Matthew 5:5 - Iñupiatun Mumiksat Uqalugiksuat

⁵ Quviasuglich piuniaŋitchuat, qanuq ilaisa kiŋuvaaġiniaġaat God-im unniqsuqłiisaa.

Matthew 5:5 Iomraidhean Croise

Psalms 147:6

Ilaan qutchiksiḷiġuugaich qiñuitchuat, aglaan anmuksruġuugaich pigiiḷḷiqirauruat.

Psalms 149:4

Atanġum quviagigaich ilaata iñuni; kamanaqsiḷiġuugaich qiñuitchuat akimmanmik.

Psalms 22:26

Piiḷḷiuqtuat qanutulimaaq niġisuiqsuaġniaqtut; tamatkua qairuat Ataniġmun nanġaġniaġaat. Piḷḷuataqtuasuŋaiññaġlitchuq!

Psalms 25:13

Ataramik piḷḷuatautiqaġniaqtut, suli miqłiqtuŋich nunannaktaaqaġlutiŋ.

Psalms 25:9

Igliġutisuugai qiñuitchuat iluaġniqsrakun iḷisautivlugit pisuunmiñik.

Psalms 37:11

piuniaŋitchuaq aglaan nunannaktaaqaġniaqtuq aasii quviasuuttaqaġuni piḷḷuataunmik tutqiunmiglu.

Psalms 37:22

Tamatkua quviasuusiaqaqtuat Ataniġmiñ kiŋuvaannaktaaksriusiaqtiŋ nunannaktaaġiniaġaat, tamatkualiasii pimaqłuusiaqaqtuat God-miñ anitaulutiŋ.

Psalms 37:29

Iluaqtualiqirauruat kiŋuvaannaktaaksriusiaqtiŋ nunannaktaaġiniaġaat suli iñuusaġataġvigilugu isuitchuamun.

Psalms 37:34

Niġiukkutiqaġiñ Ataniġmiñ suli kamaksriḷutin Ilaan piraksriutaiññik; Ilaan kamanaqsiḷiġniaġaatin nunannaktillutin, suli qiñiġniaġitin piḷuktuat anitaukpata.

Psalms 37:9

Ukpiqsraqtuat Ataniġmun nunannaktaaqaġniaqtut, aglaalli piḷuktuat anitaulutiŋ.

Psalms 69:32

Nagliksaaqtitauruat tautukkumirruŋ, quviatchagniaqtut; nanġairuat God-mik qapiŋaivsaaġniaqtut.

Numbers 12:3

(Moses una piuniaŋitchuaguŋaruq iñuk, piuniaŋitchuaguniqtauvluni iñugniñ nunami.)

Matthew 11:29

Anuqasiutisitchi uvamnun, aasii iḷisaġlusi uvamniñ, qanuq uvaŋa piaqłuktaŋitchuŋa qimmaksaliyaitchuŋalu, aasii unaŋuiqsiġñiaqtusi.

Matthew 21:5

“Uqallautisigik iñuŋi Zion, Uvva, umialivsi ullakkaasi! Kamasaaŋitchuq, suli kakaksiqsuq kakaktimi, nuġġaŋani kakaktim.”

Romans 4:13

God-im unniqsuqłiiŋagaa Abraham kiŋuniŋiḷu kiŋuvaannagniaġnivḷugich nunamik. Taamna unniqsuqłiiñ unniqsuqłiisauŋaitchuq God-im qaiñmagich aglausimaruat pitqurani Moses-kun, aglaan unniqsuqłiisauŋaruq Abraham-mun God-im nalaunŋasipkaġmagu ukpiġutaa pisigivlugu.

Galatians 5:23

pikałaktautairrunmiglu ilimun aŋalarrutilluataġniġmiglu. Iñuich iñuuruat tainna pitqurat taluqsralliaġiŋitkaich iñuutqulugich.

Ephesians 4:2

kamasaaŋiḷḷusi pikałaktautaiḷḷusiḷu qiñuirrutilusiḷu avanmun, manimmisilusiḷu pimaqłuutivsigun avanmun pisigilugu piviuttaqqutiniqsi.

Colossians 3:12

Tavra God-im iñuksraqtaaġiŋammasi, piḷuutaiqł̣usi piviuttaġivlusiḷu, kiikaa iḷunŋusuutiqaġitchi allanun, ikayuiruagulusi, kamasaaŋaiġḷusi, paaqłaktautaiḷḷusi qimmaksaliyaiḷḷusiḷu,

1 Timothy 6:11

Aglaalli ilivich, iñua God-im, pitchaiḷikkich iluqaisa tamatkua. Siġġaqilutin iłuaqtualiqiniġmun, god-tiliqiniġmun, ukpiġunmun, piviuttaqqunmun, tuniqsimmanmun, pikałaktaŋirrunmullu.

2 Timothy 2:25

natqiksruġlugich pikałaktautairrutikun akiḷḷiḷiqsuutiruat God-mun, iḷaanni God-im isumalitqiksitaupkaqpiaġai suli iḷitchuġipkaġlugich iḷumun ittuamik.

Titus 3:2

Iḷisautikkich uqautikłiquŋiḷḷugich pigiitchuamik iñulimaakun, qanaaqsaiḷitqulugich, piaqłuktaquŋiḷḷugich, suli taluġnairrutilugich iñupayaat.

James 1:21

Taamna pisigilugu iñuusiqaŋaiġitchi pigiitchuamik, piugaŋaiġḷugich God-im pigiiññiraŋi. Aglaan kamasaaŋaiġḷusi kamagisigik God-im uqaluŋi, ilaan iḷitchuġipkaŋakkaŋi ilivsiññun annaurrautquvlusi.

James 3:13

Kiña akunnavsiññi isumaturuaguva kaŋiqsisiqaqpalu? Isumattutiqaqtilaani kaŋiqsisiqaqtilaaniḷu iḷisimanaqtilliuŋ iñuulluataunmigun savaalluatamigullu kamasaaŋaiġḷuni isumattutiqaġluniḷu.

1 Peter 3:15

Christ iḷumutun Atanniuttusiuŋ iḷuvsiññiñ kamagiugaġlugu. Ataramik itqanaitchitchi kiggutiksravsiññik kialiqaa apiqsruqtuqpasi annaurrauyummativsigun.

1 Peter 3:4

Aglaan piññaġnaġniqsi piqutiqaqtuksrauruq nakuutivsiññik iḷuvsiññi, pikałaktautairrunmik, uŋiarrisairrunmik, iḷumutun piññaġnaqsiḷiġutauruamik akisuruamiglu God-im qiññaŋani.