Matthew 5:11 - Iñupiatun Mumiksat Uqalugiksuat

¹¹ Quviasugitchi iñuich uqamaqłuktautigaluaqpasi nagliksaaqtitkaluaqpasiḷu suli nivlialutiŋ qanusipayaanik pigiitchuanik ilivsigun saglutigilusi pisigilugu maliġuaqtauniqsi uvamnun.

Matthew 5:11 Iomraidhean Croise

Psalms 35:11

Piḷuktuat uqausiġisuugaanŋa akiḷḷiqsruqłuŋa pasivḷuŋalu savamaqłuutinik nalukkamnik.

Psalms 44:22

Aglaan ilvich pisigivlutin uvagut tuqutaugaluamiiqtugut, aŋalatchiqhuta imnaisun tuqutaksrauruatun.

Matthew 10:18

Suli pisigiluŋa qaġġirrauniaqtusi sivuġaŋiññun kavanauruat umialgiḷḷu, uqaqulusi tusaayugaaġiksuanik inmiŋnun Jew-guŋitchuanullu.

Matthew 10:22

Suli iñupayaat uumikkiutiniaġaasi pisigilugu uvaŋa pigikavsi. Aglaan iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq.

Matthew 10:25

Naamaruq iḷitchitquraq itkumi iḷisaurrimisun, suli kivgaq ataniġmisun. Taiguġuugumiñŋa Beelzebul-mik Ataniġikkavsiŋa, qanutułhaaq iliŋisa atiġiił̣haaqtuanik taiguġniaġaasi uvaŋa kivgatka.

Matthew 10:39

Iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tammaiyumiñaipiaġaa iñuggutini.

Matthew 19:29

Suli kiñaliqaa qimaiŋaruaq iglunik naagga aniqatiinik naagga aapamiñik aakamiñiglu naagga miqłiqtunik naagga nunamiñik pisigiluŋa, aitchuusiaqaġniaqtuq tallimakipiaġuġlugu, suli kiŋuvaannagluni iñuggunmik isuitchuamik.

Matthew 24:9

Tavraasii iñuich tigutaaġniaġaasi tatavsaqtautqulusi, tuqullusiḷu. Suli iñupayaat uumiginiaġaasi pisigiluŋa.

Matthew 27:39

Suli iñuich tamaunnaaqtuat niaqulavigiraġaŋagaat nivliativlugulu pisaaŋŋatinik Jesus,

Mark 13:13

Suli uumigitchiġñiaqtusi iñupayaaniñ pisigiluŋa, aasii iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq.

Mark 13:9

Aasii qaunagiyumausi ilivsiññun, qanuq aitchuutiginiaġaasi uqaqsitaaġviŋñun, suli Jew-guruat aŋaiyyuviŋiññi anaullaqtauniaqtusi, suli qaġġirrauraġaġniaqtusi sivuġaŋiññun atanaurallu umialgiḷḷu pisigiluŋa, ilivsi quliaqtuaġumiñaqsiḷusi tusaayugaaġiksuanik iliŋiññun.

Mark 4:17

Aglaan akuqtuaġiŋiññiġaat uqaluk naamasiḷugu tuniqsimmatiksraqtiŋ, nautchiaksratun maŋŋuqavigruaŋitchuatun iłłutiŋ. Tavraasii iłuiḷḷiuġutit nagliksaaqtirrusiallu, qaimmata uqaluk pisigivlugu, iliŋich tavrauvvaa nikatchaktut aasii qapiqłutiŋ.

Mark 8:35

Qanuq iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tusaayugaaġiksuaġlu, tammaiyumiñaipiaġaa iñuggutini.

Luke 21:12

Aglaan tamatkua iluqaġmiŋ sivuanni, iñuich tiguniaġaasi nagliksaaqtillusiḷu. Aitchuutiginiaġaasiḷu aŋaiyyuviŋñun tigutaaġviŋñullu, qaġġirrauraġaġniaġmiusi sivuġaannun umialgich atanaurallu pisigiluŋa.

Luke 21:17

Uumiginiaġaasi iñupayaat pisigiluŋa.

Luke 6:22

Quviasugitchi iñuich uumikkiutikpasi, pisuŋitpasiḷu uqamaqłuutilusiḷu, suli uqaġlutiŋ pigiiññiḷusi pisigilugu uvamnik maliġuaġniqsi Iġñiŋanik Iñuum.

Luke 9:24

Qanuq iñuk iñuullatuvaił̣aktuaq tammaiñiaqtuq iñuggunmiñik, aglaalli iñuk sullatuaġumiḷu atiruaq tuqqutiyumiñaġluŋaunnii, tammaiyumiñaipiaġaa iñuggutini.

John 15:21

Aglaan tamarra tamatkua piñiaġaich iluqaisa ilivsiññun uvaŋa pigikkavsi, qanuq ilaisa naluvlugu taamna tilisiruaq uvamnik.

John 9:28

Tavra ilaisa kiuŋagaat suammautivlugu, Ilivitkiuvva iḷitchitquraġiniġaatin, aglaan uvagut iḷitchitquraġigaatigut Moses.

Acts 9:16

Qanuq iḷisautiniaġiga qanutupayauraq nagliksaaqtuksrautilaaŋa pisigiluŋa.

Romans 8:36

Tamatkua nalautitchuurut iñuutchivsiŋni aglausimaruatun Bible-ni inna, “Ilivich pisigivlutin, ataramik anayanniuqtuaqtugut tuqutauniksraptigun. Isumakkusiaqaqtugut imnaisun utaqqiruatun tuqutauniksramiŋnun.”

1 Corinthians 4:10

Isumakkusiaqaqtugut isumalluaġiitchualivḷuta Christ pisigivlugu, aglaalli ilivsiññun isummatigirusi isumaturualivḷusi ukpiqtuasii. Aasiisuli uvagut suaŋaiññiraurugut ilivsiḷi isummatigipkaqtillusi suaŋarualivḷusi. Kamanaqtualiraummiusi aglaalli uvagut suuŋitchualirauvluta.

2 Corinthians 4:11

Iñuuniqtutilaaptiktun, itqanaitchugut tuquyumiñaqłuta Jesus pisigilugu. Tamauŋanun aglaan tuqutauŋaiñŋuraqpata iḷisimanaqtitkivut Jesus-mun iñuuruamun iḷuptiŋni iñuulimatilaaŋiññik tuquyumaaqtuat timivut.

Philippians 1:29

Qanuq Christ ukpiġumiñaqsigiññaŋaitkaasi inmiñun aglaallu nagliksautigipkaġumiñaqsivḷuni ilivsiññun.

1 Peter 2:23

Uqamaqłuurraukami, uqamaqłuunmik kiummatiŋaitchuq. Nagliksaaqami, sivuuġasaaqłiŋaitchuq, aglaan ukpiġiŋagaa God, isivġiiruaq nalaunŋaruakun.

1 Peter 4:14

Quviasugitchi pisaaŋŋasiaqaġuvsi pisigilugu ukpiqtuaguniqsi Christ-mun, qanuq tainna pikpasi, sivuniqaqtuq God-im Ilitqusiġiksuaŋa qaiŋatilaaŋanik iḷuvsiññun salapqiiḷḷaruaq ilaan qaumanġanik.

Revelation 2:3

Iḷisimaruŋa igḷutuirusi iłuiḷḷiuġutinik qiñuił̣ł̣usi, suli igḷutuivḷusi pisigivluŋa, aasii qapiŋaitchusisuli.