Matthew 5:16 - Iñupiatun Mumiksat Uqalugiksuat

¹⁶ Tainnatulli qaummatitun qaummaġigitchi nakuurualiqilusi, iñuich tautukkumagaich nakuurualiqiasi aasii nanġaġlugu Aapari qiḷaŋmiittuaq.

Matthew 5:16 Iomraidhean Croise

Exodus 34:35

tautugaġigaat kiiñaŋa qaummaġiksuaq. Taalutani kiiñamiñun atitqigaġigaa uqaqatigitqiksaqamiuŋ Ataniq.

Proverbs 4:18

Apqutaat nalauŋarauruat igliġviŋat siqiñiq nuivaalluktuatun ittuq, qaummaġiksisiiññaqłuni uvluġataqtillugu.

Matthew 23:5

Iliŋich piut iluqaiññik tautuqusaaqsiññaqłutiŋ iñuŋnun. Tautuksigik qanutun aŋitigirut qauġmiutaŋich taliġmiutaŋiḷḷu kiguunnaurat imaqaqtuat Bible uqaluuraŋiññik. Qanutun niviŋaniqtutigimmiut nigraŋich akuŋiññi tautuqusaaqłutiŋ kamaginiḷugich God-im pitquraŋi.

Matthew 23:9

Suli tuqłuġnagu iñupayaaq aapavsiññik nunami, qanuq atautchimik Aapaqaqtusi, qiḷaŋmiittuamik.

Matthew 5:45

ilivsi miqłiqtuġiyumagaasi Aapavsi qiḷaŋmiittuam, qanuq siqiñini nuipkallagaa pigiitchuanullu nakuuruanullu, suli sialuguqtiłługu nalaunŋaruanun nalaunŋaŋitchuanullu.

Matthew 6:16

Suli niġiḷaitkuvsi aŋaiyyuuġlusi, qiññaqaġnasi ipiqtunaqsiḷusi ukpiŋŋuaqtuatun, qanuq ilaisa qiññaġiiḷiraġigaich kiiññatiŋ niġiḷaisilaaqtiŋ tautuquvlugu iñuŋnun. Iḷumun, uqallautigivsi, akiḷiusiaqaaniktut.

Matthew 6:9

Aŋaiyyusitchiasii inna: Aapavut qiḷaŋmiittuatiin, iñuich qiksigilisin.

Matthew 9:8

Iñusalaich tautukamirruŋ, kamatchaŋarut, aasii nanġaŋagaat God suaŋŋatiqaqtitchiḷḷaruaq tainnatchimik iñuŋnun.

Luke 11:2

Tavra Jesus uqallautiŋagai, Aŋaiyyuyumausi inna, Aapavut qiḷaŋmiittuatiin, iñuich qiksigilisin. Ilivich Atanniqsimakkich iñupayaat. Ilivich pisuutin taŋŋiqsauli nunami iluqaani qiḷaŋmi pimmatun.

John 15:8

Siiġñiqpakavsi satqummiġiksi Aapama kamanautaa. Tainna pikavsi, ukpiġnaqsigiksi iḷitchitqurautilaaqsi uvamnun.

Acts 9:36

Tavra Joppa-miinŋaruq ukpiqtuaq aġnaq atiqaqtuaq Tabitha-mik. Atqa Greek-tun Dorcas sivuniqaqtuaq tuttumik. Iluqaan piviksrani atuŋaniġaa nakuurualiqivluni ikayuqługiḷḷu iḷiappauruat.

1 Corinthians 14:25

ilaan nalunaqtuat isummatiŋi satqummiġñiaqtut ilaanun, aasii pulluni aŋaiyyuviginiaġaa God, aasii uqallausiġilugu God iḷumun akunnavsiññiinniḷugu.

2 Corinthians 9:13

Aitchuiñivsi nalupqinaiġñiaġaa iḷumun akuqtuŋatilaaŋa tusaayugaaġiksuaq Christ-kun aasii kamagivlugu. God-ttauq nanġausiaqaġniaġmiuq taavrumuuna, ilivsiḷu nauttaaŋił̣ł̣usi aitchuiñivsigun Jerusalem-miittuanun, iluqaiññullu allanun.

Galatians 1:24

Aasii pisigivluŋa ilaisa God nanġaŋagaat.

Ephesians 2:10

Aglaan God ilaa allaŋŋuqtitchiŋaruq uvaptiŋnik, atausiŋŋuqataullasivḷuta Christ-mun, iñuulluatallasitquvluta. God sivuniqaŋaniqsuq iŋiḷġaan tainna iñuuruksrauvluta.

Ephesians 5:8

Ilivsivsauq piḷuusiqiugaġuuŋagaluaqtuasii iñuummatun taaġmi, paŋmapak Atanġum iñugiliutimmasi, piḷuusiqiugaŋaiqsusi, qaummaġmi iñuuruatun. Tavraasii iñuutuiññaqtuksraurusi qaummaġmi.

1 Thessalonians 2:12

iñuutquvlusi nalliummatilusi God-im iñuusiġitqukkaŋanun, ququaŋammasi piqatautquvlusi ataniġnaqunmiñi kamanaunmiñiḷu.

1 Timothy 2:10

aglaan iḷisimanałhaaġlutiŋ savaalluatatigun nalliummatiruatigun aġnanun aŋaiyyuliqiniruanun.

1 Timothy 5:10

Suli uiḷgaŋaruaq uqausikkusiaqaġluataqtuksrauruq savaalluatamigun, iñukkuksaiḷḷuataŋaluni miqłiqtumiñik, tukkuliisuuluniḷu iglaanik aimaaġviŋmiñun, iqaġisuulugiḷḷu ukpiqtuat isigaŋich, ikayuġuulugiḷḷu iłuiḷḷiuqtuat, nakuurualiqiluniḷu qanusipayaakun.

1 Timothy 5:25

Tainnatuttauq savaalluatat nalunaiñmiut, nalunaiñŋitkaluaġumikunnii iriqsimaanikkumiñaitchut.

1 Timothy 6:18

Piraksrikkich suġalliruat nakuurualiqitqulugich nauttaaŋaiġḷugu nakuuruanik savaaqaġniq, suli anniqsraŋaiġḷutiŋ piyummatiqaqulugich, saqqiqutiqallaatqulugich piiḷḷiuqtuanun.

Titus 2:14

Tuquvluni aitchuutigiŋaruq inmiñik uvaptiŋnun atanniqsimaŋaiqsitchaqłuta iluqaanun pigiitchuamun, ilaaguaqsaqłuta ilaan iñugisukłuta, kipiġniuqtuaguut nakuurualiqisukłuta.

Titus 2:7

Iliviḷḷiasii qanusipayaatigun savaaġiksuatigun tuvraaksriiruksraurutin. Iḷisaurriguvich pimmaġiksaapiaġlutin.

Titus 3:14

Suli iñuvut iḷitchiyumaut savaaqaġuglutiŋ savaaġiksuanik, piqaqtitchiḷutiŋ piiḷḷiupiaġataqtuanik anniqsuutauŋitchuanik iñuusiqaŋitchumaut.

Titus 3:4

Tavra God-im Annaurripta salapqiqamiuŋ nakuutini piviuttaqqutiniḷu uvaptiŋnun,

Hebrews 10:24

Suli isumalaaġutigilakput qanuġluta qapiŋaisaaġutisugluta avanmun piviuttaqqutiniġmun piḷġusiġiksuanullu.

1 Peter 2:12

Nalaunŋaruakun iñuuniaġitchi akunġanni ukpiŋaitchuat, iḷaanni uqautigimaqłukkumisi killuliqiruaġuġlusi tautuksiññaġumagaich iñuulluataġnisi, aasii nanġaġlugu God Christ qaitqikpan.

1 Peter 2:9

Aglaan ilivsi iñuksraqtaaġirauŋarusi, Umialgum aŋaiyyuliqsiqpaŋi, ilaaguaqtauvlutiŋ Nation-guruat, God-im nanmiñiq iñuŋi, piksraqtaaguruat quliaqtuaġitquvlugich aliuġnaqtuat savaaŋi God-im, taavruma ququaġiruam ilivsiññik taaqtuamiñ ilaan aliuġnaqtuamun qaummaġmiñun.

1 Peter 3:1

Uiqaqtuasii, kamagisigik uisi, pisigilugich uiguruat iḷaŋich ukpiġutaitpata God-im uqaluanun, iḷaanni ukpiqtitauviaqtut ilivsi iñuulluataġnivsigun, uqautiŋiḷḷuġisiunnii,

1 Peter 3:16

Kiummaġiksaaġumagisi piġuqtiŋaiġḷusi. Nalaunŋarualiqisitchi iñuich uqautigigumisi saglutigilusi pigiitchualiqiriġuġlusi kanŋutchaksiññaġumaut iḷitchuġilutiŋ nakuurualiqiavsiññik maliġuaqługu Christ tuvraaksriutaa.

1 Peter 4:11

Kiñaliqaa alġaqsruiruaq alġaqsruutiqaqtuksrauruq God-im uqaluanik. Kiñaliqaa savaurriruaq God-mik suaŋŋasiqsuqtiqaqtuksrauruq God-mik iluqaani, God nanġaqtauyumauq Jesus Christ-kun. Christ-tuq kamanaqsipkaqtauli nanġaqtauluniḷu isuitchuamun. Amen.

1 Peter 4:14

Quviasugitchi pisaaŋŋasiaqaġuvsi pisigilugu ukpiqtuaguniqsi Christ-mun, qanuq tainna pikpasi, sivuniqaqtuq God-im Ilitqusiġiksuaŋa qaiŋatilaaŋanik iḷuvsiññun salapqiiḷḷaruaq ilaan qaumanġanik.