Matthew 7:7 - Iñupiatun Mumiksat Uqalugiksuat

⁷ Aŋaiyyuguvsi, qapiŋaiḷḷusi qiññuaqtuġitchi aitchuusiaqaġniaqtusi, qapiŋaiḷḷusi ivaqłiasitchi paqinniaġiksi ivakkaqsi, qapiŋaiḷḷusi tigluktuġitchi aasii upkuiġutiniaġaasi.

Matthew 7:7 Iomraidhean Croise

Genesis 26:32

Taaptumani uvlumi Isaac-gum kivgaŋich qaiŋarut aasii uqallautivlugu nivvialiamiktigun. Uqallaktut, “Paqittuagut imiġmik.”

1 Kings 3:5

Tavrani unnuaġmagu Ataniq niptaŋaruq Solomon-mun siññaktukun aasii God-im apiġivlugu, “Sumik uvamniñ aitchuqugaluaqpich?”

Psalms 10:17

Naalagniaġitin Ataniiq, aŋaiyyutaich piuniaŋitchuat; qapiŋaivsaaqtillugiḷḷu.

Psalms 10:4

Piḷuktuaq suunnaqaŋitchuq Ataniġmik; Arguaŋŋanmigni God isummatigisuugaat suunnauŋitchuaġivlugu.

Psalms 119:12

Nanġaġikpiñ Ataniiq; iḷisauttuŋŋa piḷġusiġñik.

Psalms 27:8

Uqallakkavich, “Qaiḷutin ivaġiaŋŋa,” kiugikpiñ, “Ivaġniaġiga kiiñan, Ataniiq.”

Psalms 34:4

Aŋaiyyukama Ataniġmun, Ilaan kiugaaŋa; qiḷiqsimaŋaiqsiłłuŋa sivuuqqatipayaamniñ.

Psalms 37:4

Quviasuutigiuŋ Ataniq, Ilaan aitchuġniaġaatin uummatigni pigiyumakkaġniik.

Psalms 50:15

Ququulaŋŋa iłuiḷḷiuġun qaikpan; annautiniaġikpiñ, ilviḷḷi nanġaġniaġigma.”

Psalms 69:32

Nagliksaaqtitauruat tautukkumirruŋ, quviatchagniaqtut; nanġairuat God-mik qapiŋaivsaaġniaqtut.

Psalms 70:4

Tamatkualu Ilignun ullautipayaaqtuat qaamatchaglutiŋ quviatchaktitaulich. Tamatkualu quyyatiqaqtuat annautiksrirrutignun ataramik uqaġlich, “Qanutun kamanaqtigiva Ataniq!”

Psalms 86:5

Ataniiq nakuuruagurutin suli suliqutigiŋaiqsisuurutin, nakuaqqutiqpaqaqłutin nuŋulaitchuamik iluqaiññun aŋaiyyusuuruanun iliŋnun.

Proverbs 8:17

Nakuaġigitka uvamnik nakuaqsriruat; kialiqaa uvamnik ivaqłipiaġataqtuam paqinniaġaaŋa.

Matthew 18:19

Uqallautivsaaġivsi, atisiḷutik malġuulutik sunapayaaq nunami apiqsriaġiguptitku aŋaiyyulutik, pipkaġniaġaa iliptiŋnun Aapama qiḷaŋmiittuam.

Matthew 21:22

Suli supayaamik apiqsriguvsi aŋaiyyutigilugu, aitchuusiaġiniaġiksi ukpiġutiqaġuvsi.

Matthew 6:33

Tavraasii piqaqtinniaġaasi iluqaiññik tamatkuniŋa ilivsi atanniqsimapkaqqaaġuvsi God-mun iñuulusiḷu nalaunŋaruakun.

Matthew 7:11

Tavraasii ilivsi, nakuuŋitkaluaŋŋavsi, aitchuisuurusi nakuuruanik miqłiqtuvsiññun, qanutułhaaq aasii Aapari qiḷaŋmiittuaq aitchuiyumiñaqtigiruq nakuuruanik tamatkunuŋa qiññuaqtuqtuanun inmiñun.

Matthew 7:8

Qanuq iñupayaaq qiññuaqtuqtuiññaqtuaq aitchuusiaqallaruq, suli ivaqłiatuiññaqtuaq paqitchivḷuni, iñuk suli tigluktuqtuiññaqtuaq upkuiġurriqaġniaqtuq.

Mark 11:24

Tavraasii uqallautigivsi, supayaat kipiġniuġutigikkasi, aŋaiyyutigiguvsigik ukpiġitchi aitchuusiaġiniḷugich, tavra piginiaġisi.

Luke 13:25

Taimanigu piñiaqtuq iñuktun igluqpiraqtuatun makinniaqtuatun aasii umiglugu upkuaq. Upkuaqpagu makitasaġataġniaqtusi siḷami aasii tigluktuaqsiḷusi upkuamun uqaġlusi, Ataniiq, upkuiġuttutigut. Ilaan kiuniaġaasi, Nalugivsi sumiŋŋaqtuagutilaavsiññik.

Luke 18:1

Tavra Jesus quliaqtuaġutiŋagai uumiŋa uuktuunmik, iḷisautisaqługich ataramik aŋaiyyuruksraunivḷugich nikatchalaiḷḷutiŋ.

John 15:16

Ilivsi piksraqtaaġiŋaitkivsiŋa, aglaan uvaŋa piksraqtaaġiŋagivsi aasii nalunaiqł̣usi aullaqtuksrauvlusi quliaqtuaġutiyaqtuġlugich iñuich tusaayugaaġiksuanik ukpiġumiñaqsiḷugich. Iliŋich siiġñiaġimmatun piñiaġisi nuŋulaiḷaagummatun illugich. Tavraasii sunapayaaq apiqsriaġikkaqsi Aapamun atipkun, ilaan aitchuutigiyumiñaġniaġaa ilivsiññun.

John 15:7

Ilivsi atausiŋŋuqatigimaaġuvsiŋa suli kamagituiññaġlugich uqalutka, apiqsrisitchi supayaamik pisukkavsiññik qaisauniaqtuq ilivsiññun.

John 4:10

Jesus kiuŋagaa, Iḷisimaŋagupku suutilaaŋa aitchuutaa God-im, suli kiutilaaŋa qasiḷiruaq iliŋniñ imiksritquvluni, tavra qasiḷiqqaaġumiñaŋagaluaqtutin ilaanun aasii aitchuġumiñaŋagaluaġaatin iñuunaqtuamik imiġmik.

Romans 2:7

Tamatkua qiñuiqł̣utiŋ nalautchiruat God-im pisuutaanik, ilaan aitchuġniaġai iñuggunmik isuitchuamik, tamatkua niġiuktuat kamanaqsipkaqtauniksramik God-miñ.

Romans 3:11

Iñuŋmik piitchuq atausiuramikunnii kaŋiqsiruamik naagga kaŋiqsisuktuamik God-mun qanuq iñuutqutilaamiñik.

Hebrews 11:6

Tavra kialiqaa ukpiġutaitchuam iviġagumiñaipiaġaa God. Qanuq kiñaliqaa qaisuktuaq God-mun ukpiqtuksraupiaqtuq God-iqaġniḷugu, suli paqitillaniḷugu tamatkunuŋa ivaqłiapiaqtuanun inmiñik.

James 5:15

Aasii ukpiġutiqaqłutiŋ aŋaiyyutaata iłuaqsipkaġniaġaa naŋittuaq, aasii Atanġum naŋinŋaiqsinniaġaa, aasii piḷuusiqiŋaniqpan suliqutigiŋaiqsauniaqtut itqaumayumiñaiġḷugich.

1 John 3:22

aasii akuqtuisuurugut ilaaniñ supayaamik apiqsriaptiŋnik, qanuq kamagigivut pitquraŋi suli pivḷugu suna iviġaumanaqtuaq ilaanun.