Matthew 4:7 - Iñupiatun Mumiksat Uqalugiksuat

⁷ Jesus uqallautiŋagaa, Aglausimammiuqsuli, Uuktuġniaŋitkiñ Ataniq God-in.

Matthew 4:7 Iomraidhean Croise

Psalms 106:14

Aglaan atqunaq sutuġuksiulipiallaŋaniqsut nunagluktuamiillaġmiŋ suli God uuktuqługu;

Psalms 78:18

Pisaaġivlutiŋ God uuktuŋammigaat niqiksritquuqłutiŋ niġisuktamignik.

Psalms 78:41

Qavsiiqsuaqługu uuktuġaġigaat God qinnaguksaaqługu Salumaruaq God-iŋat Israel.

Psalms 78:56

Aglaan tavra paaqłagaġniġaat Qutchigñiqtauruaq God aasii uuktuqługu. Kamaksriḷaiñŋaniqsut piraksriutiŋiñik,

Psalms 95:9

Taikani kiŋuniivsi uuktuŋagaanŋa, qiñiŋagaluaqłutigluuvvaa savaamnik.

Exodus 17:2

Uqaviḷuutiŋagaat Moses uqaqhutiŋ, “Imiksritchigut.” Moses kiugai, “Summan uvva uqaviḷukpisi? Summan Ataniq uuktuqpisiuŋ?”

Exodus 17:7

Ini atchiŋagaat Massah-miglu Meribah-miglu, qanukkii Israel-gum kiŋuvaaŋich uqaviḷuŋarut suli uuktuqługu Ataniq apiqsrikamiŋ, “Atanġum imña itqatigivatigut naakka itqatigiŋitpatigut?”

Numbers 14:22

nalliŋich unnii taapkua iñuich iñuuniaŋitchut isiġuminaġlutiŋ taamaptumuŋa nunamun. Qiñiŋagaluaqługu qaumaniŋa nayuqtauniġma aliuġnaqtuallu savaatka Egypt-mi suli nunagluktuami, aglaan uuktuġaat qiñuirrutiga qulitun suli kamagisuŋił̣ł̣uŋa.

Matthew 21:16

Tavra ilaisa uqallautiŋagaat Jesus, Tusaavigich makua qanuq uqaqtilaaŋat? Jesus uqallautiŋagai, Aaŋ. Taiguaŋaitpisi qaŋaunnii Bible-ni uqalugnik inna, “Miqłiqtut nanġaipkaŋagitin nanġautilluatamik.”

Matthew 21:42

Jesus uqallautiŋagai, Qaŋaunnii taiguaġiŋaitpisiuŋ Bible uqaluŋiññi? “Kaŋiġalluŋmi uyaġagruaq, piitchuiññiqsrapiaq igluqpiruni, taamna igluqpirit iginŋagaat. Taamna piŋaruq nalaupiaqługu Atanġum sivunniuġutaa. Qanutun aliuġnaqtigirut ilaan piraŋi.”

Matthew 4:10

Tavrani Jesus uqallautiŋagaa, Aullaġiñ Satan, qanuq aglausimaruq Bible-ni inna, “Aŋaiyyuvigisaġiñ Ataniq God-in, suli kisian savautiniaġiñ.”

Matthew 4:4

Ilaan kiuŋagaa, Aglausimaruq Bible-ni inna, Iñuk iñuuniaŋitchuq niqikun kisiagun, aglaallu ukpiġilugich God-im uqalupayauraŋi.

Luke 4:12

Tavra Jesus kiuŋagaa, Uqallautauŋaruq Bible-ni, Uuktuġniaŋitkiñ Ataniq God-in.

Acts 15:10

Paŋmapak aasii summan uuktuġniaqpisiuŋ God, Jew-guŋitchuat kamaksripkaġniaġlugich pitquranik nallivsaunnii maŋŋuuptali uvagullu kamagilluatapialaisaptiŋnik?

Acts 5:9

Tavra Peter uqallaŋaruq ilaanun, Qanuqimña atisivḷutik atunim uuktuqpitku Ilitqusiġiksuaŋa Atanġum. Naalaġniiñ, sukpaluat qaŋma isigaŋisa iḷuvviuqtuat uigñik, paamuktut, aasii annisiniaġmigaatin tainnatun.

1 Corinthians 10:9

Uvagut uuktugaksraġiŋitkikput Atanġum qimmaksaliyairrutaa taipkua iḷaŋisa piḷġusiatitun, suksraunġiqsauruat tuqunaliŋnun nimiġianun kiŋmaqtiłługich.

Deuteronomy 6:16

“Uuktuġniaġnagu Ataniq God-iksi, piḷġusiġiŋaravsiksun Massah-mi.

Hebrews 3:9

Aapavsi uuktupiaġataŋagaanŋa qiñiġaluaŋŋaisaunnii kamanaqtuat savaatka malġukipiani ukiuni.