiñik, pasirauyumiñaitkaluaqtut. Aglaan paŋmapak tautuŋarut savaamnik suli uumigivlunuk uvaŋalu Aapagalu.

John 5:21

Qanuq Aapa aŋipkairuq tuquŋaruanik aasii aitchuqługich iñuggunmik, tainnatuttauq Iġñiq aitchuimmiuq iñuggunmik kimun pisukami.