Matthew 4:2 - Iñupiatun Mumiksat Uqalugiksuat

² Aasii ilaa niġiḷaiñŋaruq aŋaiyyuuġukłuni malġukipiani uvluni unnuaniḷu, aasii aquvatigun kaaliŋaruq.

Matthew 4:2 Iomraidhean Croise

1 Kings 19:8

Elijah makiłłuni, niġiruq imiqłuniḷu, niġiraŋisa sayaqaqtitkaat pisuaġman malġukipiani (40) uvluni Sinai-mun, ilaaguaqtauŋaruamun iġġianun God-im.

Exodus 24:18

Moses-gum mayuŋagaa iġġiq nuviyam iḷuanun. Tavrani inŋaniqsuq malġukipiani (40) uvluni suli unnuani.

Exodus 34:28

Moses-gum itqatigiŋagaa Ataniq malġukipiani (40) uvluni suli unnuani, niġiŋaiḷaqhuni imiġaluaġnaniḷu. Agliutiŋagai uqaluŋich sivunniuġutim—Quliuruat Piraksriutiŋich.

Matthew 21:18

Tavra uvlaami, utiqsaġniallaġmiŋ iniqpaŋmun, Jesus kaaliŋaruq.

Matthew 25:35

Qanuq kaaktuaguŋaruŋa aasii niqiksriñŋagivsiŋa. Imiġuksiuŋaruŋa aasii imiksriñŋagivsiŋa. Iglaaguŋammiuŋa aasii paġlaŋagivsiŋa aimaaġvivsiññun.

Matthew 25:42

Qanuq kaaktuaguŋaruŋa aasii aitchuŋaitkivsiŋa niqimik, Imiġuksiuŋammiuŋa aasii aitchuŋaitkivsiŋa imiksramnik.

Mark 11:12

Tavra uvlaakumman, qaikamiŋ Bethany-miñ, Jesus kaaliŋaruq.

Luke 4:2

nunagluktuamun. Tavrani ikł̣igutchaktinniaŋagaa tuunġaum malġukipiani uvluni. Aasii taapkunani uvluni, niġiŋaitchuq sumikunnii. Aasii isukłiñmata, Jesus kaaliŋaruq.

John 4:6

Jacob nivviaŋa tavraniinŋaruq, aasii Jesus piḷaiqł̣uni iglauvlutiŋ aquptaaŋaruq saniġaanun nivviam, uvluq qitiqqaqpalliŋman.

Deuteronomy 18:18

Uvaŋa tiliriñiaqtuŋa God-im uqaqtaanik iliktun ittuamik akunġanniñ iñuŋisa; uqaluksriñiaġiga, uqautiniaġaich iñuich piraksriutipayauramnik.

Deuteronomy 9:18

Taimmasuliasii palluummiaqsiḷgił̣ł̣uŋa Atanġum sivuġaani malġukipiani (40) uvluni unnuaqtuummaisa tainna niġiŋaiḷaqłuŋa imiġaluaġnaŋaunnii. Tainna piŋaruŋa atakkii piḷuksiḷgitchusi paaqłakługu Ataniq qinnaivḷuguasii.

Deuteronomy 9:25

“Tavra palluŋaataŋaruŋa Atanġum sivuġaani malġukipiani (40) uvluni unnuaqtuummaisa, iḷisimavluŋa suksraaġumaallipiaŋatilaavsigñik.

Deuteronomy 9:9

Iġġimun mayuŋaruŋa akuqtuġiaqługik uyaqqak aglaŋaruak sivunniuġutauruanik Atanġum ilaata savaaġiŋaraŋiññik piqatigivlusi. Tavraniinŋaruŋa malġukipiani (40) uvluni unnuaqtuummaisa niġigaluaġnaŋa imiġaluaġnaŋaunnii.