Matthew 5:3 - Iñupiatun Mumiksat Uqalugiksuat

³ Quviasuglich tamatkua iḷisimaruat piqaqtuksrautilaamiŋnik God-im ikayuutaanik, qanuq ilaisa pigigaich God-im umialgutiŋi.

Matthew 5:3 Iomraidhean Croise

Makpiġaaŋa Job-gum 42:6

Uvvaasii kanŋugiliŋagitka uqalugipayaaqtatka isumalitqiksuŋa avyumi aġramiḷu.

Psalms 1:1

Quviasuutiqaġlich ayyaktuiruat piraksriqsuutaiññik piḷuusiqirit, maliksugaŋił̣ł̣utiglu tuvraaksriutaiññun piḷuktuat iḷḷatiŋił̣ł̣utiglu God-mik suunnaqaŋitchuanun.

Psalms 112:1

Nanġaqtauli Ataniq! Quviasugli iñuk qiksiksraqtuaq Ataniġmik, Quviagivlugich piraksriutiŋiññik kamaksriruaq.

Psalms 128:1

Quviasuglich qiksiksraqtuat Ataniġmik, maliġivlugich pitqutiŋich.

Psalms 146:5

Quviasuglich God-iŋanik Jacob ikayuqtiqaġuuruat suli tunŋavigivlugu Ataniq God-iktiŋ,

Psalms 2:12

purvigilugu Ilaa; atakkii akkupapiaq qinnałłakpiaqtuq, akkupaiññaġlu tuqulutin. Quviasuutiqaġlich iluqaġmiŋ Ilaanun annaksaqtuat navianaitchuaqsiuqhutiŋ.

Psalms 34:18

Ataniq qanittuq qapiqpaŋaliqsuanun; annautivlugich niġiukkutaipiallaktuat.

Psalms 41:1

Quviasuglich isumaaluutiqaqtuat piiḷḷiuqtuanik; Atanġum ikayuġniaġai siġġaqiliqpata.

Psalms 51:17

God-im iviġaumagigaa aitchuun, atchiksuaq iḷitqusiq; ilvich ayyagniaŋiññiġiñ atchiksuaq isumalitqiksuaġlu.

Psalms 84:12

Ataniiq Sapiġñaqtuaguruatiin, qanutun quviasuktigivat ukpiqsraqtuat iliŋnik!

Proverbs 16:19

Nakuułhaaqtuq qiñuitchuni suiḷḷiughuniḷu, arguaŋaniġmiñ piññaguni tigligaaniñ.

Proverbs 29:23

Arguaŋaniqpich kanŋunaqtuamun tikisinniaġaatin, aglaan qiñuitkuvich qiksiginiaġaatin.

Proverbs 8:32

“Tavraasii, nutaġauruasii, naalaġnisiñŋa. Kamagisiñŋa, aasii quviasugniaqtusi.

Matthew 11:25

Tavrani Jesus uqallaŋaruq, Quyyavigigikpiñ, Aapaaŋ, Atanġuruatiin qiḷaŋmun nunamullu, iriqsimaŋakapkich iḷumun ittuat pisin isumatunasugiruaniñ iḷisimanasugiruaniḷḷu, aasii satqummiqł̣ugich iñuŋnun miqłiqtutun ittuanun.

Matthew 11:6

Aasii quviasugli iñuk ukpiŋaiŋitchuaq uvamnun.

Matthew 13:16

Aglaalli quviasugitchi uvaŋa iḷitchitquratka, qanuq iḷisaqsrirusi, kaŋiqsivḷusiḷu.

Matthew 19:14

Tavra Jesus uqallaŋaruq, Miqłiqtuurat qaipkaqsigik uvamnun, suli pitquŋiññagich. Qanuq tainnaiḷiŋaruat atanniqsimagai Taavruma qiḷaŋmiittuam.

Matthew 24:46

Quviasugli taamna kivgaq atanġata qaigumi paqinniaqtaŋa tainna savaktuagulugu.

Matthew 25:34

Tavrani Umialik uqallagniaqtuq taapkunuŋa taliqpiŋmi tuŋaaniittuanun, Qaisitchi, iviġaumakkusiaqaqtuasii Aapamniñ, kiŋuvaannaktaaġisiuŋ God-im atanniqsimavia ini itqanaiyaaguruaq ilivsiññun nunaqaŋa savaagumman.

Matthew 3:2

Uqaqłuni, isumalitqigitchi, qanuq God-im atanniqsimasaaqsigai iñuich.

Matthew 8:11

Uqallautigivsi, iñugiaktuat Jew-guŋitchuat qaiñiaqtut nunapayauraniñ, aasii aquvitqataulutiŋ niġġiviŋñun piqatigilugu Abraham, Isaac-lu, Jacob-lu atanniqsimaviani Taavruma qiḷaŋmiittuam.

Mark 10:14

Aasiiḷi Jesus iḷitchuġikamiuŋ taamna, iviġaumaiñŋaruq atqunaqłuni, aasii uqallautivlugich, Miqłiqtuurat qaipkaqsigik uvamnun, suli pitquŋiññagich. Tainnaiḷiŋaruat God-im atanniqsimagai.

Luke 11:28

Tavra Jesus kiuŋagaa, Quviasułhaaġlich iñuich tusaaruat God-im uqaluŋiññik kamagivlugiḷḷu.

Luke 18:14

Tavra Jesus uqallaŋaruq, Uqallautigivsi, taamna tax-iñik katitchiri airuq nalaunŋasivḷuni God-mun igḷumiñiñ, qanuq kiñaliqaa kamanaqsiḷiqtuaq inmiñik kamanaiqsauniaqtuq, suli iñuk kamasaaŋitchuaq inmiñi kamanaqsipkaqtauniaqtuq.

Luke 22:29

Aapamali aitchuŋammaŋa atanniqsimmanmik, tainnatulli aitchuġniaġmigivsi atanniqsimmanmik,

Luke 22:30

aasii niġiñiaqtusi imiġlusiḷu niġġivimñi atanniqsimavimñi, suli aquppiḷusi umialgich aquppiutaŋiññi isivġiġḷugich qulit malġuk maŋŋuġiich Israel-guruat.

Luke 4:18

“Ilitqusiġiksuaŋan Atanġum aŋalatkaaŋa, qanuq ilaan nalunaiqsaġiŋagaaŋa alġaqsruitquvluŋa tusaayugaaġiksuanik kamasaaŋitchuanun. [quviasaaquvlugiḷḷu isumaaġutituqtuat.] Ilaan tiliŋagaaŋa quliaqtuaġitquvlugich tamatkua aŋalatittuat piḷuunmun annaurrauyumiñaġnivḷugich, suli qiñillasiḷugich ayauŋaruat, atanġiqsitautquvlugiḷḷu tamatkua nagliksaaqtitauruat piḷuun pisigivlugu.

John 20:29

Jesus uqallautiŋagaa, Ukpiliqsutin tautuanikamŋa kisianik. Quviasuglich iñuich tautuŋaitkaluaqłuŋa ukpiliqsuat.

Deuteronomy 8:2

Puiguġnagu qanuq Atanġum God-ivsi igliġutitilaavsigñik nunagluktuakkun malġukipiani (40), ukiuni qaaŋianiktuani uuktuaġusiaqaqtiłłusi siġġaqipkaqłusi, iḷitchuġisukłuni qanuq igliġniaqtilaavsigñik suli kamaksriḷguniaġmagaavsi pitquraŋiññik.

James 1:10

tainnatun suli suġalliruaq aniqan God-im kamanaiqsinmani, qanuq ukpiqtuat atirut God-mun. Suġalliruaq nautchiatun tuquliruatun piñiaqtuq.

James 1:12

Quviasugli iñuk igḷutuiruaq uuktuaġusiamik, qanuq igḷutuanikkumiuŋ uuktuaġusiaq, aitchuusiaqaġniaqtuq isuitchuamik iñuggunmik, God-im unniqsuqłiisaanik akiḷiutiginiaġnivḷugu tamatkunuŋa piviuttaġirimiñun.

James 2:5

Piviuttaġikkavsii aniqatiit, naalaġnisitchi, God-im piksraqtaaġiŋagai piiḷḷiuqtuat mattumani nunami piiḷḷiuquŋił̣ł̣ugich ukpiġunmi, kiŋuvaannaquvlugiḷḷu atanniqsimaviŋmiñi unniqsuqłiisauŋaruamik ilaan piviuttaġirimiñun.

Revelation 19:9

Tavra isaġulgum uqallautiŋagaaŋa, Aglauttuuŋ una, Quviasuglich tamatkua aiyugaaqtauruat katirrusiqinikun niqinaqivianun Imnaiyaam. Suli isaġulik uqallavsaaŋaruq, Tamatkua tamarra iḷumun ittuat uqaluŋi God-im.

Revelation 22:14

Quviasuglich iñuich tuvrairuat pitquraŋiñik, iqaġimmatun annuġaatiŋ salummaqługich, niġiyumiñaġumaut siiġñaŋiñiñ napaaqtum iñuunaqtuam, suli isiġumiñaġlutiŋ iniqpaŋmun paaqpaŋigun.

Revelation 3:17

Qanuq uqaqtusi inna, Suiḷḷiuŋitchugut uvagut. Suġallirugut uvaptiŋnik piḷḷuatautivluta. Tainna uqaqtuasii nalurusi qanutun piiḷḷiuqtuagutilaavsiññik naglignaqtilaavsiññiglu. Irrusiqaqtusiuvva iḷiappaktun annuġaagitchuatun ayauŋaruatullu.