Matthew 5:12 - Iñupiatun Mumiksat Uqalugiksuat

¹² Quviasupiaġataġitchi, qanuq aŋiruq akiḷiusiaksraqsi qiḷaŋmi, tainnaptauq iñuich nagliksaaqtinŋammigaich uqaqtiŋi God-im sivuvsiññi iñuuŋaruat.

Matthew 5:12 Iomraidhean Croise

Genesis 15:1

Taamna pianiŋman, Abram qiñiqtuuraaŋaruq aasii tusaavlugu Ataniq uqallaktuaq, “Iqsiñak, Abram. Anniyaitkutauniaqtuŋa iliŋnun anayanniuġunmi kamanaqtuamiglu akiḷiusiaksriḷḷutin.”

1 Kings 18:13

Tusaaŋaitpich Jezebel-gum tuquġaġmagich uqaqtiŋich Atanġum iriŋaratka tallimakipiat (100) qaiġusugnun, malġuigułługich malġukipiaq quliullaavlugich (50), aasii niqiqaqtinŋaratka imiqaqtiłługiḷḷu?

1 Kings 18:4

Jezebel tuquġaimman Atanġum uqaqtiŋiñik, Obadiah-m tallimakipiaguruat (100) iriŋagaich qaiġusugnun malġuigułługich malġukipiaq qulit (50), aasii niqiqaqtinŋagaich imiqaqtiłługiḷḷu.)

1 Kings 19:2

Jezebel-gum kiligiaqtinŋagaa Elijah: “Tuqulliñŋatuq god-auruat uvaŋa innaiḷikpan uvlaaku tainnaptauq piŋitkupkiñ aŋalarrusiqtun uqaqtinun.”

1 Kings 21:20

Ahab-gum tautukkamiuŋ Elijah, uqallaktuq, “Paqilgitpiŋa, akiḷḷiiŋ?” “Aaŋ, nalauttutin,” Elijah-m kiugaa. “Iluġaaqłutin tavra savaktutin iłuaŋitchuamik Atanġum sivuġaani.

1 Kings 22:8

Ahab-gum kiugaa, “Imma suli atausivsaaq ittuq, Micaiah iġñiŋa Imlah-m. Aglaan uumigigiga qanukkii uqallautiqalaitchuq nakuuruamik uvamnun.” “Tainna uqallaktuksrauŋitchutin!” Jehoshaphat-gum kiugaa.

2 Kings 1:9

Tavraasii atanauraq piqasiqł̣ugu malġukipiaq qulinik (50) aŋuyaktinik aitquŋagaa Elijah. Atanauram paqinŋagaa aquppiruaq qimiqqami aasii uqallautivlugu, “Iñugiraatin God-im, umialgum piraksriġaatin atqaquvlutin.”

Psalms 19:11

Kiligaġigaat kivgan navianniuġnaqtuamiñ; akiḷiusiaksraq ittuq kamaksriruanun.

Psalms 58:11

Iñuich uqallakkisirut, “Iḷumutuuqtuat akiḷiusiaqapiaqtut; God-iqapiallaktuq iḷumun isivġiiruamik nunami.”

Proverbs 11:18

Pigiiḷḷiqirauruat iñuich sunnayuitchut, aglaan iluaqtuakuaġavich, nalunaitchuq akiññagniaqtutin.

Matthew 16:27

Qanuq Iġñiŋa Iñuum qaiyumaaqtuq piqatigilugich isaġuliŋni qaumanġagun Aapami, aasii tavrani akiḷiġḷugu iñupayaaq savaaŋigun.

Matthew 6:16

Suli niġiḷaitkuvsi aŋaiyyuuġlusi, qiññaqaġnasi ipiqtunaqsiḷusi ukpiŋŋuaqtuatun, qanuq ilaisa qiññaġiiḷiraġigaich kiiññatiŋ niġiḷaisilaaqtiŋ tautuquvlugu iñuŋnun. Iḷumun, uqallautigivsi, akiḷiusiaqaaniktut.

Luke 13:34

Jerusalem-miut. Yaqhii Jerusalem-miuguruasii, tuquġairuasii uqaqtiŋiñik God-im uyaġagniglu miḷḷuuqługich tamatkua God-im tiliraŋi iliŋnun. Qanutun akulaisigilugu katitchumiñaġaluaġaġigivsi iluqasi atautchimun, tiŋmiatun katitchiruatun piayaamiñik isaqquŋmi ataaŋnun, aasii tainna pitqulaitchusi.

Luke 6:23

Quviasukpagitchi taavrumani uvlumi, minŋiqtaġitchiunnii quviasuglusi, qanuq akiḷiusiaksraqsi kamanaqtuq qiḷaŋmi. Itqaumasigik tainnatuttauq maŋŋuuŋisa piyuaŋagaich uqaqtiŋi God-im.

Luke 6:35

Aglaan ilivsi piḷḷuatałhaaqtuksraurusi tamatkunaŋŋa piḷuusiqiriniñ. Tavra piviuttaġisigik uumigirisi, anniqsuġlugiḷḷu. Atukkiññigitchi paaqłiusiaksramik niġiuŋaiġḷusi, aasii akiḷiusiaqsi kamanaġniaqtuq, suli miqłiqtuġiniaġaasi sapiġñaġniqsrauruam God-im, qanuq ilaa piaqłuktaŋitchuq quyyataitchuanun unnii anniqsrauruanullu.

Acts 16:25

Tavra unnuaq qitiqqaqpalliġman Paul-lu Silas-lu aŋaiyyuŋaruk, suli nanġautinik atuqłutik God-mun, aasii tigutaaqtat naalaktuaŋagaich.

Acts 5:41

Tavra iliŋich qimautiŋarut uqaqsitaaqtitchiriniñ, quviasukłutiŋ God-im nalliummatirualiyumiñaġniġmatiŋ nagliksaaġutigiyumiñaqługu kanŋunaqtuakun Jesus.

Romans 5:3

Aasiisuli quviasugmiugut nagliksaaqaptaunnii, iḷisimavluta nagliksaaġunmun qiñuiqsaiññaqtitchumiñaqtilaaptiŋnik,

1 Corinthians 3:8

Nautchirriiruaġlu aiḷaqtiġiruaġlu atiruk, aasii inmikkullaa akiḷiusiaqaġniaqtuk savaallaamikkun.

2 Corinthians 4:17

Tamatkua iłuiḷḷiuġutivut paŋmapak suuvigruaŋitchut sivisuŋitchullu, itqanaiyaqsiññaġaatigut nakuaqsrisigitquvlugich God-im kamanaġniqsrat quviasuutiksrirrutiŋi uvaptiŋnun isuitchuamun.

Philippians 1:29

Qanuq Christ ukpiġumiñaqsigiññaŋaitkaasi inmiñun aglaallu nagliksautigipkaġumiñaqsivḷuni ilivsiññun.

Philippians 2:17

Tuqutauyumaaġaluaġumaunnii, quyaruŋa quviasuqatigigivsiḷu iluqasi. Qanuq aŋaiyyuliqsiqpaum kuvviqivlugu naimasuġnaqsiḷaaġmatun ikipkaun ikipkaiviŋmi, tainnatulli auga maqigumi iḷḷatauniaġmiuq ukpiġutivsiññun akuqtuġnaġumiñaqsiḷaaġutauluni aitchuun God-mun.

Colossians 1:24

Paŋmapak quviasuktuŋa pisigivlugu nagliksaaqtitauniġa ilivsi pisigivlusi. Nagliksaaqtitaukama Christ nagliksaaġmatun piuq. Taamna pisigivlugu quviasuktuŋa naarrusiqapkich ilaan nagliksaaġniŋi, pisigivlugich aŋaiyyuliqiruat timigikkani.

Colossians 3:24

iḷisimaugaġlusi Atanġum akiḷiġñiaġaasi kiŋuvaannaktaamik, qanuq savautigiksi Ataniq Christ.

1 Thessalonians 2:15

Jew-guruat tuqunŋagaat Ataniq Jesus, uqaqtauruallu God-mun, aasiisuli uvagut aniłłuta. Tamatkua Jew-guruat akiḷḷiḷiqsuġaich God-lu iñuiḷḷu,

Hebrews 10:34

Qanuq naglikkutiqaġuuŋarusiḷu tigutaaqtauruanun, suli sugilaitkiksi aqsaktauniq suġauttavsiññik, akuqtuqsimaaqługu suġaliqaqtilaaqsi nuŋuyumaaŋitchuanik qiḷaŋmi.

Hebrews 11:26

Ilaa nagliksaaŋaruq pimaqłuktausiaqaqłuni piqatigivlugich iñuŋi God-im, nagliksaaġmatun Christ pisigivlugu. Aasii isummatigiŋagaa nagliksaaġniq anniqsuutaułhaaqługu suġaliŋiñiñ Egypt, qanuq ilaa ukpipiaŋaruq God-mun akiḷiġñiaġnivḷuni.

Hebrews 11:33

Ukpiġutiqaqłutiŋ akimaŋarut umialgutiniñ, piŋarut nalaunŋaruanik pitqiksiġautairrunmiglu, akuqtuiŋarut God-im unniqsuqłiisiŋiñik, annaurrauŋarut lion-niñ,

Hebrews 11:6

Tavra kialiqaa ukpiġutaitchuam iviġagumiñaipiaġaa God. Qanuq kiñaliqaa qaisuktuaq God-mun ukpiqtuksraupiaqtuq God-iqaġniḷugu, suli paqitillaniḷugu tamatkunuŋa ivaqłiapiaqtuanun inmiñik.

James 1:2

Aniqatiimaaŋ, quviasupiaġitchi uuktuaqtaukavsi allakaaġiiñik uuktuaġutinik,

James 5:10

Aniqatiimaaŋ, tuvraaksraurut nagliksaaġniġmullu qiñuirrunmullu uqaqtiŋi God-im uqaŋaruat pisivlugu Ataniq.

1 Peter 4:13

Aglaan quviasuksiññaġitchi piqasiutiniḷusi Christ-mun nagliksaaġutiŋigun, taimanigu quviasupiaġataġumausi Christ niptaqpan qaumaniqaġluni.

Ruth 2:12

Atanġumtuq akiḷiusiaksriḷḷisin piŋarakkun. Atanġum God-iŋata Israel naamaruamik akiḷiusiaqaqtillisin, ullaŋagapku ilaa qaunagitquvlutin!”