Matthew 7:1 - Iñupiatun Mumiksat Uqalugiksuat

¹ Qanuqinniġaqłiġñasi allanik, God-ivli qanuqinniġaġniaŋiñmigaasi.

Matthew 7:1 Iomraidhean Croise

Matthew 7:2

Qanuq qanuqinniġaunmik uqallautiqaġuvsi taavrumiŋa qanuqinniġausiaqaġniaqtusi. Qanutchikun qanuqinniġaiguvsi tuniqtusiḷugu naagga tunikiḷḷugu, tainnatuttauq qanuqinniġausiaqaġniaġmiusi.

Matthew 7:5

Ukpiŋŋuaqtuasii, iłuaqsruqqaaġitchi ilivsiññun, aasii ikayuġumiñaqsivaalluglugich aniqatisi killukuaġutiŋiññik.

Luke 6:37

Qanuqinniġaqłiġñasi allanik, God-ivli qanuqinniġaġniaŋiñmigaasi. Uqallausiġinagich iñuich anniqsuutauŋiññiḷugich, God-ivli uqallausiġiniaŋiñmigaasi anniqsuutauŋiññiḷusi. Suliqutigiŋaiqsigik itqaumayumiñaiġḷugich iñuich piḷuutiŋich, God-ivli suliqutigiŋaiġñiaġmigai itqaumayumiñaiġḷugich piḷuutisi.

Luke 6:41

Summan pasiviuŋ aniqatin killuliqirualivḷugu ilivich pigiił̣haaġaluaŋŋaqpich?

John 8:7

Apiqsruqtuġaluaġmanni, ilaan qiviaŋagai aasii uqallautivlugich, Nallivsi piḷuutaitchuam miḷuqsaqqaaġliuŋ uyaġaŋmik.

James 3:1

Aniqatiimaaŋ, iñugiaktuasii iḷisaurriġuġnasi, qanuq iḷisimarusi uvagut iḷisaurriruaguut isivġiusiaqaġniaqtugut tuniqtulluktuamik allaniñ.