Matthew 6:7 - Iñupiatun Mumiksat Uqalugiksuat

⁷ Suli aŋaiyyuniġmi uqallakkaluamiiġñasi taŋiġitchuanik uqaġniġnik Jew-guŋitchuat piḷġusiatitun, qanuq isumasuurut tusaarauniaġnivḷutiŋ pisigilugich iñugiaktuat uqalutiŋ.

Matthew 6:7 Iomraidhean Croise

Matthew 18:17

Naalaġnisuŋiḷgitpan, quliaqtuaġili aŋaiyyuliqiruanun, aasii naalaġnisuŋiḷgitpan aŋaiyyuliqiruanik iḷiuqsiuŋ aunniuġutiŋaisavsisun katitchiritullu tax-iñik.

Matthew 26:39

Aasii taikuŋaqtaallakłuni isumaaqpaił̣ł̣uni ulġuŋaruq nunamun, aasii aŋaiyyuvluni inna, Aapaaŋ, piyumiñaqpan, piiġuŋ nagliksaaġutiqpak uvamniñ, aglaattauq uvaŋa pisuutiŋił̣aaptun, aglaan ilivich pisuutiptun.

Matthew 26:42

Tavra Jesus aullavsaaŋaruq igḷuvlugu aasii aŋaiyyuvluni, Aapaaŋ, pisuutigigupku nagliksaaqpaktuksrauluŋa, pisuutin piḷi.

Matthew 26:44

Tavra Jesus qimatqiŋagai, aullaqłuni aŋaiyyuvsaaŋaruq piŋatchiqł̣ugik, uqalugivlugich taapkuasuli uqaluich.

Matthew 6:32

Qanuq ukpiŋaitchuat piññagniaġuurut iluqaiññik tamatkuniŋa. Aapari qiḷaŋmiittuaq iḷisimaruq piqaqtuksrautilaavsiññik iluqaiññik tamatkuniŋa.

Acts 19:34

Tavra iḷisaġikamirruŋ Jew-gutilaaŋa, atausiŋŋuqługu nipiriŋ nipaalaŋarut malġuŋni ikarraaŋni, Kamanaqtuq Artemis god-iŋat Ephesus-miut.