Matthew 8:2 - Iñupiatun Mumiksat Uqalugiksuat

² Tavrani, kiḷḷiġruaqtuqtuaq ullautiŋaruq ilaanun aasii sitquqłuni sivuġaanun uqaqłuni, Ataniiq, pisukkuvich mamititchumiñaġiŋma.

Matthew 8:2 Iomraidhean Croise

2 Samuel 3:39

Umialgugaluaqtilluŋa piksraqtaaguvluŋa Ataniġmun, sayaitchuŋa uvlupak. Ukua iġñiŋich Zeruiah-m qinnayukpaitchut. Atanġumtuq tatavsaġligich taapkua pigiiḷḷiqirit tatavsausiaksraŋatitun!”

2 Kings 15:5

Atanġum umialik Uzziah uviñiŋani kiḷḷiġruaniktinŋagaa naŋirrutigiŋaraanik tuqulġataqhuni. Iñuusuuŋaruq ilimigun iglumi, iluqaisa savaaksrakkaluani savakkumiñaiñŋagaich. Iġñiŋata Jotham-gum atanniqsimasuuŋagaik igluqpaglu nunaqpaglu.

2 Kings 5:1

Naaman, qaukłiat Syria-m aŋuyaktiŋisa, qutchiksuaġivlugu qiksigisuuniġaat umialgata Syria-m, qanukkii Naaman-kun Atanġum akimapkaŋamagaich Syria-ġmiut. Suaŋaruaguŋaruq aŋuyakti, aglaan naŋirrutiqaŋaruq kiḷḷiġruaqaqłuni.

2 Kings 5:27

Tavraasii Naaman-gum naŋirrutaa iliŋnugniaqtuq, aasii ilviḷḷu kiŋuvaatillu piginiaġaat taimuŋa!” Gehazi aasii aullaqami, naŋirrutiniŋaruq—uviñiŋa qatiqtigiliŋaniqsuq aputitun.

Numbers 12:10

aasii nuviya piiŋaruq Tupiġmiñ, Miriam timaa tavrauvvaa matuŋaruq mamilaitchuamik naŋirrunmik aasii qatiqsivḷuni aputitun. Aaron-gum qiviaqamiuŋ matuŋatilaaŋanik kiḷḷiġruanik,

Matthew 10:8

Iłuaqsisigik naŋittuat, aŋipkaqsigik tuquruat, mamititchigik kiḷḷiġruaqtuqtuat, anittaqsigik ilitqusiqł̣uich. Suaŋŋasiqsauŋarusi akiḷiġaluaġnagu, aasiiḷi atuqsiuŋ suaŋŋan akiiḷaaġlugu.

Matthew 13:58

Tavra ilaa piŋaitchuq iñugiaktuanik aliuġnaqtuanik savaanik tavrani, pisigivlugu ukpiġutairrutaat.

Matthew 14:33

Aasii taapkua umiaqpauramiittuat sitquġvigiŋagaat kamanniuġvigivlugu uqaqłutiŋ, Iḷumun Iġñiġigaatin God-im.

Matthew 15:25

Tavra aġnaq qaivḷuni sitquŋaruq sivuġaanun uqaqłuni, Ataniiq, ikayuŋŋa.

Matthew 18:26

Tavra kivgam sitquqami qiññuaqtulavigiaqsiŋagaa, Ataniiq, qiñuirrutiqallagiñ uvamnun, akiḷiiviginiaġikpiñ iluqaiññik akiiḷamnik.

Matthew 2:11

Aasii isiqłutiŋ iglumun tautuŋagaat miqłiqtuuraq aakaŋalu Mary, aasii sitquqłutiŋ nanġaŋagaat. Tavra aŋmaqługich suġalitiŋ, aitchuŋagaat aitchuutinik, manigñik kaviqsuanik, tivraġiksuaniglu, myrrh-niglu.

Matthew 20:20

Tavra aakaŋakta iġñakisa Zebedee-m ullaŋagaa Jesus, piqatigivlugik iġñagni, sitquqłuni sivuġaanun qiññuaġvigiŋagaa pisitquvlutiŋ.

Matthew 26:6

Tavra Jesus Bethany-miinman isiġmiupkaqługu igluani Simon kiḷḷiġruaqtuqtuam,

Matthew 28:17

Tavra tautukamirruŋ Jesus, aŋaiyyuvigiŋagaat, aglaan iḷaŋich nalupqisuŋarut.

Matthew 28:9

Tavrasuli Jesus kasuŋagik aasii uqallautivlugik, Tutqiutiqaġitchik. Tavra ullakługu tiguŋagaak isigaŋigun aasii aŋaiyyuvigivlugu.

Matthew 4:9

Aasii uqallautivlugu, Iluqaiññik tamatkuniŋa aitchuġniaġikpiñ, sitquġlutin aŋaiyyuvigigumŋa.

Matthew 8:1

Tavra Jesus atqaġman iġġimiñ, iñugiapiaġataqtuat iñuich maliŋagaat.

Matthew 8:25

Tavra ullakługu itiqsaŋagaat, uqaqłutiŋ, Annauttutigut Ataniiq, suksraugaqsirugut.

Matthew 9:18

Tavra tainna uqaġataviksillugu iliŋiññun, umialiŋnaq isiŋaruq aasii sitquqłuni sivuġaanun uqallaŋaruq, Paniga tuquqqammiqsuq. Qaiḷutin aksiugiaġuŋ, aasii iñuuniaqtuq.

Luke 4:27

Suli God-im uqaqtaa Elisha iñuumman iñugiaŋarut kiḷḷiġruaqtuqtuat Israel-mi, aasii nalliŋich unnii iłuaqsirauŋaitchut. Aglaan Naaman, Syria-ġmiu kisimi iłuaqsirauŋaruq.

John 9:38

Tavra ilaa uqallaŋaruq, Ataniiq, ukpiqtuŋa. Suli ilaan qiksiksrautikun sitquġvigiŋagaa.

Acts 10:14

Tavra Peter uqallaŋaruq, Naagga Ataniiq. Niġiŋaitchuŋa qaŋaunnii supayaamik God-im salumaiññiraŋanik pitqurani.

Acts 10:25

Tavra Peter isiaqsimman Cornelius-gum paaŋagaa, aasii purvigiŋagaa qiksiqsrautikun.

1 Corinthians 14:25

ilaan nalunaqtuat isummatiŋi satqummiġñiaqtut ilaanun, aasii pulluni aŋaiyyuviginiaġaa God, aasii uqallausiġilugu God iḷumun akunnavsiññiinniḷugu.

Revelation 19:10

Tavrani punŋaruŋa isaġulgum isigaŋiñun qiksigivlugu, aasii ilaan uqallautiŋagaaŋa, Tainna piññak. Uvaŋa kivgauqatigigiŋma suli aniqatiiviḷḷu iḷagigaanŋa kamaksriruat iḷumun ittuamik Jesus salapqikkaŋanik. Qiksigilugu nanġaġuŋ God. Qanuq iḷumun ittuam Jesus salapqikkaŋata puttuqsripkaŋammigai uqaqtiŋi God-im quliaqtuaġitquvlugu iḷumun ittuaq.