Matthew 7:11 - Iñupiatun Mumiksat Uqalugiksuat

¹¹ Tavraasii ilivsi, nakuuŋitkaluaŋŋavsi, aitchuisuurusi nakuuruanik miqłiqtuvsiññun, qanutułhaaq aasii Aapari qiḷaŋmiittuaq aitchuiyumiñaqtigiruq nakuuruanik tamatkunuŋa qiññuaqtuqtuanun inmiñun.

Matthew 7:11 Iomraidhean Croise

Genesis 6:5

Atanġum qiñiqługu qanutun piḷuktualiqiriġuqtilaaŋiññik iñuich nunami qanutullu pigiitchuałhiñanik isumasiññaliġmata ataramik,

Genesis 8:21

Tipaat aitchuutigiraŋisa iviġaginiġaa Atanġum, aasii ilimiñun uqallaktuq, “Qakuguunnii nuna piaġiiḷipkatkigñiaŋitkiga iñuich piḷġusiŋich pisigilugich; iḷisimaruŋa mikiniġmiŋniñ qaŋa isummatiŋich pigiitchuagurut. Qakuguunnii suksraunġitqigñiaŋitkitka iluqaisa iñuuruaguruat, savausiġiraptun taaptumani.

2 Samuel 7:19

Uvva suliaglaan savautigiŋmasuli, Qutchigñiqsrauruatiin Ataniiq; unniqsuqłiiŋarutin kiŋuvaaksrapkun ukiuni tikiññiaqtuani. Tavra tainna aŋalatchuuvigi iñuich, Qutchigñiqsrauruatiin Ataniiq!

Makpiġaaŋa Job-gum 15:16

Uvva suli imiġuummigikput pigiitchuaq imiġruiññatun; Aaŋ, piḷuksiŋarugut naġġunaqsiŋarugullu.

Psalms 84:11

Ataniq munaqsrigigikput aullarrigivlugulu. Quviasaaġuugaatigut nakuuniġmiñik qutchiksiḷiġunmiglu. Nakuuruamik aitchuŋiññiaŋitkaich nalaunŋarualiqirauruat.

Psalms 85:12

Atanġum piḷḷuatautiqaqtinniaġaatigut, nunakput aasii nauriaqsiḷuni iḷaŋaniiqsuaġluni.

Psalms 86:15

Aglaan ilvich, Atanġuruatiin, God-aurutin, iḷunŋusuutiqaqłutin suli naglikkutiqaqłutin. Igḷutuutiqaqłutin, nagliktuutiqaqłutin suli piŋitqataalaił̣ł̣utin.

Psalms 86:5

Ataniiq nakuuruagurutin suli suliqutigiŋaiqsisuurutin, nakuaqqutiqpaqaqłutin nuŋulaitchuamik iluqaiññun aŋaiyyusuuruanun iliŋnun.

Matthew 23:9

Suli tuqłuġnagu iñupayaaq aapavsiññik nunami, qanuq atautchimik Aapaqaqtusi, qiḷaŋmiittuamik.

Matthew 7:10

naagga aitchuġumiñaitkiksi nimiġiamik apiġikpasi iqaluqaġugluni.

John 3:16

God-im piviuttaġivaił̣ł̣ugich nunam iñuŋi aitchuutigiŋagaa Iġñitualuni, kiñaliqaa ukpiqtuaq iġñiŋanun tammaquŋił̣ł̣ugu aglaan iñuggutiqaquvlugu isuitchuamik.

Romans 3:19

Paŋmapak iḷitchuġirugut pitquraŋi God-im qaisaŋi Moses-kun aŋalatchirut iñuŋnik aitchuusiaqaqtuanik pitquranik. Tavraasii, kiñaliqaa patchisiksraqaġumiñaitchuq kamaksriŋiññiġmigun pitquranik, suli nunam iñupayaaŋa pasikkusiaqaġniaqtuq God-miñ.

Romans 3:9

Taapkua uqautigianikaptigik uqallakkumiñaqpisa Jew-guruat nalaunŋałhaaġniḷugich allaniñ iñuŋniñ? Naaggapiaġataq. Iḷitchuġipkaaniŋagivsi iñupayaurat Jew-gugaluaġumiŋ Jew-guŋitkaluaġumiŋ, aŋalatiqaqtut piḷuunmik.

Romans 8:32

God-im aitchuutigiyumaŋagaa ilaan nanmiñiq Iġñini tuqqutitquvluta. Tavraasii nalupqinaipiaġataqtuamik aitchuiñiaqtuq uvaptiŋnun, iluqaiññik pigiraksraġikkaptiŋnik, aitchuimmatun suli Iġñiġmiñik uvaptiŋnun.

Galatians 3:22

Aglaan uvva, uqallautiŋagaatigut Bible-ni iñupayaurat piḷuksiŋanivḷugich qanuq kamagilaił̣ł̣ugich God-im pitquraŋi. Paŋmapak-aasii tamatkua ukpiqtuat Jesus Christ-mun aitchuusiaqaqtut unniqsuqłiisauŋaruamik iñuggunmik isuitchuamik.

James 1:17

Iluqaġmiŋ aitchuutigiksuat inuaŋaitchuallu aitchuutit paŋmaŋŋaqtaurut, qaisaŋi God-im savaŋaruam qaummatipayauranik. Ilaa allaŋŋulaitchuq inŋitchuġlu taġġaqtun allaŋŋuqtaqtuatun.

1 John 3:1

Qanutun Aapam piviuttaġitigiŋaniġaatigut. Piviuttaqqutiqaqpaił̣ł̣uni taggisiqaqtitkaatigut God-im miqłiqtuŋiñik, aasii miqłiqtuġipiaġaatigut. Nunam iñuŋi puttuqsriḷaitchut God-mun miqłiqtuġitilaaptiŋnik qanuq iliŋisa naluvlugu God.

1 John 4:10

Uvva innaittuq piviuttaqqun, piviuttaġiŋaitkaluaġikput God aglaan ilaan piviuttaġiŋaniġaatigut suli tilivḷugu Iġñini tuqutquvlugu ilaan suliqutigiŋaiġukługich itqaumayumiñaiġḷugich piḷuutivut.