Matthew 6:9 - Iñupiatun Mumiksat Uqalugiksuat

⁹ Aŋaiyyusitchiasii inna: Aapavut qiḷaŋmiittuatiin, iñuich qiksigilisin.

Matthew 6:9 Iomraidhean Croise

2 Samuel 7:26

Qutchiksuaguniġiñ kamaniaqtuq, suli iñuich inna uqaġniaqtut isuitchuamik, ‘Ataniq Sapiġñaqtuaguruaq God-auruq Israel-mun.’ Aasii suli ilvich igliqtinniaġiñ umialgutiga isuiḷaamun.

1 Kings 8:43

naalaġniyumagiñ aŋaiyyutaa. Qiḷaŋmi iñuuvigñi, tusaasaġiñ suli savautilugu apiqsriaŋanik iliŋniñ, iñupayaurat nunami iḷitchuġiyumagaatin suli kamagillasiḷutin, iñugiraqpich Israel-guruat piḷġusiatitun. Tavra iḷitchuġiniaqtut una Aŋaiyyuvikpak nappaŋaraġa nanġaiviksrautautilaaŋanik iliŋnun.

Psalms 111:9

Tasuqsaqtaupkaŋagaich iñugirani suli isuksraiḷaamun inniaqtuamik sivunniuġunmik inillaivḷuni. Salumaruaguruq suli qiksiġñaqtuaguvluni ilaan atqa!

Psalms 115:3

God-ikput qiḷaŋmiittuq; isumamisun suna savaaġisuugaa.

Psalms 72:18

Nanġaqsiuŋ, Ataniq God-auruaq, God-iŋat Israel-miut! Kisimi savallaruq tamatkuniŋa aliuġnaqtuanik.

Leviticus 10:3

Tavraasii Moses-gum uqallautiŋagaa Aaron, “Tavra taamna Atanġum uqautigiraŋa uqallakkami inna, ‘Iluqaġmiŋ savaurriruat uvamnik qiksigiruksraġigaat salumaruaguniġa; qiñiqtinniaġiga qaumaniġa iñugiramnun.’” Aglaan Aaron nipaił̣uksiruq.

Matthew 10:29

Iḷisimarusi malġuk tigmiaġruurak tunisuuruk maniuramun atautchimun. Naaggauvva nalliak unnii katakkumiñaitchuq nunamun uniuġlugu Aapavsi pisuutaa.

Matthew 23:9

Suli tuqłuġnagu iñupayaaq aapavsiññik nunami, qanuq atautchimik Aapaqaqtusi, qiḷaŋmiittuamik.

Matthew 26:29

Uqallautigivsi imitqigñiaŋitchuŋa uumaŋŋa napaaqtuayaam siiġñaŋan ivsaŋaniñ, tikiḷġataqtillugu taamna uvluq imiġniksraq nutaulugu piqatigilusi Aapama atanniqsimaviani.

Matthew 26:42

Tavra Jesus aullavsaaŋaruq igḷuvlugu aasii aŋaiyyuvluni, Aapaaŋ, pisuutigigupku nagliksaaqpaktuksrauluŋa, pisuutin piḷi.

Matthew 5:16

Tainnatulli qaummatitun qaummaġigitchi nakuurualiqilusi, iñuich tautukkumagaich nakuurualiqiasi aasii nanġaġlugu Aapari qiḷaŋmiittuaq.

Matthew 5:48

Tavraasii nalaunŋapiaqtuksraurusi, Aapavsisun qiḷaŋmi nalaunŋapiaqtuatun.

Matthew 6:14

Qanuq suliqutigiŋaiġuvsigik itqaumayumiñaiġḷugich iñuich piḷuutiŋich, Aapavsi qiḷaŋmiittuam suliqutigiŋaiġñiaġmigai itqaumayumiñaiġḷugich piḷuutisi.

Matthew 6:6

Aglaan ilivsi aŋaiyyuguvsi, isiġitchi inauravsiññun aasii umiqqaaġlugu upkuaq aŋaiyyuaqsiḷusi Aapavsiññun nalunaqtuamiittuamun, aasiiḷi Aapavsi tautullaruam nalunaqtuami, akiḷiġñiaġaasi.

Matthew 7:11

Tavraasii ilivsi, nakuuŋitkaluaŋŋavsi, aitchuisuurusi nakuuruanik miqłiqtuvsiññun, qanutułhaaq aasii Aapari qiḷaŋmiittuaq aitchuiyumiñaqtigiruq nakuuruanik tamatkunuŋa qiññuaqtuqtuanun inmiñun.

Luke 15:18

Aiñiaqtuŋa aapamnun aasii uqallautilugu, Aapaaŋ, piḷuksiŋaruŋa God-mun iliŋnullu.

Luke 15:21

Tavra iġñiŋan uqallautiŋagaa, Aapaaŋ, piḷuksiŋaruŋa God-mun iliŋnullu. Nalliummatiŋaiqsuŋa iġñiġuyumiñaġluŋa iliŋnun.

Luke 2:14

Nanġaqtauli God qiḷaŋmiittuaq, suli nunami aŋuyautairrutiqaġli akunġanni iñuich ilaan iviġaumagikkaŋisa.

John 20:17

Jesus uqallautiŋagaa, Tiggunaŋa qanuq mayuaniŋaitchuŋasuli Aapamun. Aglaan aullaġiñ aniqatiimnun aasii uqallautilugich, mayuġumaagaqsiruŋa Aapamnun Aapavsiññullu, suli God-imnun God-ivsiññullu.

Romans 1:7

Paġlagivsi iluqasi Rome-miittuasii, God-im piviuttaġiraŋasi, ququaqtauŋaruasii ilaaguaqtautquvlusi ilaanun. Nagliktuusiaqpaqaġitchisuq tutqiunmiglu God-miñ Aapaptiŋniñ, Ataniptiŋniḷḷu Jesus Christ-miñ.

Romans 8:15

Ilitqusiġiksuam aitchuusiavsi iḷisimapkaġaasi tiguaqtauvlusi miqłiqtuġitilaavsiññik God-mun, sivuuqqataiqł̣usiḷu tatavsausiaksramun isuitchuamik. Tavraasii tuqłuġumiñaġikput God Aapaaġlugu.

Galatians 1:1

Ukua tuyuutit qairut Paul-miñ God-im tiliraŋaniñ. Iñuum kialiqaa piksraqtaaġiŋaitkaaŋa alġaqsruirautquluŋa aglaan Jesus Christ, God-ivlu Aapam aŋipkaiŋaruam ilaanik tuqqunmiñ.

Galatians 4:6

Aasii agliraksraiqł̣uta God-im iġñiġiniġmatigut, ilaan tiliŋagaa Ilitqusiġiksuaŋa Iġñiġmi iḷuptiŋnun, iḷitchuġipkairuaq uvaptiŋnik God iḷumun nanmiñiq aapagitilaaŋanik.

1 Timothy 6:16

kisimisualuk tuqulaitchuq, suli iñuuruq qaninŋaġnaitchuami qaummaġmi, iñuum qaŋaunnii tautuŋaitkaa naagga tautukkumiñaitkaa. Ilaa nanġausiaqaġli isuitchuamun atanniqsimmannigli. Amen.

1 Peter 1:17

Aasii aŋaiyyukavsi taisuugiksi Aapamik. Ilivsi Aapagikavsiuŋ isivġiisuuruaq iñuŋnik allagiiksitasuŋaġnagich savaallaaŋisigun, iñuusiqaġitchi qiksiksrautiqaġlusi ilaanun sivisutilaaŋatun nunami iñuunivsi.

Revelation 4:11

Ataniqpuut God-ikpullu, nalliummatirutin ilivich aitchuusiaqaġuvich nanġaunmik qiksiksraunmiglu ataniġnaqunmiglu, qanuq ilivich savaŋagitin supayaurat, suli ilivich pisuutipkun igliqtut savaaguŋarullu.

Revelation 5:12

atuqtuat nipatuvlutiŋ, Nalliummatiruq Imnaiyaaq tuqutauŋaruaq, aitchuusiaqaġumi ataniġnaqunmik suġaliqpaŋmiglu isumattunmiglu sapiġñaunmiglu qiksiksraunmiglu nanġaunmiglu kamanaqsiḷiġunmiglu.