Matthew 5:8 - Iñupiatun Mumiksat Uqalugiksuat

⁸ Quviasuglich salummaqtauruat piḷuutipayaamiñ, qanuq tautugniaġaat God.

Matthew 5:8 Iomraidhean Croise

Genesis 32:30

Jacob uqallaktuq, “Qiñiŋagiga God tavruŋa, suli uvva iñuuvluŋasuli”; tavraasii atchiŋagaa taamna ini Peniel-mik.

2 Samuel 22:27

Piġuaġniġitchuagurutin iliŋiññun piġuaġniġitchuanun, aglaan piuġrugisuugitin isumatuuqhutiŋ piḷuusiqirauruat.

Psalms 15:2

Tamatkua kamakkutiqaqtuat God-mun supayaatigun iñiqługulu iluaqtualiqisuuruat, uqaluqaqhutiŋ sagluuŋitchuanik iḷumun ittuaniglu,

Psalms 18:26

Piġuaġniġitchuagurutin iliŋiññun piġuaġniġitchuanun, aglaan piuġrugisuugitin isumatuuqhutiŋ piḷuusiqirauruat.

Psalms 24:4

Ami tamatkua salumaruat surġausimigni isumamigniḷu, nanġaisuitchuat iñuuraqpagnun suli saglukun unniqsuqłiiḷaitchuat.

Psalms 51:10

Savagiñ salumaruamik uummanmik uvamni, God-iiŋ, aasii nutaqsaġlugu iḷumutuuqtuamik iḷitqusiġa.

Psalms 51:6

Piŋŋuaġutairrun iḷumutuuġniġlu iñuggutigitqumagikkiñ; immiġuŋ isummatiga isumattutigiraġnik.

Psalms 73:1

Iḷumutun God-im nakuugutigai Israel-miut, piġuaġniġitchuanik uummatiqaqtuanun.

Proverbs 22:11

Nakuaġiguvsiuŋ salumaruaq uumman suli uqaluqalluataġniq, umialik avilaitqatiginiaġiñ.

Acts 15:9

Suli ilaa allakaaġiiksualiŋaitchuq uvaptiŋniglu iliŋiññiglu, ilaan suliqutigiŋaiqł̣ugich itqaumayumiñaiqł̣ugich piḷuutiŋich ukpiliġmata.

1 Corinthians 13:12

Uvvasuli alla uuktuun taavrumuŋa. Paŋmapak uvva qiñiġmatun Christ pigikput taġġaktuutigipiaŋitchuakun, tauttuġluammatun pivḷugu. Aglaan taimanigu tautugniaġikput sukuiġḷugu. Paŋmapak iḷisimałauraqsiññaqtuŋa mikiruamik ilaagun, aglaan taimanigu kaŋiqsimmaġiksipiaġniaqtuŋa, God-im iḷisimmasipiaġataŋatun uvamnik paŋmapak.

2 Corinthians 7:1

Piginiqaptigik taapkua unniqsuqłiisit, piviuttaġirauruasii, salummaqta uvaptiŋnik piḷuutipayaaniñ timiptiŋnullu ilitqutchiptiŋnullu salumaiḷḷisauruaniñ sivuġaani God-im. Iñuuniḷukta kiikaa piḷuutaiññiaġluta, qanuq qiksigigikput God.

Titus 1:15

Niqipayaurat piraġautchiḷḷu salumarut, akuqtuġnaġumiñaqtullu ukpiqtuaguruanun isummasiqaqtuanun nalaunŋaruamik God-itun, aglaalli sumik salumaruagitchuq tamatkunuŋa piḷuusiqirauruanun ukpiŋaitchuanullu, qanuq isumaqaġviŋich isumaŋiḷḷu salumaitchut piḷuktuaguvlutiŋ.

Hebrews 10:22

Taapkua tainnainniġmata, qalliḷaaqta God-mun iḷumutuuqtuamik uummatiqaġluta ukpiġutiqaġlutalu nalupqisuŋipiaqtuamik, isumaaluutaiġḷuta piḷuutiptiŋnik, suli salummaqtaupiaġluta piḷuutiptiŋniñ.

Hebrews 12:14

Iñupayaanun aŋuyautairrutiqaġitchi, ilaaguaqtaulusiḷu God-mun. Taapkuak piiḷḷugik, kialiqaa tautukkumiñaitkaa Ataniq.

Hebrews 9:14

Taamna tainnainŋakpan, qanutułhaaq auŋata Christ salummaqtigivagich ilitqutchisi tuqunaqtuaniñ piḷġutchiñiñ savautiyumiñaqsivḷugu God iñuuruaq. Christ, Ilitqusia iñuuruaq isuitchuamun, aitchuutigiŋaruq inmiñik tuqukami akuqtuġnaġumiñaqłuni God-mun.

James 3:17

Aglaan isumattutim paŋmaŋŋaqtauruam iñuk piḷuutaisitkaa aŋuyautairrutiqaqtitkaalu pikałaktautairrutiqaqtitkaalu uqayunaqtitkaalu, suli nagliktuiḷḷatuqpaktuq anniqsuiḷḷaturuġlu, atunim aŋalatkai iñuich, naagga piŋŋuaġutaitchuq.

James 4:8

Qalliḷaaġitchi God-mun, ilaaptauq qalliḷaaġniaġmiuq ilivsiññun. Piḷuusiqirauruasii, isumalitqigitchi piḷuutiniñ savaaġiŋaravsiññiñ. Ilivsi malġuŋnik isumaqaqtuasii, kamagipiaġataqsiuŋ God. Ukpiŋŋuaqtuaguŋaiġitchi.

1 Peter 1:22

Paŋmapak-aasii piḷuutaiqsauganikavsi kamaksrirraqsivḷusi God-im iḷumun ittuamik uqaluanik piviuttaqsriḷḷasirusi iḷumutun ukpiqtuaguqativsiññik. Tavraasii nalupqinaiyapiaqsiuŋ iḷumupiaq piviuttaġitilaaŋannik ukpiqtuaguqatisi iḷuvsiññiñ.

Revelation 22:4

Iliŋisa tautuŋniaġaat kiiñaŋa, suli ilaan atqa aglautiŋaniaqtuq qauŋiññi.