Matthew 8:16 - Iñupiatun Mumiksat Uqalugiksuat

¹⁶ Taavrumani unnugiaqtuami iñuich qaġġirriŋarut iñugiaktuanik ilitqusiqł̣uqaqtuanik, aasii Jesus anittaŋagai ilitqusiqł̣uich uqaluŋmiñik, suli iłuaqsivḷugich iluqaisa naŋittuat.

Matthew 8:16 Iomraidhean Croise

Exodus 15:26

Uqallaktuq, “Uvaŋa Ataniq God-iksi, kamagituiññaġuvsiñŋa iluqaanik kamagilugu iłuaġiraġa suli kamagilugich pitqutitka, tatavsaġniaŋitkivsi naŋirrutinik Egypt-miutun. Uvaŋa Atanġuruŋa, iłuaqsiriksi naŋirrunmiñ.”

Matthew 12:22

Tavrani ayauŋaruaġlu uqalaitchuaġlu ilitqusiqł̣ulik qaġġisiŋagaat Jesus-mun aasii ilaan iłuaqsiŋagaa. Uqalaitchuaq iñuk uqallasiŋaruq tautuksiḷḷasivḷuniḷu.

Matthew 14:14

Tavra tulagniallaġmiŋ ilaan tautuŋagai iñusalaich, aasii nagliksratchaŋaruq ilaiññik, aasii iłuaqsiŋagai naŋittuaŋich.

Matthew 8:15

Jesus aksiŋagai argaŋi, aasii uunnautaiŋaruq, makitiqłuniasii niqłiuġutiaqsivḷugich.

Matthew 8:33

Tavra qaunaksriruat tuttuqługnik pigruŋarut, aasii iniqpaŋmukamiŋ quliaqtuaġiŋagaich supayaurat, qanuqtilaaŋagniglu ilitqusiqł̣uqaqtuak.

Matthew 9:2

Tavra, qaġġirriŋarut ilaanun aulalaitchuamik, nalavlugu ikuvġamiñi. Tavra Jesus puttuqsrikamiuŋ ukpiġutaat uqallaŋaruq aulalaitchuamun, Quviasugiñ, iġñiiŋ. Piḷuutitin suliqutigiŋaiqsaurut itqaumayumiñaiqł̣ugich.

Mark 2:3

Tavra iñuich qaiŋarut ilaanun, qaġġisivlugu naŋittuaq avatiŋi tuquŋavlutiŋ, akigaqługu sisamat iñuich.

Mark 5:8

Qanuq Jesus uqallautiŋagaa, Ilitqusiqł̣uuk anniiñ iñuŋmiñ.

Mark 9:25

Tavra Jesus tautukamigich iñuich qairuat aqpamik atautchimun, ilaan suaŋagaa ilitqusiqł̣uk, Ilivich ilitqusiqł̣uuk, uqalaisitchiruatiin tusaalaisitchiruatiillu anitqugikpiñ nukatpiaġruŋmiñ. Isitqigñak ilaanun.

Luke 13:12

Tavra Jesus tautukamiuŋ aġnaq, ququaŋagaa aasii uqallautivlugu, Aġnaaq, atanġiqsitaurutin naŋirrutiŋniñ.

Luke 4:40

Tavra siqiñiq nipisaġataaqsimman, iluqaġmiŋ tamatkua naŋittuaqaqtuat qanusiḷimaanik naŋirrutinik qaġġisiŋagaich Jesus-mun. Tavra ilaan aksiuŋagai iluqaisa aasii iłuaqsivḷugich.

Luke 4:41

Suli ilitqusiqł̣uich unnii animmiraqtut iñugiaktuaniñ iñuŋniñ nipaalavlutiŋ, Ilivich Iġñiġigaatin God-im. Tavra Jesus suagaġigai, suli uqaqtitchaiḷivḷugich, qanuq iḷisimagaat Christ-gutilaaŋanik, Iġñiŋa God-im.

Acts 5:15

Pisigivlugu tiliraunikun iḷitchitqurat savaaġikkaŋat naŋittuat iñuich akigaŋagaich apqutinun, aasii inillakługich siñigviŋñun ikuvġanullu, Peter tamaunnaaqpan taġġaŋanun-unnii nalautquvlugich iḷaŋich.