Matthew 5:4 - Iñupiatun Mumiksat Uqalugiksuat

⁴ Quviasuglich tamatkua isumaaqpaktuat, qanuq God-im quviasaaġniaġai.

Matthew 5:4 Iomraidhean Croise

Luke 16:25

Tavra Abraham uqallaksiññaŋaruq, Iġñiiŋ, itqaġiñ iñuuniġni aitchuusiaqaġuuruatiin nakuuruanik sunik, aasiiḷi Lazarus tainnatuttauq pigiitchuanigli. Aasii paŋmapak quviasaaġusiaqaqtuq uvani, aasiiḷi ilivich nagliksaaġnami ittutin.

Luke 6:21

Quviasugitchi ilivsi kipiġniuġutiqałhaaqtuat pisukługich God-im pitqutiŋi iñuktun kaaktuatun paŋmapak, qanuq pisuġuiqsitauniaqtusi. Quviasugitchi ilivsi isumaaqtuasii pisigivlugu piḷuun, qanuq taimanigu isumaaŋaiġñiaqtusi.

Luke 6:25

Qanutun naglignaqtigirusi ilivsi pisuksiuŋitchuasii sumik nakuuruamik paŋmapak, iñuktun niqinŋuruatun, qanuq pisuksiuliġñiaqtusi. Qanutun naglignaqtigirusi ilivsi aliasuŋisaaqsiññaqtuasii paŋmapak, qanuq ipiqtutchagniaqtusi, qialusiḷu.

Luke 7:38

Aasii makinŋaruq tunuani Jesus isigaŋiñi qiavluni, ilaan aiḷaqtirraqsiŋagai isigaŋi qulvimiñik, aasii tilaktuqługich nutchamiñik, suli kunikł̣ugich isigaŋi tivraġiksaŋagai.

Luke 7:50

Tavra ilaa uqallaŋaruq aġnamun, Ukpiġurvich annautigaatin. Aullaġiñ tutqiksiḷutin.

James 1:12

Quviasugli iñuk igḷutuiruaq uuktuaġusiamik, qanuq igḷutuanikkumiuŋ uuktuaġusiaq, aitchuusiaqaġniaqtuq isuitchuamik iñuggunmik, God-im unniqsuqłiisaanik akiḷiutiginiaġnivḷugu tamatkunuŋa piviuttaġirimiñun.

Revelation 21:4

Ilaan saluaġniaġai qulvipayaat iriŋiññiñ, suli tuqqun piiġñiaqtuq, isumaaġutaiññiaqtuġlu qirrataiḷḷuniḷu kiiqsiuġutaiḷḷuniḷu tavraŋŋaaglaan, qanuq sivuani pisuuruat piiŋarut.