Matthew 8:12 - Iñupiatun Mumiksat Uqalugiksuat

¹² Iḷaŋiḷḷi Israel-guruat miqłiqtuunasugiruat atanniqsimanniktuamun igitauniaqtut taaġniqsrauruamun. Tavrani iñuich qianiaqtut tiriqtillugiḷḷu kigutitiŋ.

Matthew 8:12 Iomraidhean Croise

Psalms 112:10

Pigiiḷḷiqirauruat tautugniaġaat suli qinnaliġḷutiŋ; tiriqtitaġniaġaich kigutitiŋ suli qiñiġnaiġutiniaqtut; niġiukkutikkaluaŋich piiġñiaqtut.

Matthew 13:38

Nautchiaqaġvik nunauruq, aasii palauvaksraġiksuat sivuniqaqtut iñuŋiñik God-im atanniqsimakkaŋiñik. Palauvaksraġiitchualli iñugigai Tuunġaum.

Matthew 13:42

aasii igillugich inaanun igniqpaum. Tavrani iñuich qianiaqtut tiriqtinniaġaiḷḷu kigutitiŋ.

Matthew 13:50

aasii igillugich inaanun igniqpaum. Tavrani iñuich qianiaqtut suli tiriqtinniaġaich kigutitiŋ.

Matthew 21:43

Tavrasuli Jesus uqallavsaaŋaruq, God-im atanniqsimaniaŋitkaasi, ukpiŋiññavsi, aasii atanniqsimalugich allat kamaksriyumiñaqtuat inmiñik, iñuatun siiġñaqaġvium qaitchiruatun siiġñaqaġviŋmiñik allanun aitchuiḷḷaruanun siiġñanik inmiñun piviksrakun.

Matthew 24:51

Aasii atanġata qaigumi tatavsapiaġataġniaġaa, piqasiutilugu ukpiŋŋuaqtuanun. Tavrani iñuich qianiaqtut tiriqtinniaġaiḷḷu kigutitiŋ.

Matthew 25:30

Aasiiḷi una anniqsuutauŋitchuaq kivgaq igitchiuŋ taaġniqsramun. Tavrani iñuich qianiaqtut tiriqtinniaġaiḷḷu kigutitiŋ.

Luke 13:28

Tavrani qianiaqtusi suli tiriqtillugich kigutisi, tautukkuvsiuŋ Abraham Isaac-lu Jacob-lu iluqaisalu uqaqtiŋi God-im atanniqsimaviani God-im, ilivsiḷi siḷamiutaupkaġlusi.

Acts 3:25

God-im unniqsuqłiisiŋi uqaqtimigun ilivsiññun ittut, aasii iḷaŋiutivlusi sivunniuġutiŋiñun God-im maŋŋuuvsiññun, uqallausiġmisun Abraham-mun inna, “Ilivich kiŋunipkun uvaŋa anniqsuġniaġitka iñupayaurat nunami.”

Romans 9:4

Iliŋich kiŋuniġigai Israel-gum, suli God-im ququaŋakkaŋi miqłiqtuġisukługich. Tautuŋarut qaumanġanik nayuqłiataata God-im. Aitchuusiaqaŋammiut God-im sivunniuġutiŋiñik pitquraniglu nalaunŋaruakun iñuuniaġutiksranik, qanuġlu aŋaiyyuniksraŋatigun God-mun, unniqsuqłiisiŋiñiglu God-im.

2 Peter 2:17

Tamatkua iḷumun inŋitchuanik iḷisaurrit iḷumun ittualivḷugich, ittut imaiŋaruatun kuugaluktun, sialuksraiḷatullu nuvuyyaqłuktun anuġiqłuum tiŋitaŋatun, sialukpaksratun qiññanikkaluaqłuni sialuguŋiḷḷaktuatun. Tamatkua iñuich God-im itqanaiqsisiŋagai iniksraŋannik taapiaġataqtuamik tigutaaqtauviksraŋannik isuitchuamun.

2 Peter 2:4

Qanuq taipkua isaġulgich piḷuksimmata, God-im tatavsaŋagai igiłługich nagliksaaġviŋmun, qiḷiqsruivḷugich tigutaaġutinik taaqtuami, tikitchiaġivlugu isivġiġvik uvluq.

Jude 1:13

Iŋiuligruaŋisun taġium inmiut, kanŋunaqtuat piḷġusikaaŋich iłłutiŋ qapukłuliqiaŋisun qaggaum. Uvluġiatun pamiuqaqtuatun ittut taimmausuuruatun, qanuq God-im iniksriqsimagai isuitchuamun taaġniqsraqpiatchiamun.

Revelation 22:15

Isiqtitauniaŋitchut iniqpaŋmun, iqsiñaqtuat qimmich isiqtitauyumiñaiñmatun iniqpaŋmun, iñuich allatuqtit, aŋatkullu, iñuaqtillu, iñuuraqpaŋnullu aŋaiyyusuuruat, suli iluqaġmiŋ piviuttaqaqtuat aullasiqaqtuallu saglunmik.

1 Samuel 2:9

“Qaunagigaich iñuggutiŋi ukpiqtuat ilaanun, aglaan piḷuktuat tammaŋarut taaqtuamun; iñuk akimasuitchuq ilaan suaŋŋanmigun.