Matthew 7:13 - Iñupiatun Mumiksat Uqalugiksuat

^13-14 Isiġitchi niġukitchuakun isiġiakun. Isiġiaq niġukitchuq siġḷiġnaqtuġlu apqun kaŋŋiññaqtuaq qiḷaŋmun aasii iñukitchut iñuich paqitchiruat tamattumiŋa apqunmik. Aasiivsauq igḷuani iñugiaktuat isiŋagaat niġuturuaq isiġiaq aasii iglauvigivlugu siġḷiġnaitchuaq apqun kaŋŋiññaqtuaq nagliksaaġviŋmun.

Matthew 7:13 Iomraidhean Croise

Genesis 6:12

God-im qiñiŋagaa nuna aasii iḷitchuġiŋaruq pigiiḷiŋatilaaŋanik, qanukkii iñupayaat iñuusiŋat piḷuksipiaġataŋaruq.

Genesis 6:5

Atanġum qiñiqługu qanutun piḷuktualiqiriġuqtilaaŋiññik iñuich nunami qanutullu pigiitchuałhiñanik isumasiññaliġmata ataramik,

Proverbs 16:25

Apqun iluaġnasugigaluaqtan, aglaan tuqqunmun ittuq.

Proverbs 7:27

Igluanukkuvich, tavra iglaurutin tuqquŋaruat irviannun. Sivikitchuq tuqunmun.

Proverbs 9:6

Uniḷḷugich isumalluaġiitchuat iñuich, aasii iñuulusi. Maliġuaġlugu iḷisimman.”

Matthew 23:13

Qanutun naglignaqtigirusi ilivsi, iḷisaurriich pitquranik Pharisees-lu, ukpiŋŋuaqtuasii. Ittusi pitchiġiiyaqsimammatun upkuaŋa atanniqsimaviata Taavruma qiḷaŋmiittuam, qanuq ilivsi atanniqsimatquŋitchusi God-mun, suli iñuich atanniqsimatqugaluaqtuat pitchaiḷiraġisi.

Matthew 25:41

Tavraliasii ilaan uqallautiniaġai taapkua saumiŋmi tuŋaanniittuat, Aullaġitchi uvamniñ, ilivsi suksraunġiqsauniaqtuasii isuitchuamun igniġmun itqanaiyaaguŋaruamun Tuunġaġmun, isaġuliŋiñullu.

Matthew 25:46

Tavra iliŋich tatavsaqtauniaqtut isuitchuamun, aglaalli nalaunŋaruat isuitchuamun iñuuniaqtut.

Matthew 3:2

Uqaqłuni, isumalitqigitchi, qanuq God-im atanniqsimasaaqsigai iñuich.

Matthew 3:8

Iñuusitchi nalunaiġḷugu isumalitqiksilaaqsi piḷuutivsiññiñ.

Luke 14:33

Tavra Jesus uqallaŋaruq, Tainnatun kiñaliqaa ilivsiññi suksraaġiŋitkumi supayaanik pigikkaġmiñik, iḷitchitqurauyumiñaitchuq uvamnun.

Luke 9:33

Tavra iññuk aullaqsaġmagnik ilaaniñ, Peter uqallaŋaruq Jesus-mun, Iḷisaurrii, iłuaqtuq uvaniinnapta. Piŋasunik tupiqta, atautchimik iliŋnun, atautchimik Moses-mun, suli atautchimik Elijah-mun. Iḷisimaŋitchuq sumik uqaqtilaamiñik.

John 10:9

Uvaŋa paaguruŋa. Iñupayaaq isiġumi uvapkun annaurrauniaqtuq, suli imnaisun isiġniaqtuq aniñiaqtuġlu aasii paqilluni niqaanik nauruanik.

John 14:6

Jesus kiuŋagaa, Uvaŋa apqutauruŋa, iḷumun ittuaġlu, iñuggullu. Kiñaliqaa Aapamukkumiñaitchuq aglaan uvapkun kisian.

Acts 3:19

Isumalitqigitchi, suli God-mun saallusi, ilaan piiġumagai piḷuutisi,

Romans 9:22

Tavra tainnatun God-im piyumiñaġai iñuich qanuq pisukkumigich. Qiñuiqł̣uni igḷutullagai iñuich nalliummatiliġaluaqtuat suksraunġiqsauruksraġuqłutiŋ, iḷaannigutaaġukkumiuŋ aquvatigun ilaan qinnautini suaŋŋatiniḷu iliŋiññun.

2 Corinthians 4:4

Tamatkua ukpiliŋaitchuat kaŋiqsitchaiḷiraġai tusaayugaaġiksuamik god-iŋata mattuma nunam, Tuunġaum. Ayaupkaqtitauruatun ittut, tautuquŋił̣ł̣ugu qiḷaŋmiŋŋaqtauruaq qaumanġa Christ, God-itun ittuam.

2 Corinthians 6:17

Taamna pisigilugu, piqasiqsuġnagich ukpiŋaitchuat piraġausiŋiññi. Avinŋasitchi iliŋiññiñ. Uvaŋa Ataniq piraksriġivsi. Piqqayaanagich pigiitchuat piraġausiŋich, aasii iviġaumaniaqtuŋa akuqtuġlusi.

Galatians 5:24

Aasii tamatkua atausiŋŋuqatauŋaruat Christ-mun aŋalatinŋaiŋarut piḷuksisuguuruanun iñuusimiŋnun, qanuq pisuguukkaŋich piḷġusiŋiḷḷu pigiitchuat kikiaktuurrauqataummatun piŋarut Christ Jesus-mun.

Philippians 3:19

Kaŋŋiññiaqtut nagliksaaġviŋmun god-tiqaqtut timimiŋ pisuguukkaŋiññik, kamasaaġutigigaich kanŋugiraksraġaluatiŋ, isumagiqpaksiññaqługich nunamiŋŋaqtauruat sut.

1 John 5:19

Iḷisimarugut God-mun pigitilaaptiŋnik, aasiiḷi iluqaisa nunam iñuŋi atanniqsimagai Tuunġaum.

Revelation 12:9

Tavra kamanaqtuaq nimiġiaqłuk igitauŋaruq anmun. Taamna aippaaġnisaq nimiġiaq, atiqaqtuaq Tuunġaġmik Satan-miglu, sagluqiraqtiŋat iñupayaurat nunami. Ilaa igitauŋaruq nunamun, suli isaġuliŋi igitqatauŋarut.

Revelation 13:8

Suli iluqaġmiŋ iñuuruat nunami qiksiginiaġaat nanġaġlugulu, iñupayaat atiŋich aglausimaŋitchuat sivuani nuna savaaguŋaiñŋaan makpiġaaŋiññi iñuuruat pigikkaŋisa Imnaiyaam tuqutauŋaruam.

Revelation 20:15

Tavra kialiqaa atqa aglausimaŋiñman makpiġaaŋiñi iñuuruat, ilaa igitauŋaruq narvaŋanun igniġum.

Revelation 20:3

Tavra isaġulgum siŋinŋagaa putumun aasii pitchiġiiyaqługu nipirrusiqł̣ugulu aŋmaġumiñaiqł̣ugu, Satan-mun sagluqiyumiñaiqł̣ugich nunauruat tavraŋŋaaglaan, 1,000 ukiut naatchiaġilugich. Taapkua aasii aquatigun pituiqsaullaktuksrauniaġmiuq sivikisuurami.