12 Tavra qanupayaaq pitquyumaguvsi iñuŋnun, tainnatulli pisigik, qanuq taamna taŋŋiutauruq pitquranun qaisauruanun Moses-kun, iḷisaurrutiŋiññullu God-im uqaqtiŋisa.
Akisaqtuġnak allanik iñugnik naakka uumigisuŋaiññaġlugich, aglaan nakuaġilugich siḷalliitin ilignun nakuaġimmatun. Uvaŋa Ataniq.
Isumanasi qaiŋanasugaluŋa asivaġiaġlugich pitqurat qaisauruat Moses-kun, iḷisaurrutiŋiḷḷu uqaqtiŋisa God-im. Qaiŋaitchuŋa asivaġiaġlugich, aglaan taŋŋiġiaqługich.
Tavra qanuq pitquyumaguvsi iñuŋnun, tainnatulli pisigik.
Piraksriġikpiñ uqallautitquvlugich iñuich piviuttaqqutimmaġiksaaliquvlugich avanmun, naġġutchaktaŋaiġḷutiŋ isumamiŋni, suli suaŋaruamik ukpiġutiqaquvlugich.
Nalaunŋarualiqiniaqtusi kamagiguvsiuŋ God-im pitquraŋa, Bible uqalugikkaŋat inna, “Piviuttaġisaġiñ siḷalliñ iliktun iḷiḷugu.”