Matthew 4:11 - Iñupiatun Mumiksat Uqalugiksuat

¹¹ Tavra Tuunġaum qimaŋagaa, aasii isaġulgich qaivḷutiŋ ikayuŋagaat Jesus.

Matthew 4:11 Iomraidhean Croise

1 Kings 19:6

Qiviaqami tautukkaa argiŋaraaq punniq aluat qaaŋanni suli misuġuqtuunmi imiq niaquġmi qaniŋani. Niġiqqaaqhuni imiqhuniḷu, nallatqigñiqsuq.

Matthew 26:53

Isumavich ikayuqtaiḷiqiyumiñaiññasugaluŋa Aapamnun, aasii ilaa tavrauvvaa tilisiḷuni uvamnun qulit malġugnik 6,000-gullaaruanik isaġulignik.

Matthew 4:6

aasii uqallautivlugu, Iġñiġipiaqpatin God-im, nautkiaġiñ, qanuq aglausimaruq Bible-ni inna, “Ilaan tiliñiaġai isaġuliŋni munaġitqulutin, aasii qaunaginiaġaatin piyaqququŋiḷḷutin.”

Mark 1:13

Tavra Jesus nunagluktuamiinŋaruq malġukipiani uvluni. Aasii Satan-gum ikł̣igutchaktinniaŋagaa. Iqsiñaqtuat niġrutit tavraniinŋammiut, aasii isaġulgich qaivḷutiŋ ikayuŋagaat Jesus.

Luke 22:43

Tavra tavrani isaġulik qiḷaŋmiñ niptaŋaruq ilaanun aasii suaŋŋasiqł̣ugu.

Luke 22:53

Nayuqtigiraġikavsi uvlumiñ uvlumun aŋaiyyuvikpaŋmi tigulaitkivsiŋa. Aglaan piviksraqsi nalautittuq, taavrumalu suaŋŋataata taaqtuam.

Luke 4:13

Tavra Tuunġaum aġiuganikkamigich iluqaisa ikł̣igutchaktinniutit, ilaa qimautiŋaruq ilaaniñ nalautitchiaġisaqługu uuktuatqigviksrani.

John 14:30

Tavraŋŋaaglaan uqaqatigipiaŋaiġñiaġivsi, qanuq Tuunġaq, atanauraŋat nunam iñuŋisa, qaigaqsiruq tigutaaqtitchukłuŋa. Suaŋŋataitkaluaqtuq payariyumiñaġluŋa.

1 Timothy 3:16

Kialiqaa piiḷaaġiyumiñaitkaa qanutun kamanaġniŋa kaŋiqsiñaiñŋaruam ukpiġikkapta. Christ qiñiġnaqsiŋaruq timiqaqłuni iñuktun, iḷumun inniŋagaa Ilitqusiġiksuam, tautuŋagaat isaġulgich. Ilaa alġaqsruutauŋaruq akunġanni nunauruat, ukpiġiŋagaat iñuich, mayuurrauŋaruq qiḷaŋmun.

Hebrews 1:14

Isaġulgich suuvat? Isaġulgich iluqaġmiŋ savaurriruagugiññaqtut ilitqusiuvlutiŋ tilirauruat savaurritquvlugich annaurrauniaqtuanik.

Hebrews 1:6

Aasiisuli, God-im tilimmagu nunamun Iġñitualuni qaukłiuruaq, uqallaŋaruq, “Iluqaġmiŋ isaġuliŋma nanġaġlirruŋ.”