Matthew 4:10 - Iñupiatun Mumiksat Uqalugiksuat

¹⁰ Tavrani Jesus uqallautiŋagaa, Aullaġiñ Satan, qanuq aglausimaruq Bible-ni inna, “Aŋaiyyuvigisaġiñ Ataniq God-in, suli kisian savautiniaġiñ.”

Matthew 4:10 Iomraidhean Croise

Makpiġaaŋa Job-gum 1:12

“Ki,” Ataniq uqallaktuq paaqłaktuqtimun, “supayaat pigikkaŋich aŋalataġiyumiñaġitin, aglaan aksigñiaġnagu Job.” Tavra paaqłaktuqti aullaŋaruq.

Makpiġaaŋa Job-gum 1:6

Tavra uvluq tikiñman qiḷagmiŋŋaqtat niptaġviksraŋat sivuġaanun Atanġum, paaqłaktuqti iḷagimammigaat.

Makpiġaaŋa Job-gum 2:1

Tavra uvluq tikiñman qilaġmiŋŋaqtat niptaġviksraŋat sivuġaanun Atanġum, paaqłaktuqti iḷagimammigaat.

Psalms 109:6

Iñugmik pigiitchualiqirauruamik akiḷḷiqsruqtiliġli, patchisiksraqsiuqti qikaġli taliqpiata argaŋani.

Exodus 23:25

Nanġaġuvsiñŋa uvaŋa Ataniq God-iksi quviasaaġutiksriññiaġivsi niqinik imiġmiglu suli naŋirrutisi piiġḷugich.

Matthew 16:23

Tavra Jesus qiviaqługu Peter uqallautiŋagaa, Satan, piiġiñ uvamniñ. Piñaiḷutaurutin uvamnun, qanuq isumaŋitchutin God-im isummasianik aglaan iñuich isumaŋannik.

Mark 1:13

Tavra Jesus nunagluktuamiinŋaruq malġukipiani uvluni. Aasii Satan-gum ikł̣igutchaktinniaŋagaa. Iqsiñaqtuat niġrutit tavraniinŋammiut, aasii isaġulgich qaivḷutiŋ ikayuŋagaat Jesus.

Luke 10:18

Tavra Jesus uqallautiŋagai, Tautuŋagiga Satan kataktuaq igniġuuqpatittuatun qiḷaŋmiñ.

Luke 11:18

Tainnatuttauq Satan ilitqusiqł̣uŋi atinġiġumiŋ piyuutilutiŋ avanmun, Satan suaŋŋataa isukłiññayaqtuq. Ilivsi uqaqtusi anittaiñivḷuŋa ilitqusiqł̣uŋnik suaŋŋataagun Beelzebul.

Luke 13:16

Aasiiḷivsauq una aġnaq, Abraham kiŋuniŋa, Satan-gum nagliksaaqtinŋaraŋa 18 ukiuni, atanġiqsitaksrauŋitpa nagliksaaqtitauniŋaniñ savaitchuani?

Luke 22:3

Tavra Satan isiŋaruq Judas-mun taggisiqaqtuamun Iscariot-mik, iḷauruaq qulit malġuŋnun iḷitchitquranun.

Luke 22:31

Simon, Simon, naalaġniiñ. Satan uuktuaġumiñaqsiŋagaasi iluqasi, nunaliqiritun palauvaksranik amiġaiyairuatun.

Luke 4:8

Tavra Jesus kiuŋagaa, [Aullaġiñ Satan.] Aglausimaruq Bible-ni inna, Aŋaiyyuvigisaġiñ Ataniq God-in, suli kisian savautilugu.

John 13:27

Tavra Jesus qaisaniŋmagu punniviñauraq Judas-mun, Satan isiŋaruq ilaanun. Jesus uqallautiŋagaa, Piyumakkan piuŋ qilamik.

Acts 26:18

Tavra iḷisautiniaġitin tusaayugaaġiksuanik mumikkumiñaqsiḷugich taaqtuamiñ qaummaġiksuamun, aŋalatinŋaiġḷutiŋ Satan-mun aglaan God-mun, ukpiliġḷutiŋ piḷuutitiŋ suliqutigiŋaiqsautqulugich, suli iḷaliutiyumiñaqsiḷutiŋ God-im iñuksraqtaaŋiñun.

Acts 5:3

Tavra Peter-m uqallautiŋagaa, Ananias, summan Satan-mun aŋalatitpich saglutquvlutin Ilitqusiġiksuamun, tutquqtaqaquvlutin iḷaŋanik akiata nunam?

1 Corinthians 5:5

aitchuutigiraksraġigiksi taamna aŋun Satan-mun naŋiliġumauq timimiñi aasii tuquluni, ilitqusia annaurrauyumauq Ataniqput Jesus Christ qaitqikpan.

1 Corinthians 7:5

Pisuŋirrutinatik avanmun aglaan sivunniullaŋaguptik qanutun killiksriġḷutik aŋaiyyuuqtuallagniksraptiŋnun. Aglaan atautchimuvsaaġumautik, iḷaanni Satan-gum ikł̣igutchaktinniaqpiaġaatik pisigilugu aŋalalluatalguiññiqtik ilivsiŋñun.

2 Corinthians 11:14

Aasii aliuġnaitchuq, qanuq Satan unnii isaġulgatun qaummaum iḷiŋŋuaġuuruq.

2 Corinthians 12:7

Suli pitchaiḷisaqłuŋa kamasaaqpaił̣ł̣aunmiñ iñugiaktuatigun qiñiqtuuraatigun, aitchuusiaqaŋaruŋa iłuiḷḷiuġunmik, kapuaġutitun ittuamik timimni. Iḷaŋat Satan kivgaŋisa tilirauŋaruq iłuiḷḷiġaqsaatquvluŋa kamasaaqpaitquŋił̣ł̣uŋa.

2 Corinthians 2:11

Pitchaiḷisaqługu Tuunġaq atiqaqtuaq Satan-mik akimmatiksraŋaniñ uvaptiŋniñ, qanuq naluŋiñmigivut ilaan piraġausiŋi.

Deuteronomy 10:20

Qutchiksuaġisaġiksi Ataniq God-iksi kisian nanġaaġilugu. Iḷumutuuġvigilugu unniqsuqłiutiqaġlusi ilaan kisian atqagun.

James 4:7

Aŋalallisi God-im. Akiḷḷiḷiqsuqsiuŋ Tuunġaq aasii pigruġniaqtuq ilivsiññiñ.

1 Peter 5:9

Akiḷḷiḷiqsuqsiuŋ ukpiġutiqaqtuiññaġlusi suaŋaruamik, qanuq iḷisimarusi ukpiqtuaguqatisi nunami iluqaani nagliksaaġmiuttauq ilivsisun.

1 Samuel 7:3

Samuel-gum uqallautigaich Israel-miuguruat, “Saanniaġuvsiuŋ Ataniq iluqaan uummativsiññi, igittuksraġigisi iluqaisa allaniŋŋaqtat god-iliat arriqaqtuat aġnam god-im Astarte-gum. Qaiḷḷusi iluqaaġlusi Ataniġmun suli kisian aŋaiyyuvigilugu, aasii ilaan annautiniaġaasi suaŋŋataaniñ Philistia-ġmiut.”