Matthew 3:9 - Iñupiatun Mumiksat Uqalugiksuat

⁹ Suli isumasaġnasi pillugniaġasugalugu God-im tatavsautaa pisigilugu Abraham-mun kiŋuniġiniḷusi. Qanuq uqallautigivsi, God miqłiqtuliḷḷaruq Abraham-mun makkunaŋŋa uyaġagniñ.

Matthew 3:9 Iomraidhean Croise

Mark 7:21

qanuq qamaŋŋamiñ iñuum isumaqaġvianiñ salapqiġaqtut piḷuktuat isumat, tigligaġniġich, iñuaġniġich,

Luke 12:17

Aasii isumaŋaruq, Sulaŋatuġuvaŋa, qanuq uvva tutquqsiviksraitkaqsiruŋa sumun nauriamnik.

Luke 16:24

Tavra ilaa ququulaŋaruq, Aapauruatiin Abraham, nagligiŋŋa. Tilliuŋ Lazarus misullagiaqulugu argani imiġmun aasii niglaqtaaġlugu qaniġa, qanuq uvva iłuiḷḷiuqpaktuŋa uumani igniġmi.

Luke 19:40

Ilaan kiuŋagai, Uqallautigivsi, ukua nipaiġaluaqpata, uyaġaich nipaallakkumiñaqtut.

Luke 3:8

Iñuusitchi nalunaiġḷugu isumalitqiksilaaqsi piḷuutivsiññiñ. Suli isumasaġnasi pillugniaġasugalugu God-im tatavsautaa pisigilugu Abraham-mun kiŋuniġiniḷusi. Qanuq uqallautigivsi, God miqłiqtuliḷḷaruq Abraham-mun makkunaŋŋa uyaġagniñ.

Luke 5:22

Tavra Jesus puttuqsrikami tainna isumaniġmata, uqallautiŋagai, Summan isumavisi tamatkuniŋa?

Luke 7:39

Tavra Pharisee-m aiyugaaqłiqsuam Jesus-mik taamna tautukkamiuŋ, isumallaŋaruq, Iñuk una iḷumutun uqaqtaugumi God-mun, iḷisimayumiñaŋagaluaqtuq qanusiutilaaŋanik una aġnaq aksiugniktuaq ilaanik, qanuq piḷuusiqirauruq.

John 8:33

Ilaisa kiuŋagaat, Uvagut maŋŋuqaqtugut Abraham-mik, aasii kivgauŋaitchugut kimulliqaa. Qanuqłutin uqallakpich, Atanġiqsitauniaqtusi?

John 8:37

Iḷisimagivsi maŋŋuqaqtilaavsiññik Abraham-mik, naaggauvva tuqurviksraqsiuġivsiŋa qanuq ukpiġiŋitkisi uqalutka.

John 8:53

Kamanałhaaqpich aapaptiŋniñ Abraham-miñ tuquŋaruamiñ? Suli uqaqtiŋi God-im tuquŋammiut. Kiunasugivich uvva?

Acts 13:26

Aniqatiit, kiŋunġuruasii Abraham-mun, iluqasiḷu Jew-guŋitchuat qiksiksraqtuat God-mik, uvaptiŋnun tilirauŋaruq tusaayugaaġiksuaq annautauyumiñaqtuaq.

Acts 15:14

Simon quliaqtuaŋaruq qanuq God-mun ukpiqtitqaaġnivḷugich Jew-guŋitchuat, ilaaguaqsisaqłuni akunġanniñ iñuksramiñik.

Romans 4:1

Abraham, maŋŋuuruaq Jew-payauranun, uuktuutigilakput iñuŋmun ukpiġunmigun nalaunŋasipkaqtauruamun sivuġaani God-im.