Matthew 6:12 - Iñupiatun Mumiksat Uqalugiksuat

¹² Suli suliqutigiŋaikkich itqaumayumiñaiġḷugich piḷuutivut, uvaguttauq suliqutigiŋaiġmatun itqaumayumiñaiqł̣ugich tamatkua piḷuksiruat uvaptiŋnun.

Matthew 6:12 Iomraidhean Croise

1 Kings 8:30

Tusaasaġitin aŋaiyyutitka suli aŋaiyyutiŋich iñugiraqpich saallugu una ini aŋaiyyuraġikpata. Aimmivigñi qiḷaŋmiittuami tusaasigut suli suliqutigiŋaiġḷuta.

1 Kings 8:34

naalaġnisaġitin qiḷaŋmi. Suliqutigiŋaiġḷugich piḷuutiŋich iñugiraqpich suli utqutilugich nunamun qaiñŋaraġnun maŋŋuuŋiñun.

1 Kings 8:39

tusaasaġiñ aŋaiyyutaat. Naalaġniḷugich aimmivigñi qiḷaŋmi, suliqutigiŋaiġḷugich, suli ikayuġlugich. Kisivitualuk iḷisimagitin isumalaaġutiŋich iñugruiññam uummataata. Aŋalallugu iñullaa pigiruksraġiraŋagun,

1 Kings 8:50

Suliqutigiŋaiġḷugich piḷuutipayaaŋich paaqłautiŋiḷḷu God-iiŋ, aasii piññaktaaġiriŋiññun aŋalalluataqtillugich nagliktuutikun.

Psalms 130:4

Aglaan tavra suliqutigiŋaiġaġigivsigut, qiksiksrautiqallatquvluta iliŋnun.

Psalms 32:1

Quviasuglich piḷuutiŋisigun suliqutigiŋaiqsauruat, killuliqutaich piiqł̣ugich.

Exodus 34:7

Nalautitchuugitka unniqsuqłiisigiŋaratka 1,000-guruanun kiŋuniġiiguruanun suli suliqutigiŋaiqł̣ugich pigiitchuaġlu piḷuullu; aglaan tatavsaŋiññiaŋitkitka miqłiqtuŋiḷḷu, tutaaluŋiḷḷu piŋayuannun sisamaŋannullu kiŋuniġiiguruat aŋayuqaaġiraŋisa piḷuutiŋich pisigilugich.”

Matthew 26:28

Tavra taamna auga maqipkaqtauyumaaqtuaq iñugiaktuanun. Taavrumuuna God-im nalupqinaiġñiaġaa sivunniuġutini iñuŋnun suliqutigiŋaiġḷugich itqaumayumiñaiġḷugich piḷuutiŋich.

Matthew 9:2

Tavra, qaġġirriŋarut ilaanun aulalaitchuamik, nalavlugu ikuvġamiñi. Tavra Jesus puttuqsrikamiuŋ ukpiġutaat uqallaŋaruq aulalaitchuamun, Quviasugiñ, iġñiiŋ. Piḷuutitin suliqutigiŋaiqsaurut itqaumayumiñaiqł̣ugich.

Mark 11:25

Suli qikaqavsi aŋaiyyuvlusi, suliqutigiŋaiġñigitchi itqaumayumiñaiġḷugich sunŋutiqaġuvsi kimulliqaa, Aapavsivsauq qiḷaŋmiittuam suliqutigiŋaiġumagai piḷuutisi itqaumayumiñaiġḷugich.

Luke 11:4

Suli suliqutigiŋaikkich itqaumayumiñaiġḷugich piḷuutivut, qanuqtauq suliqutigiŋaiġuummigivut itqaumayumiñaiqł̣ugich iñupayaat piḷuutiŋich uvaptiŋnun. Ikł̣igutchaktinniaqtinnatigut, [annautilutalu piḷuktuamiñ.]

Luke 13:4

Qanuqtauq aasii taipkua 18-guruat kattaqikkaŋi nasiqsruġviata Siloam tuqułługich, Isummatigivisigik piḷułhaaqłutiŋ tuqutaunasugalugich iluqaiññiñ iñuuruaniñ Jerusalem-mi?

Luke 6:37

Qanuqinniġaqłiġñasi allanik, God-ivli qanuqinniġaġniaŋiñmigaasi. Uqallausiġinagich iñuich anniqsuutauŋiññiḷugich, God-ivli uqallausiġiniaŋiñmigaasi anniqsuutauŋiññiḷusi. Suliqutigiŋaiqsigik itqaumayumiñaiġḷugich iñuich piḷuutiŋich, God-ivli suliqutigiŋaiġñiaġmigai itqaumayumiñaiġḷugich piḷuutisi.

Acts 13:38

Aniqatiit, iluqasi iḷisimaruksraupiaqtusi, taavrumuuna Jesus-kun God-im suliqutigiŋaiġumiñaġai piḷuutisi itqaumayumiñaiġḷugich.

Ephesians 1:7

Christ tasuŋagaatigut God-mun, maqipkaqługu auni tuqqutivluta, God-mun suliqutigiŋaiquvlugich itqaumayumiñaiġḷugich piḷuutivut.

Ephesians 4:32

piaqłuktautiŋaiġḷusiḷu avanmun, nagliksrautiqaġlusiḷu suliqutigiŋaiġutilusiḷu avanmun, God-iptauq suliqutigiŋaiŋammagich itqaumayumiñaiqł̣ugich piḷuutisi pisigivlugu Christ.

Colossians 3:13

piaqłuktautiŋaiġḷusi avanmun. Iñuk uqaallatiksraqaġaluaġumi allamun iñuŋmun, suliqutigiŋaiġḷiuŋ itqaumaŋaiġḷugu uqaallatiksraq. Atanġuptauq suliqutigiŋaiŋammagich piḷuutivut itqaumayumiñaiqł̣ugich, tainnatulli uvagut suliqutigiŋaigaksraġigivut allat pimaqłuutiŋich uvaptiŋnun.