Matthew 4:4 - Iñupiatun Mumiksat Uqalugiksuat

⁴ Ilaan kiuŋagaa, Aglausimaruq Bible-ni inna, Iñuk iñuuniaŋitchuq niqikun kisiagun, aglaallu ukpiġilugich God-im uqalupayauraŋi.

Matthew 4:4 Iomraidhean Croise

Exodus 16:15

Israel-gum kiŋuvaaŋich tautukkamirruŋ, naluŋarut suutilaaŋanik suli apiqsruqtautivlutiŋ, “Suna manna?” Moses-gum uqallautigai, “Tamarra niqi Atanġum qaitchaŋa ilivsiññun niġitquvlugu.

Exodus 16:35

Israel-gum kiŋuvaaŋich niqiqaŋarut maana-mik malġukipiani (40) ukiuni, tikiḷġataqługu nuna Canaan, tavrani aasii inillakłutiŋ.

Exodus 16:8

Tavraasii Moses uqallaktuq, “Atanġum niqipiaksriññiaġaasi niqiksravsiññik anaqami, aasii iḷaŋaniñ punniġnik uvlaami, atakkii tusaaŋagai uqaviḷuutisi akiḷḷiqsruqługu ilaa. Uqaviḷuutikavsiguk, tavra uqaviḷuutigiksi ilaa akiḷḷiqsruqługu Ataniq.”

Exodus 23:15

Tatqiŋani Abib, tatqimi aullaġvivsiññi Egypt-miñ, quviasugvigilugu Niqinaqiniq Puvlaksautaitchuamik Punniġmik piraksriusiptun ilivsiññun. Niġiñasi punniġmik imaksraligaamik taapkunani tallimat malġugni uvluni. Qaiñasi nanġaġiaġluŋa qaġġirrigaluaġnasi aitchuunmik.

Matthew 15:11

Taavruma qaniġmuktuam niġiruatun piḷuksipkalaitkaa iñuk, aglaan taavruma aniruam qaniġmiñ, uqaluum piḷuksipkaġumiñaġaa iñuk.

Matthew 4:10

Tavrani Jesus uqallautiŋagaa, Aullaġiñ Satan, qanuq aglausimaruq Bible-ni inna, “Aŋaiyyuvigisaġiñ Ataniq God-in, suli kisian savautiniaġiñ.”

Matthew 4:7

Jesus uqallautiŋagaa, Aglausimammiuqsuli, Uuktuġniaŋitkiñ Ataniq God-in.

Mark 7:20

Suli uqallavsaaŋaruq, Sum aniruam iñuŋmiñ, pigiitchuakun uqaluan piḷġusiġiitchuavlu, piḷuksipkaġaa,

Luke 4:12

Tavra Jesus kiuŋagaa, Uqallautauŋaruq Bible-ni, Uuktuġniaŋitkiñ Ataniq God-in.

Luke 4:4

Jesus kiuŋagaa, Aglausimaruq Bible-ni, Iñuk iñuuniaŋitchuq niqikun kisiagun, [aglaallu ukpiġilugich uqalupayaaŋi God-im.]

Luke 4:8

Tavra Jesus kiuŋagaa, [Aullaġiñ Satan.] Aglausimaruq Bible-ni inna, Aŋaiyyuvigisaġiñ Ataniq God-in, suli kisian savautilugu.

John 15:26

Aglaan Ikayuqti qaikpan, uvaŋa tiliñiakkaġa ilivsiññun Aapamiñ, taamna Ilitqusia iḷumun ittuam qairuaq Aapamiñ, ilaa iḷitchuġipkaiñiaqtuq uvapkun.

John 6:63

Ilitqusiq aitchuiruq iñuggunmik, timi aitchuiḷaitchuq iñuggunmik. Uqaluich uqautigiŋaratka ilivsiññun sivuniqaqtut ilitqusivsiññun aasii aitchuivḷutiŋ iñuggunmik.

Romans 15:4

Iluqaġmiŋ aglausimaruat Bible-ni iŋiḷġaan, aglaagurut iḷisautisaqłuta qiñuirrunmik qapiŋaisaaqłutalu, niġiuquvluta iñuggunmik isuitchuamik.

Ephesians 6:17

Aŋuyaktisuli aŋuyaunnamun nasauttamiñun niaqquaqtaiḷimmatun, tainnatulli annaurraunivsi pitchaiḷigaasi pigiitchuamun. Suli God-im uqaluŋi Ilitqusiġiksuam qaisaŋi ilivsiññun savikpagimmatun illugich.

Deuteronomy 8:3

Kaaksiupkaqłusi, qiñuiquvlusi, taimmaasii maana-mik aitchuġmivlusi niqiksravsigñik, niqimik ilivsi maŋŋuuvsiḷu qaŋaunnii niġiŋaisavsigñik. Ilaan taamna nalautinŋagaa iḷisautisukłusi inna, iñuk iñuuniaŋitchuq niqikun kisiagun, aglaallu ukpiġilugich Atanġum uqalupayauraŋi.