Matthew 3:7 - Iñupiatun Mumiksat Uqalugiksuat

⁷ Tavra iḷitchuġikamigich iñugiaktuat Pharisees Sadducees-lu paptaiqsauyyaqtuat, ilaan uqallautiŋagai, tuqunaliktun nimiġiatun ittusi, pisaasuqtusi. Isumanasi paptaiqsaugiññaġlusi pillugniaġasugalugu God-im tatavsautaa.

Matthew 3:7 Iomraidhean Croise

Genesis 3:15

Uumikkutigiiksinniaġivsik aġnaġlu; iluqasik kiŋuvaasik uumikkutigiiguuniaqtut. Kiŋuvaaŋata karugniaġaa niaqqun, aasiiḷi kiŋuvaaqpich kiiñiaġaa kimmiŋa.”

Proverbs 28:4

Suliqutigiŋitkupkich pitqurat, iḷḷuliqsuġitin pigiiḷḷiqirauruat; aglaan kamaksriguvich, paaqłaktuġitin.

Matthew 12:24

Tavrali Pharisees tusaakamirruŋ taamna uqallaŋarut, Kisiagun Beelzebul-kun, umialgatigun ilitqusiqł̣uich, taamna iñuk anittairuq ilitqusiqł̣ugnik.

Matthew 12:34

Ilivsi tuqunalgich nimiġiat. Qanuġlusi uqaluqaġniaqpisi nakuuruamik piḷullavsi? Iñuum salapqiagaa irrusipiani uqaluŋmigun.

Matthew 15:12

Iḷitchitquraŋisa ullakługu uqallautiŋagaat, Iḷisimavigich Pharisees piavsaktilaaŋat tusaakamirruŋ taamna uqallautin?

Matthew 16:1

Tavra Pharisees-lu Sadducees-lu qaiŋarut Jesus-mun, aasii uuktuaqsaqługu apiġiŋagaat tautuktitquvlutiŋ aliuġnaqtuamik qiḷaŋmiñ, iḷisimanaqsisaġlugu God-mun iviġaumagitilaaŋa.

Matthew 16:6

Jesus uqallautiŋagai, Qaunagisitchi nipuŋaiḷḷusiḷu imaksriuqtaŋiññik Pharisees, Sadducees-lu.

Matthew 22:15

Tavrani Pharisees aullaqłutiŋ sivunniuŋarut uuktuġukługu Jesus apiqqutinik.

Matthew 22:23

Taavrumani suli uvlumi Sadducees qaiŋarut Jesus-mun, uqaġuuruat aŋŋisaiññivḷugu, aasii apiġivlugu apiqqunmik.

Matthew 22:34

Tavra Pharisees tusaakamiŋ Jesus-mun nipaiġiñivḷugich Sadducees, kasimaŋarut.

Matthew 23:33

Ilivsi nimiġiat. Ilivsi piayaaŋich tuqunaqaqtuat nimiġiat. Qanuġlugu naŋaġumiñaipiaġiksi nagliksaaġviŋmuktitauniksraq.

Matthew 5:20

Qanuq uqallautigivsi, Iñuuniaġusiqsi nalaunŋaruakun nakuułhaaŋitpan iñuuniaġusianniñ iḷisaurrit pitquranik Pharisees-lu, suuramikunnii isiġumiñaitchusi atanniqsimavianun Taavruma qiḷaŋmiittuam.

Mark 12:13

Iḷaŋich Pharisees iḷaŋiḷḷu Herod-kuayaat tilirauŋarut Jesus-mun uuktuġukługu apiqsruqtuutinik.

Mark 12:18

Tavra Sadducees ullautiŋarut Jesus-mun. Taapkua iñuich uqaġuuruat aŋiniaŋiññivḷugich iñuich tuqqunmiñ.

Mark 8:15

Tavra Jesus iḷitchitqurani kiliŋagai uqaqłuni, Qaunagisitchi imaksrautiŋiññiñ Pharisees-lu umialguvlu Herod-gum.

Luke 16:14

Pharisees piqpaksriruat maniŋmik, tusaaŋagaich taapkua iluqaisa uqaluich aasii ilaisa Jesus kipagiŋagaat.

Luke 18:11

Pharisee makitavluni aŋaiyyuŋaruq inna, God, quyanaaġikpiñ iñuusiqaŋiññama allatun iñuktitun, piḷḷaturuatun, pitqiksiġaqtitun, allatuqtitun, naaggaunnii uumatun tax-iñik katitchiritun.

Luke 7:30

Aglaalli Pharisees-lu iḷisaurriḷḷu pitquranik paptaiquŋitchuat John-mun, pisuŋiñŋagaat sivuniġikkaŋa God-im inmiŋnun.

John 1:24

Taapkua apiqsruqtuiruat John-mik tilirauŋaniqsut Pharisee-ñiñ.

John 8:44

Tuunġaq aapaksi, aasii pisuutigigiksi pisukługu aapavsi kipiġniuġutaa. Ilaa iñuaqtauruq aullaqisaamiñqaŋa, suli suksraġiŋitkaa iḷumun ittuaq, qanuq iḷumun ittuagitchuq ilaani. Saglukami ilaa uqaqtuq nanmiñiq irrutchimiñiñ, qanuq sagluturuq suli aapauruq sagluruanun.

John 9:40

Iḷaŋisa Pharisees qanittuat ilaanun tusaaŋagaat taamna, aasii apiġiŋagaat, Uvaguttauq ayauŋammivisa?

Acts 15:5

Aglaattauq iḷaŋich ukpiqtuat iḷauruat Pharisee-ñun makinŋarut, aasii uqallakłutiŋ, Jew-guŋitchuat ukpiliqsuat nalunaiñŋutchiqsitaksraupiaqtut timimikkun, suli kamagitqulugich pitqurat qaisauruat Moses-kun.

Acts 20:31

Taamna pisigilugu nipuŋaitchitchi, itqaumalusi ukiuni piŋasuni nutqaŋaitchuŋa unnuakkaluami naagga uvlumi kiliktuqługu iñupayaaq tamatkunuuna qulviuġaluaŋŋaġma.

Acts 26:5

Uqaġutuaġumiŋ nalaullugu iḷisimakkaqtiŋ, iḷisimaŋammiut isuaniñqaŋa iḷautilaamnik kipuqłayunaitchuanun Pharisee-ñun piḷġusivsiŋñi.

Acts 5:17

Tavra aŋaiyyuliqsiqpaich qaukłiat piqatiniḷu iluqaġmiŋ iḷauruat Sadducees-nun suammautiŋagaich killuġivlugich tiliraunikun iḷitchitqurat. Tavra sivunniŋarut qanusiġaġukługich.

Romans 1:18

Qanuq God-im qinnautaa salapqiqsuq qiḷaŋmiñ iñupayaanun god-aiḷaqtuanun piḷuktuanullu, tamatkunuŋa piñaiḷutchiqsuiruanun iḷumun ittuamik.

Romans 5:9

Tavra nalaunŋasipkaqtaukapta paŋmapak Christ auŋagun, nalupqisuŋipiaqtugut Christ-mun annautiniaqtilaaptiŋnik God-im qinnautaaniñ.

1 Thessalonians 1:10

Quliaqtuaġimmigaat niġiugniqsi God-im Iġñiŋanik qiḷaŋmiñ, Jesus-mik, ilaan aŋipkaŋaraanik tuqqunmiñ, annaurriruaq uvaptiŋnik God-im tatavsautiksrautaaniñ.

Hebrews 11:7

Noah-m ukpiġiŋagaa God uqallautimmani suna piñiaqtilaaŋanik. Tautuŋaitkaluaŋŋaan uliqpaktuksraq, arguaginiḷugu God, umiaqpiŋaruq annautisukługich igluqatini. Umiaqpivḷuni salapqiŋagaa ukpiġutairrutaat nunam iñuŋisa aasii suksraunġiqsauŋarut. Pisigivlugu Noah-m ukpiġutaa God-im akuqtuŋagaa.

Hebrews 6:18

Taapkuŋnuuna malġukkun allaŋŋulaitchuakkun, unniqsuqłiisikullu nalupqinaiyautikullu, God arguanaiŋaruq sagluyumiñaisilaamiñik. Uvagulli annaksaŋaruaguut qamannirviŋmun God-mun piyumalaaġusiqł̣uta piññaktaaġiyumavlugu annaun aitchuutigisukkaŋa.

1 John 3:10

Uumuuna iḷisimanaġumiñaqtut kisut miqłiqtuġitilaaŋat God-mun, suli kisut miqłiqtuġitilaaŋat Tuunġaġmun. Kiñapayaaq nalaunŋarualiqiugaŋitchuaq piviuttaqsriŋitchuaġlu aniqanmiñik God-im miqłiqtuġiŋitkaa.