Matthew 5:7 - Iñupiatun Mumiksat Uqalugiksuat

⁷ Quviasuglich nagliktauruat, qanuq God-im nagliktuġniaġmigai.

Matthew 5:7 Iomraidhean Croise

2 Samuel 17:28

Qaġġisuurriŋarut iḷutuuġuranik, qikuyyanik utkusigñik, ikuvġanik, suli niqinik David-guvlu iñuŋisalu piksraŋiññik: qanusiḷimaanik palauvaksranik, kumauranik, honey-ñik, immugniñ niqilianik, immugnik, suli imnaiñik. Iḷisimavlutik David-lu iñuniḷu kaaliġñiaqtuat, imiġuliġñiaqtuat suli piḷaiŋaniaqtuat nunagluktuami.

2 Samuel 22:26

Ataniiq, piŋitqataalaitchutin iḷumutuuqtuagummataptauq ilignun, nakuuġutipiaqługich iluaġniḷupiallaktuat.

Psalms 112:4

Qaummaġiksiraqtuq taaqtuami iñulluatauruanun, nagliktauruanun, pikał̣ł̣aktautaitchuanun, suli iluaqtualiqirauruanun.

Psalms 112:9

Sigñataił̣ł̣uni aitchuiraqtuq piiḷḷiuqtuanun, iluaqtualiqirauniŋa taimuŋa inniaqtuq; ilaa suaŋŋatiqaġniaqtuq suli qiksigirauluni qutchiksuakun.

Psalms 18:25

Ataniiq, piŋitqataalaitchutin iḷumutuuqtuagummataptauq ilignun; nakuuġutipiaqługich iluaġniḷupiallaktuat.

Psalms 37:26

Iñiqługu qaitchiŋaiyuitchut allanullu attaqsipkaisuurut, miqłiqtutiŋ quviasuusiaġigaich.

Proverbs 11:17

Iliŋnun ikayuutauruq aŋalatchisuukavich. Aŋalatchimaqłukkavich, iliŋnun anniaġutausiññaqtuq.

Proverbs 11:25

Sigñataitchin, aasii sunnavsaaġniaqtutin. Ikayukkich allat, aasii ikayuusiaqaġniaqtutin.

Proverbs 14:21

Quviasugukkuvich, nagligikkich suiḷḷiuqtuat, piḷuutauruq uumisuutiqaqtuni kimulliqaa.

Proverbs 19:17

Aitchuiguvich piiḷḷiuqtuamun, atukkitchiruatun Ataniġmun ittuq, aasii Atanġum utiqtitchiñiaġaatin.

Mark 11:25

Suli qikaqavsi aŋaiyyuvlusi, suliqutigiŋaiġñigitchi itqaumayumiñaiġḷugich sunŋutiqaġuvsi kimulliqaa, Aapavsivsauq qiḷaŋmiittuam suliqutigiŋaiġumagai piḷuutisi itqaumayumiñaiġḷugich.

Luke 6:35

Aglaan ilivsi piḷḷuatałhaaqtuksraurusi tamatkunaŋŋa piḷuusiqiriniñ. Tavra piviuttaġisigik uumigirisi, anniqsuġlugiḷḷu. Atukkiññigitchi paaqłiusiaksramik niġiuŋaiġḷusi, aasii akiḷiusiaqsi kamanaġniaqtuq, suli miqłiqtuġiniaġaasi sapiġñaġniqsrauruam God-im, qanuq ilaa piaqłuktaŋitchuq quyyataitchuanun unnii anniqsrauruanullu.

Romans 11:30

Qaŋauvlugu akiḷḷiḷiqsuutiŋagaluaqtuasii God-mun, aasii Jew-guruat pisuŋiñmatigik ilaan aitchuutini, God nagliksraliŋaruq ilivsiññik inaŋiutigivlusi Jew-guruanun.

1 Corinthians 7:25

Paŋmapagli sivuniġilugich tuvaaqataitchuat, pitqurriutiksraitchuŋa Ataniġmiñ. Aglaan ukpiġnaqtuaguvluŋa kivgaunimni nagliktuutaagun Atanġum, qaitkiga uvaŋa isummatiga.

2 Corinthians 4:1

Aitchuusiaqaġniqapta nagliktuutaagun God-im, qanutun aliuġnaqtigiruamik alġaqsruutigiraksramik uqaluksrirrusiamik, nikatchagluta aġiulaitchugut.

Ephesians 4:32

piaqłuktautiŋaiġḷusiḷu avanmun, nagliksrautiqaġlusiḷu suliqutigiŋaiġutilusiḷu avanmun, God-iptauq suliqutigiŋaiŋammagich itqaumayumiñaiqł̣ugich piḷuutisi pisigivlugu Christ.

Colossians 3:12

Tavra God-im iñuksraqtaaġiŋammasi, piḷuutaiqł̣usi piviuttaġivlusiḷu, kiikaa iḷunŋusuutiqaġitchi allanun, ikayuiruagulusi, kamasaaŋaiġḷusi, paaqłaktautaiḷḷusi qimmaksaliyaiḷḷusiḷu,

1 Timothy 1:13

uvaŋa sivuani uqamaqłuktaugaluaqtilluŋa nagliksaaqtitchivḷuŋalu suli pisaaŋavlugu ilaa. Aglaan God-im nagligiŋagaaŋa pisigivlugu suliqitilaamnik naluniġa ukpiŋaił̣ł̣uŋa.

1 Timothy 1:16

Taamna pisigivlugu God-im nagligiŋagaaŋa. Piḷugniqsraugaluaqtilluŋa piḷuusiqiriniñ, Christ manimmiḷguŋagaaŋa annautillasiḷaaqamiŋa. Aasii paŋmapak iḷitchuqqutauyumiñaqtuŋa ilaan manimmiḷgutaanun iluqaiññun ukpiliġumaaqtuanun inmiñun aasii iñuullasiḷutiŋ isuitchuamun.

Hebrews 4:16

Tavraasii nalupqisuŋiḷḷuta qalliḷaaqta God-mun, nagliktuutiqaqtuamun, nagliktuusiaqaġumaugut aitchuusiaqaġlutalu nagliktuutiqpakkun ikayuusiaksraptiŋnik ikayuqtiqaqtuksraġuġupta.

Hebrews 6:10

Qanuq God nalaunŋaruq. Naluruuraaġniaŋitkaa ikayuutiksi, piviuttaqqullu iḷisimanaqtitaqsi savautikavsigik ukpiqtuat ilaa pisigivlugu, piḷġusivsisun paŋmapak.

James 2:13

Qanuq iñuk nagliksralaitchuaq God-im nagliginiaŋiñmigaa isivġiġumiuŋ, aglaan nagliktuun akimaniaqtuq nagliktauruaq isivġiqsaukpan.

James 3:17

Aglaan isumattutim paŋmaŋŋaqtauruam iñuk piḷuutaisitkaa aŋuyautairrutiqaqtitkaalu pikałaktautairrutiqaqtitkaalu uqayunaqtitkaalu, suli nagliktuiḷḷatuqpaktuq anniqsuiḷḷaturuġlu, atunim aŋalatkai iñuich, naagga piŋŋuaġutaitchuq.

1 Peter 2:10

Qaŋauvlugu God-im iñugiŋitkaluaŋakkaŋasi, aglaan paŋmapak God-im iñugiliutiŋagaasi. Qaŋauvlugu naluŋagaluaqtuasii God-im nagliktuutaanik, aglaan paŋmapak nagliktuusianikłusi.