Biblia Todo Logo
Bìoball air-loidhne

- Sanasan -




Matthew 4:23 - Iñupiatun Mumiksat Uqalugiksuat

23 Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Faic an caibideil Dèan lethbhreac




Matthew 4:23
46 Iomraidhean Croise  

Suliqutigiŋaiġuugaich iluqaisa piḷuutitka suli iluaqsivḷugich iluqaisa naŋirrutipayaatka.


Uummatimigni uqaŋarut suksraunġiġḷavut tamatkiġḷugich; Nanġaiviuruat nunami God-mun ikipkaŋaniġaich iluqaisa.


Ayauŋaruat tautullasirut, tusiattuallu pisuaqtut, kiḷḷiġruaqtuqtuat mamititaurut, tusiḷḷaqtuatsuli tusaallasirut, tuquŋaruallu aŋipkaqtaurut, suli piqaqtuksrauruat tusaayugaaġiksuanik alġaqsruusiaqaqtut.


Jesus tavraŋŋa aullaŋaruq, aasii isiqłuni aŋaiyyuviannun.


Iñuich tusaaruat uqaluanik God-im atanniqsimmataata aglaan kaŋiqsiŋił̣ł̣ugu, nautchiaksratun ittut kataktuatun apqutinun. Tuunġaum qaivḷuni piiguipkaġai tusaakkaŋannik.


Aasii tikiññami ilaan nunamiñun, iḷisautiŋagai iñuich aŋaiyyuvianni. Iñuich aliuġutchaŋarut, aasii uqallakłutiŋ, Sumiñ uvvauna iñuk piññakpa inna isumattunmik makkuniŋalu aliuġnaqtuanik savaanik?


Tavra tulagniallaġmiŋ ilaan tautuŋagai iñusalaich, aasii nagliksratchaŋaruq ilaiññik, aasii iłuaqsiŋagai naŋittuaŋich.


Aasii manna tusaayugaaġiksuaq God-im atanniqsimmataa iñuŋnun alġaqsruutauniaqtuq iluqaani nunapayaami, quliaqtuaguluni nunapayaanun, aasii tavrani nunam isua tikiññiaqtuq.


Uqaqłuni, isumalitqigitchi, qanuq God-im atanniqsimasaaqsigai iñuich.


Tavra Jesus kukiḷuŋaruq iluqaiññi iniqpaŋni nunaaqqiuraniḷu, iḷisaurrivḷuni aŋaiyyuviŋiññi, alġaqsruivḷuniḷu tusaayugaaġiksuaŋiñik God-im atanniqsimmataata iñuŋnun, iłuaqsivḷugiḷḷu naŋirrutipayaat suaŋairrutipayaallu.


Tavra John tigutaaqtauganiŋman, Jesus Galilee-muŋaruq alġaqsruivḷuni tusaayugaaġiksuanik God-miñ,


Tavra Capernaum-muŋarut. Aasii tavrauvva Jew-guruat Savairvianni, Jesus aŋaiyyuliaŋaruq, aasii iḷisaurrivḷuni.


Tavra alġaqsruiŋaruq aŋaiyyuviŋiññi iluqaani Galilee-mi, anittaqługiḷḷu ilitqusiqł̣uich iñuŋniñ.


Ilaan iluaqsiŋagai iñugiaktuat iñuich, aasii taamna pisigivlugu iluqaġmiŋ naŋittuat saqiraqłiŋarut tikiutiniatakłutiŋ ilaanun aksiḷḷasiñiatakługu.


Tavra Jew-guruat Savaiññiŋat tikiñman, iḷisaurrirraqsiŋaruq aŋaiyyuviŋmi. Tavra iñugiaktuat tusaavlugu kamasuŋarut, uqaqłutiŋ, Sumiñ una iḷisimmatinikpa? Qanuqłuni isumattutinikpa? Qanuqłuni suli aliuġnaqtuanik piva?


Pisigivlugu ilaisa arguasuutaat, Jesus aliuŋaruq. Aasii Jesus kukiḷuŋaruq nunaaqqiñi iḷisaurrivḷuni.


Iłuaqsiḷugich naŋittuat taavrumani nunaaqqimi, suli uqallautilugich, God-im atanniqsimmataata qallipiaġataġaasi.


Tavra iḷaŋanni Jew-guruat savaiññiŋata Jesus iḷisaurriŋaruq aŋaiyyuviŋmi.


John Paptaiqsim alġaqsruisaġniŋanun aglaan, Moses aglaaŋi uqaqtiŋisalu God-im uqaluŋich aŋalatigiŋagisi. Aglaan John aullaqisaaŋagai tusaayugaaġiksuat God-im atanniqsimmataagun qaigaqsiruakun. Aasii paŋmapak piyumalaaqtuat iñusalaich siġġaqiŋarut God-mun atanniqsimatquvlutiŋ.


Uvlut iḷaŋanni, Jesus iḷisaurripkaqtillugu iñuŋnik aŋaiyyuvikpaŋmi suli alġaqsruivḷuni tusaayugaaġiksuamik, aŋaiyyuliqsiqpaich iḷisaurriḷḷu pitquranik, piqatigivlugich Jew-guruat umialiŋnaŋich ullaŋagaat Jesus.


Tavra Jesus aŋalałługu Ilitqusiġiksuam Galilee-mun utiŋaruq aasii quliaqtuaġiŋagaat nunaaqqipayaanun sumulliqaa.


Tavra tamatkua uvlut iḷaŋanni, Jesus iḷisaurripkaqtillugu, iḷaŋich Pharisees-lu iḷisaurriḷḷu pitquranik aquppiŋarut saniġaani, qaiŋaruat nunaaqqipayaaŋiñiñ Galilee-m Judea-vlu, Jerusalem-miḷḷu, tavra Atanġum God-im suaŋŋasiŋagaa Jesus iłuaqsiyumiñaqsivḷugich naŋittuat.


Tavra Jesus atqaqatigiŋagai iḷitchitqurani qimialuŋmiñ, aasii makiłłuni qaiqsuami nunami piqatigivlugich iñusalaich iḷitchitquraliutiruat inmiñun. Allallu iñugiapiaġataqtuat iñuich qairuat iluqaaniñ Judea-miñ Jerusalem-miḷḷu taġium siñaaġmiullu Tyre-miñ Sidon-miḷḷu.


Allamisuli Jew-guruat savairvianni, Jesus isiġman aŋaiyyuviŋmun suli iḷisaurrivḷuni, iñuk tavraniinŋammiñiqsuq taliqpia argakisuuraq.


Taavrumani ikarraġmi Jesus iłuaqsiŋagai iñugiaktuat naŋirrutiniñ, suaqłiuġutiniḷḷu, ilitqusiqł̣uŋniḷḷu, suli iñugiaktuat ayauŋaruat qiñillasipkaŋagai.


Tavra ilaan uqallautiŋagik John iḷitchitqurak, Aullaġlutik quliaqtuaġutiyaqtuatku John sunik tautukkaptiŋnik tusaaŋaraptiŋniglu, ayauŋaruat qiñillasirut, tusiattuat pisuallasirut, kiḷḷiġruaqtuqtuat mamittut, suli tusaalaitchuat tusaallasirut, tuquruat aŋipkaqtaummiut, piqaqtuksrauruat tusaayugaaġiksuaq alġaqsruusiaġigaat.


Taavruma aquuraŋagun Jesus kukiḷuŋaruq iniqpaktigun nunaaqqiuratigullu, alġaqsruivḷuni tusaayugaaġiksuanik God-im atanniqsimmataagun iñuŋnun. Suli qulit malġuk kukiḷuqatigiŋagaat.


Iñusalaich iḷitchuġikamirruŋ Jesus maliŋagaat. Aasiivsauq ilaan paġlaŋagai suli uqautivlugich God-im atanniqsimmataanik iñuŋnun, iłuaqsivḷugiḷḷu tamatkua iłuaqsiraksrauruat.


Tavra Jesus kiuŋagaa, Tamatkua tuquŋaruatun ittuat iḷuvviuġlich tuquŋaruanik. Aglaalli ilivich, aullaġlutin quliaqtuaġiyaqtuġuŋ God-im atanniqsimmataa iñuŋnun.


Jesus kiuŋagaa, Uqaŋaruŋa iñuŋnun salapqiruakun, ataramik iḷisaurrisuuruŋa aŋaiyyuviŋiññiḷu aŋaiyyuvikpaŋmiḷu, iluqaġmiŋ Jew-guruat katirvikaaŋannun. Uqaŋaitchuŋa sumik nalunautchiḷuŋa.


Taapkua Jesus uqalugiŋagai Jew-guruat aŋaiyyuvianni, iḷisaurriḷḷaġmi Capernaum-mi.


Taavruma aquagun Jesus kukiḷuŋaruq Galilee-mi. Kukiḷuguŋiñŋaruq Judea-mi, qanuq Jew-guruat tuqurviksraqsiuŋagaat.


Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.


Tavra Paul uqaaġaqtuq Jew-guruat aŋaiyyuvianni Savaiññipayaani, ukpiliqsinniaqługich Jew-guruallu Greek-giḷḷu.


Aasii kukiḷuŋaruŋa akunnavsiññi alġaqsruutigivlugu God-im atanniqsimmataa iñuŋnun. Paŋmapak uvva iḷisimaruŋa iluqasi taututqigñiaŋitkivsiŋa.


alġaqsruutigivlugu God-im atanniqsimmataa iñuŋnun, iḷisautivlugiḷḷu Ataniġmik Jesus Christ-mik, uqaqłuni taluqsrautaił̣ł̣uni pitchaiḷiraił̣ł̣uniḷu.


Alġaqsruirit alġaqsruiyumiñaiñmiut tilirauŋisuaġumiŋ. Alġaqsruiritigun uqaluk aglausimaruq Bible-ni inna, “Qanutun aliuġnaqtigiruq alġaqsruirit kukiḷuŋniŋat alġaqsruutigivlugu tusaayugaaġiksuaq.”


Lean sinn:

Sanasan


Sanasan