Matthew 5:6 - Iñupiatun Mumiksat Uqalugiksuat

⁶ Quviasuglich tamatkua kipiġniuġutiqałhaaqtuat pisukługich God-im pitqutiŋi, qanuq God-im ikayuġniaġai.

Matthew 5:6 Iomraidhean Croise

Psalms 107:9

Katchuqtitchuugaich imiġuliqsuat suli kaaguiqsiłługich kaaktuat nakuuruanik.

Psalms 145:19

Piqaqtitchuugaich sunik pigiraksraġiraŋiñik qiksriksrautiqaqtuat ilaanun; tusaasuugaich qirratiŋich aasii annautivlugich.

Psalms 17:15

Uvaŋaaglaan tautupiallagniaġikpiñ qanukkii killukuaŋaitchuŋa; aasii iqiiġuma, nayuutiniqpich siḷivinniaġaaŋa quviasuunmik.

Psalms 63:5

Iḷitqusiġa niqinaqiniaqtuq pisuġuiqsuaġluni, suli atuġluŋa qaqłupkun atuutinik quvianaqtuanik nanġautinik.

Psalms 65:4

Quviatalaaġlich ilvich naliġaaġiratin, qaġġisiratin iñuullasivḷugich Salumaruami Aŋaiyyuvikpagni. Iviġaummatiginiaġivut nakuuruat iglugniittuat, quviasaaġusiaŋich Salumaruam Aŋaiyyuvikpakpich.

Psalms 84:2

Qanutun tavraniitchummiiġaluaqtuŋa! Atanġum Aŋaiyyuvikpaŋanun inuqsralipiallaktuŋa. Iluġaaqługu irrusiġa atuqtuŋa quviasuunmi iñuuruaguruamun God-mun.

Proverbs 10:24

Nalaunŋarualiqiruat piññaguurut pigisuktamiŋnik, aglaan pigiiḷḷiqirauruat piññaguurut iqsigiłhaaqtamiŋnik.

Proverbs 21:21

Aŋalatchiḷḷuataġiñ suli saglutuiḷḷutin aasii iñuuniqtuniaqtutin; qiksiginiaġaatin suli aŋalalluataġutin.

Luke 1:53

Tamatkua ikayuqtisiuqtuat piqaqtuksrauvlutiŋ pisuġuiqsitkai, aasiiḷi ikayuqtisiuŋitchuat pigiraksraġikkaġmikkun ilaan pisuŋitkai.

Luke 6:21

Quviasugitchi ilivsi kipiġniuġutiqałhaaqtuat pisukługich God-im pitqutiŋi iñuktun kaaktuatun paŋmapak, qanuq pisuġuiqsitauniaqtusi. Quviasugitchi ilivsi isumaaqtuasii pisigivlugu piḷuun, qanuq taimanigu isumaaŋaiġñiaqtusi.

Luke 6:25

Qanutun naglignaqtigirusi ilivsi pisuksiuŋitchuasii sumik nakuuruamik paŋmapak, iñuktun niqinŋuruatun, qanuq pisuksiuliġñiaqtusi. Qanutun naglignaqtigirusi ilivsi aliasuŋisaaqsiññaqtuasii paŋmapak, qanuq ipiqtutchagniaqtusi, qialusiḷu.

John 4:14

aglaan kiñapayaaq imiqtuaq imiġmiñ aitchuutiginiakkamniñ imiġulitqigñiaŋitchuq. Imiq aitchuutiginiakkaġa ilaanun, nivviatun imaiḷaitchuatun inniaqtuq iḷuani iñuupkaġlugu isuitchuamun.

John 6:27

Siġġaqutiginagu niqiłhiñaq nuŋuraġaqtuaq, aglaallu siġġaqutigisiuŋ taamna nuŋulaitchuaq, niqitun ittuaq iñuupkaġumiñaqłusi isuitchuamun. Iġñiŋata Iñuum aitchuġumiñaġaasi taavrumiŋa niqimik, qanuq God-im Aapam ataniġnaqusiŋagaa tainna piḷḷasivḷugu.

John 7:37

Aqulliġmi uvluani niqinaqivium, naumaniqsrami uvlumi, Jesus makinŋaruq aasii nipatuvluni uqallakłuni, Kiñaliqaa imiġuliġumi, qaiḷuni uvamnun imiġli.

Revelation 7:16

Kaaksiutqikkumiñaitchut imiġuksiutqikkumiñaitchullu, siqiñġum uunniqialatchiñiaŋitkai pasiŋñialalugich,