Matthew 6:4 - Iñupiatun Mumiksat Uqalugiksuat

⁴ Nagliktuisitchi nalunaqtuakun, aasiiḷi Aapavsi tautullaruam nalunaqtuami akiḷiġñiaġaasi.

Matthew 6:4 Iomraidhean Croise

Psalms 139:12

aglaan taaqtuaqunnii taaŋitchuq iliŋni, suli unnuaq qaummaġiktigisuuruq uvlutun. Taaqtuaġlu qaummaġisuaġlu atiruk iliŋni.

Psalms 17:3

Iḷisimagiñ uummatiga. Ullaguugigma unnuakun; qanuqitilaaqtuaqłuŋa isivġiqsuaqłuŋa tamaġma paqitaksraitchutin aasii uvamni piḷuktuam kipiqqutaanik. Sivunniŋaruŋa uqaġuŋił̣ł̣uŋa piḷuktuanik,

Psalms 44:21

iḷumutupiaq iḷitchuġiniaġaluaqtusi, atakkii iḷisimagitin isumavut suiḷaurrisit unnii.

Proverbs 25:22

Kanŋutchaiqpagniaġitin, suli Atanġum akiḷiññiaġaatin.

Matthew 10:42

Suli kiñaliqaa aitchuiruaq atautchimununnii makua kamanaiññiqsrat maliġuaqtima iḷaŋannun qallugauram imałhiñaŋanikunnii nigliñaqtuamik imiġmik pisigivlugu iḷitchitquraunini, iḷumun uqallautigivsi, akiḷiusiaqaġniaqtuq.

Matthew 6:18

iñuich naluyumagaat niġiḷaiññiqsi aŋaiyyuuqłusi, aglaan Aapavsi nalunaqtuamiittuam iḷisimagaa, aasii Ilaan tautuaġiruam nalunaqtuami akiḷiġñiaġaasi.

Matthew 6:3

Aglaan ilivsi aitchuiguvsi nagliktuutinik, iḷisimapkaġniatagnasi saumiksi nalupkaġmatun suliqitilaaŋanik taliqpivsi.

Matthew 6:6

Aglaan ilivsi aŋaiyyuguvsi, isiġitchi inauravsiññun aasii umiqqaaġlugu upkuaq aŋaiyyuaqsiḷusi Aapavsiññun nalunaqtuamiittuamun, aasiiḷi Aapavsi tautullaruam nalunaqtuami, akiḷiġñiaġaasi.

Luke 14:14

aasii quviatchaktitauniaqtutin, qanuq ilaisa paaqłiġumiñaitkaatin. Tavra God-im paaqłiġñiaġaatin aŋikpata tuqqunmiñ nalaunŋaruat.

Luke 8:17

Sunapayaaq matutuqtuaq paŋmapak sivunniqsauŋaruq salapqiġumaaqługu taimanigu, suli sunapayaaq iḷisimapkaqtauŋitchuaq paŋmapak sivunniqsauŋaruq iḷitchuġipkaqtauyumaaqługu iñupayaanun taimanigu.

1 Corinthians 4:5

Uqaġnasi iñuich pasiraksraġuġniḷugich isivġiġvium sivuani, Atanġum qaiviksraŋata sivuani. Atanġum qaigumi, ilaan salapqiġñiaġai iluqaisa iriqsimaruat, suli salapqiġḷugich iñuich nalunaqtuakun sivunniuġutiŋich. Tavraniasii iñupayaaq nalaunŋaruakun God-im akiḷiġñiaġaa.

Hebrews 4:13

Suli God-im sivuġaani qanusipayaaq uumaruaq iriqsimaŋitchuq, aglaan supayaat aŋmarut tallutaitchullu irraŋnun ilaan isivġiiyumaaqtuam uvaptiŋnik.

Jude 1:24

Paŋmapak nanġaqsiuŋ ilaa piḷuksitchaiḷiraġniḷḷaruaq ilivsiññik, suli qaisaġiyumiñaqłusi pasiñaġumiñaiġḷusi suli quviasukpaglusi sivuġaani qaummaġiksuam nayuqłiataata.

Revelation 2:23

Suli uvaŋa tuqunniaġitka miqłiqtuŋi. Aasii aŋaiyyuliqiruapayaat nunallaani iḷitchuġiniaqtut uvaŋautilaamnik iḷisimaruaq iñuich isumaŋiññik piyummatiŋiññiglu. Suli paaqłiġñiaġivsi atausiullaalusi sutigun piŋaravsigun.

1 Samuel 2:30

Uvaŋa Ataniq God-iŋa Israel, unniqsuqłiiŋaruŋa taimani ilvich iḷagnullu kiŋuvaaksraġnullu savautiniaġnivḷuŋa aŋaiyyuliqsiqpaulutik isuitchuamun. Aglaan akkupak uqallaktuŋa tainnaitinniaŋitkiga! Tavraŋŋaaglaan, qiksiginiaġitka iliŋich uvamnik qiksiksraqtuat, aasii aŋalamaqługniaġitka uvamnik suuŋiḷaġiññiktuat.