Matthew 6:2 - Iñupiatun Mumiksat Uqalugiksuat

² Tavra, aitchuiguvsi nagliktuutinik, nipauqłuktautiginagich, ukpiŋŋuaqtuat piḷġusiatitun aŋaiyyuviŋñi apqutiniḷu, nanġaqusaaqłutiŋ iñuŋnun. Iḷumun uqallautigivsi, akiḷiusiaqaaniktut.

Matthew 6:2 Iomraidhean Croise

Psalms 112:9

Sigñataił̣ł̣uni aitchuiraqtuq piiḷḷiuqtuanun, iluaqtualiqirauniŋa taimuŋa inniaqtuq; ilaa suaŋŋatiqaġniaqtuq suli qiksigirauluni qutchiksuakun.

Psalms 37:21

Piḷuusiqirit attaqsikamiŋ utiqtitchisuitchut, nakuurualliasii naglikkutiqaqłutiŋ aitchuisalgurut.

Proverbs 19:17

Aitchuiguvich piiḷḷiuqtuamun, atukkitchiruatun Ataniġmun ittuq, aasii Atanġum utiqtitchiñiaġaatin.

Proverbs 20:6

Iñupayaat uqaġuurut iḷumutuuqtuagunivḷutik ukpiġnaġnivḷutiglu, aglaan ivaġnaqtut!

Matthew 15:7

Ilivsi ukpiŋŋuaqtuasii. Qanutun nalautigiŋaruq Isaiah uqaqtaa God-im uqallausiġikamisi. Ilaan aglaŋagai God-im uqaluŋi inna, “Ukua iñuich nanġaġaluaġaanŋa uqalułhiñamiŋnik, sivuniqasuŋaġnagich uqalutiŋ.

Matthew 16:3

Aasii uvlaami uqallaguummiusi, sialugniaqtuq uvlupak qanuq qiḷak kaviqsiularuq maŋaaqsiruġlu. Iḷisimagaluaqłusi sivunniuġniŋanik qiññaŋata qiḷaum, iḷitchuġilaiññiġisi sivuniŋich aliuġnaqtuat savaaguruat akunnavsiññi.

Matthew 22:18

Tavra Jesus, iḷisimavlugu pigiitchuakun sivunniuġutaat uqallaŋaruq, Summan uuktuqpisiŋa? Ukpiŋŋuaqtuasii.

Matthew 23:5

Iliŋich piut iluqaiññik tautuqusaaqsiññaqłutiŋ iñuŋnun. Tautuksigik qanutun aŋitigirut qauġmiutaŋich taliġmiutaŋiḷḷu kiguunnaurat imaqaqtuat Bible uqaluuraŋiññik. Qanutun niviŋaniqtutigimmiut nigraŋich akuŋiññi tautuqusaaqłutiŋ kamaginiḷugich God-im pitquraŋi.

Matthew 23:6

Suli inigillatugaich kamanaqtuat aquppiutat niqinaqimmata, salliġñiglu aquppiutaksrallatummiut aŋaiyyuviŋñi.

Matthew 24:51

Aasii atanġata qaigumi tatavsapiaġataġniaġaa, piqasiutilugu ukpiŋŋuaqtuanun. Tavrani iñuich qianiaqtut tiriqtinniaġaiḷḷu kigutitiŋ.

Matthew 5:18

Qanuq iḷumun uqallautigivsi, qiḷaglu nunalu piiŋaiñŋaagnik, atausiuraqunnii God-im pitquraŋiñi naumaŋiññiqsrakkaluaq unnii piiġumiñaitchuq iluqaisa pitqurat taŋŋiġataqtillugich.

Matthew 6:16

Suli niġiḷaitkuvsi aŋaiyyuuġlusi, qiññaqaġnasi ipiqtunaqsiḷusi ukpiŋŋuaqtuatun, qanuq ilaisa qiññaġiiḷiraġigaich kiiññatiŋ niġiḷaisilaaqtiŋ tautuquvlugu iñuŋnun. Iḷumun, uqallautigivsi, akiḷiusiaqaaniktut.

Matthew 6:3

Aglaan ilivsi aitchuiguvsi nagliktuutinik, iḷisimapkaġniatagnasi saumiksi nalupkaġmatun suliqitilaaŋanik taliqpivsi.

Matthew 6:5

Aasiisuli aŋaiyyuguvsi, piññasi ukpiŋŋuaqtuatun, qanuq iliŋich makitavlutiŋ aŋaiyyullaturut aŋaiyyuviŋñi apqutillu kayyaaŋiññi, tautuqusaaqłutiŋ iñuŋnun. Iḷumun uqallautigivsi, akiḷiusiaqaaniktut.

Matthew 7:5

Ukpiŋŋuaqtuasii, iłuaqsruqqaaġitchi ilivsiññun, aasii ikayuġumiñaqsivaalluglugich aniqatisi killukuaġutiŋiññik.

Mark 12:39

Iliŋich aquppiutaksrallatummiut kamanaqtuat aquppiutaŋiññik aŋaiyyuviŋñi, suli kamanaqtuat aquppiutaŋiññi aquppiḷḷatuvlutiŋ niqinaqimmata.

Mark 7:6

Jesus kiuŋagai, Ilivsi ukpiŋŋuaqtuasii. Qanutun nalautigiŋaruq Isaiah uqaqtaa God-im uqallausiġikamisi. Ilaan aglaŋagai God-im uqaluŋi inna, “Ukua iñuich nanġaġaluaġaanŋa uqalułhiñamiŋnik, sivuniqasuŋaġnagich uqalutiŋ.

Luke 11:41

Savaaġisigik nagliktuiñisi uummativsiññiñ iluqaaniñ. Tainna piguvsi, iḷisimanaqtinniaġiksi uummativsi salumatilaaŋa.

Luke 11:43

Naglignaqtusiuvva ilivsi Pharisees, qanuq aquppiḷḷaturusi kamanaqtuat aquppiutaŋiññi aŋaiyyuviŋñi, paġlalluataquvlusiḷu tauqsiqsuġviŋñi inini.

Luke 12:33

Tavraasii tunisigik suġalisi, aasii nagliktuutigilugich. Tainna piguvsi maniqaġviqaġmatun maqulaitchuanik inniaqtusi, suġaliqaġmatun qiḷaŋmi nuŋulaiḷaanik. Tatpagmani tigligayuktit piyumiñaitkaich, qupilġullu maqunniaŋitkaich.

Luke 12:56

Ilivsi ukpiŋŋuaqtuasii, iḷisimagaluaqtusi siḷaksramik qiññaŋagun nunam qiḷauvlu, aglaan kaŋiqsiḷaiññiġiksi suliqitilaaġa.

Luke 13:15

Tavra Atanġum kiuŋagaa, Ilivsi ukpiŋŋuaqtuasii, atausiullaavlusi savaitchuani pituiqł̣ugich qimuktisi naagga kakaktisi niġrutiqaġviŋmiñ tasikuaqługich imiqtitchaqtuġuugisi savaitchuani.

Luke 20:46

Qaunagisitchi iḷisaurriñiñ pitquranik kukiḷullaturuaniñ akuqturuanik annuġaaqaqłutiŋ, iḷisimatquvlutiŋ suutilaamiŋnik aasii iñupayaanun purvigitquvlutiŋ tauqsiqsuġviŋñi. Iliŋich aquppiutaksrallatummiut kamanaqtuat aquppiutaŋiññik aŋaiyyuviŋñi, suli kamanaqtuat aquppiutaŋiññi aquppiḷḷatuvlutiŋ niqinaqimmata.

Luke 6:24

Qanutun naglignaqtusiuvva ilivsi suġalliruasii paŋmapak, qanuq quviasaaġusiaqaaniktusi suġalivsiññiñ.

Luke 6:42

Tainna pikavich, iñuktun ittutin qirugruaġmik irimiutaqallaġmi irriugauramik piiqsiñiataktuatun aniqanmi iraaniñ. Ukpiŋŋuaqtuatiin, iłuaqsruqqaaġiñ iliŋnun, aasii ikayuġumiñaqsivaalluglugu aniqatin killukuaġutiŋiñik.

John 13:29

Judas pigimmagu maniqaġviŋat, iḷaŋich isumaŋarut Jesus-mun uqallautinasugalugu, tauqsiġiaquvlugu pigiraksraġikkaġmiŋnik niqinaqikpata, naaggaqaa aitchuiyaqtuqunasugalugu iḷiappauruanun.

John 5:41

Nanġausiaqaġniataŋitchuŋa iñuŋniñ.

John 5:44

Nanġautisuuruasii avanmun aasii suliqutigiŋił̣ł̣ugu nanġausiaksraqsi God-miñ kisianiñ, qanuġlusi ukpiġumiñaqpisi?

John 7:18

Iñuk iḷisaurriruaq ilaan isummatimiñik ivaqłiaruq nanġausiaksramiñik iñuŋniñ, aglaan taamna ivaqłiaruaq nanġausiaksraŋanik God-im tilirimi iḷumun ittuaguruq nalaunŋaruġlu.

Acts 10:2

Taamna Cornelius god-iliqiruaguruaq, suli ilaalu qitunġaniḷu qiksigivlugu God. Ilaa ikayuiŋaruq atqunaq Jew-guruat iḷiappaŋiññik, suli ataramik aŋaiyyuvluni God-mun.

Acts 10:31

uqallakłuni, Cornelius, aŋaiyyutin God-im tusaaŋagaa, suli itqaqługich savaatin nagliktuutit.

Acts 10:4

Tavra takunnaakkiutiŋagaa isaġulik iqsiḷḷaġmi, aasii uqallakłuni, Suna Ataniiq. Isaġulgum kiuŋagaa, God-im akuqtuŋagai aŋaiyyutitin, savaatillu nagliktuiñikun, suli itqaŋagaatin.

Acts 11:29

Tavra ukpiqtuat sivunniiŋarut iñupayaaq aitchuiyumiñaqtilaamisun tuyuquvlugu ikayuutiksranik aniqatiinun iñuuruanun Judea-mi.

Acts 24:17

Piitqaaqłuŋa ukiuni iñugiaktuani Jerusalem-miñ, utiŋaruŋa saagaqługich maniich aitchuutit uvagut iñuptiŋnun, aitchuiyaqtuqłuŋalu ikipkautinik.

Acts 9:36

Tavra Joppa-miinŋaruq ukpiqtuaq aġnaq atiqaqtuaq Tabitha-mik. Atqa Greek-tun Dorcas sivuniqaqtuaq tuttumik. Iluqaan piviksrani atuŋaniġaa nakuurualiqivluni ikayuqługiḷḷu iḷiappauruat.

Romans 12:8

Allali iñuk aitchuusiaqaġniġumi siḷġiqsuiñiġmik, siḷġiqsuiḷḷuataġli. Iñuglivsauq aitchuusiaqaġniġumi maniŋñik aitchuiḷḷaluni, aitchuiḷi siŋñataiġḷuni, nanġausiaksraqsiuŋaiġḷuniḷu iñuŋniñ. Allalivsauq aitchuusiaqaġniġumi umialiŋnauniġmik aŋaiyyuliqiruanun, atanniqsimannigli piḷḷuataġluni. Iñuk aitchuusiaqaġniġumi nagliktauniġmik allanun, piḷiuŋ taamna quviasuutigilugu.

1 Corinthians 13:3

Aitchuutigigaluaġmigupkich supayaurat pigikkatka iḷiappauruanun iñuŋnun, naaggaqaa timiga ikipkaqtitkaluaġupku pisigilugu tusaayugaaġiksuaq, aasii piviuttaqsriŋiḷḷuŋa iñuŋnik, akiḷiusiaksraitchuŋa.

Galatians 2:10

Aglaatualuk itqaumatqugaatiguk iḷiappauruanik, taamnapiaġataq piyumalaaġmiraġa.

Ephesians 4:28

Tavraŋŋaaglaan tigligaqti tigligaŋaiġḷi, aglaan savagli saglutaġautaitchuakun, aitchuutiksranikkumauq piiḷḷiuqtuanun.

1 Thessalonians 2:6

Suli alġaqsruiŋitchugut iñuŋnun nanġaquluta, ilivsiññun-unnii naagga allanun. Nalaunŋagaluaġmiuq nanġaquupiaġupta ilivsiññun, uvagut Christ tiliraġivluta.

1 Timothy 6:18

Piraksrikkich suġalliruat nakuurualiqitqulugich nauttaaŋaiġḷugu nakuuruanik savaaqaġniq, suli anniqsraŋaiġḷutiŋ piyummatiqaqulugich, saqqiqutiqallaatqulugich piiḷḷiuqtuanun.

Philemon 1:7

Aniqatiiŋ, piviuttaqqurvich quviatchapiaġataġaaŋa qapiŋaisaapiaġataqłuŋalu, qanuq quviatchaŋagitin iluqaisa God-im iñuŋi.

Hebrews 13:16

Nakuurualiqiugaġitchi suli saqqiqinnillaalusi pigikkavsiññiñ, qanuq God-im tainnatchich aitchuutit iviġaumagigai.

1 Peter 4:11

Kiñaliqaa alġaqsruiruaq alġaqsruutiqaqtuksrauruq God-im uqaluanik. Kiñaliqaa savaurriruaq God-mik suaŋŋasiqsuqtiqaqtuksrauruq God-mik iluqaani, God nanġaqtauyumauq Jesus Christ-kun. Christ-tuq kamanaqsipkaqtauli nanġaqtauluniḷu isuitchuamun. Amen.

1 Samuel 15:30

“Piḷuusiqiŋaruŋa,” Saul-gum kiugaa, “Aglaan qiksigiruatun uvaŋa aŋalanŋa sivuġaanni aullarrigma suli Israel iñupayaaŋisa. Utiqasiŋŋa nanġallayumagiga Ataniq God-in.”