Matthew 4:9 - Iñupiatun Mumiksat Uqalugiksuat

⁹ Aasii uqallautivlugu, Iluqaiññik tamatkuniŋa aitchuġniaġikpiñ, sitquġlutin aŋaiyyuvigigumŋa.

Matthew 4:9 Iomraidhean Croise

Psalms 72:11

Umialigupayaaqtuaq punniaqtuq sivuġaanun; nunaqpaupayaaqtuat savautiniaġmigaat ilaa.

Proverbs 8:15

Suaŋŋasiqsuġitka umialgich aullarritquvlugich suli aullarrauruat pitqurriuquvlugich iluaqtuanik.

Matthew 26:15

aasii uqallakłuni, Sumik aitchuġniaqpisiŋa aitchuutigigupku Jesus ilivsiññun? Tavra akiḷiñŋagaat iñuiññaq qulitun maniŋñik.

Matthew 4:10

Tavrani Jesus uqallautiŋagaa, Aullaġiñ Satan, qanuq aglausimaruq Bible-ni inna, “Aŋaiyyuvigisaġiñ Ataniq God-in, suli kisian savautiniaġiñ.”

John 12:31

Paŋmapak isivġiqsauniksraŋa mattuma nunam iñuata tikitchuq. Paŋmapak Tuunġaq atanniqsimariŋa mattuma nunam iñuŋisa akiiḷirauniaqtuq.

John 13:3

Tavra Jesus iḷisimaŋaruq Aapamun qaisilaaŋanik iluqaan suaŋŋan inmiñun, suli iḷisimaŋammiuq qaiŋatilaamiñik God-miñ suli aullaġniaqtilaamiñik God-mun.

John 14:30

Tavraŋŋaaglaan uqaqatigipiaŋaiġñiaġivsi, qanuq Tuunġaq, atanauraŋat nunam iñuŋisa, qaigaqsiruq tigutaaqtitchukłuŋa. Suaŋŋataitkaluaqtuq payariyumiñaġluŋa.

John 16:11

Qanuqpisiiḷḷiñiaġai isivġiġvikun, qanuq Tuunġaq atanauraŋat mattuma nunam iñuŋisa isivġiqsauganiktuq.

2 Corinthians 4:4

Tamatkua ukpiliŋaitchuat kaŋiqsitchaiḷiraġai tusaayugaaġiksuamik god-iŋata mattuma nunam, Tuunġaum. Ayaupkaqtitauruatun ittut, tautuquŋił̣ł̣ugu qiḷaŋmiŋŋaqtauruaq qaumanġa Christ, God-itun ittuam.

1 Timothy 3:6

Umialiŋnaġuġniaqtuaq ukpiqtuaguqqammiqsuksrauŋiñmiuq, iḷaanni kamasaaliqpiaqtuq aasii tatavsaqtauluni Tuunġaqtun.

Revelation 19:10

Tavrani punŋaruŋa isaġulgum isigaŋiñun qiksigivlugu, aasii ilaan uqallautiŋagaaŋa, Tainna piññak. Uvaŋa kivgauqatigigiŋma suli aniqatiiviḷḷu iḷagigaanŋa kamaksriruat iḷumun ittuamik Jesus salapqikkaŋanik. Qiksigilugu nanġaġuŋ God. Qanuq iḷumun ittuam Jesus salapqikkaŋata puttuqsripkaŋammigai uqaqtiŋi God-im quliaqtuaġitquvlugu iḷumun ittuaq.

Revelation 19:16

Suli akuqturuami annuġaamiñi sivyaamiñiḷu atiqaŋaruq aglausimaruamik, Umialgat umialgich suli Atanġat atanġich.