Matthew 3:2 - Iñupiatun Mumiksat Uqalugiksuat

² Uqaqłuni, isumalitqigitchi, qanuq God-im atanniqsimasaaqsigai iñuich.

Matthew 3:2 Iomraidhean Croise

1 Kings 8:47

tavrani nunamiillaġmiŋ isumalitqigñiqpata suli aŋaiyyulutiŋ iliŋnun, quliaġlutiŋ qanutun piḷuksiŋatilaamignik suli pigiiḷḷiqiŋatilaamignik, tusaasaġitin aŋaiyyutiŋich, Atanġuruatiin.

Makpiġaaŋa Job-gum 39:12

Niġiukpich agraquvlugu kivluaġnik pukuquvlugulu palauvaksranik aasii amiġaiqsivigmuutilugu?

Makpiġaaŋa Job-gum 42:6

Uvvaasii kanŋugiliŋagitka uqalugipayaaqtatka isumalitqiksuŋa avyumi aġramiḷu.

Matthew 10:7

Aasii alġaqsruiḷusi iglaullavsi uqaġlusi, Taamna qiḷaŋmiittuaq atanniqsimanniksaaqsiruq iñuŋnik.

Matthew 11:20

Tavra Jesus suarraqsiŋagai iñuich nunaaqqiñi iñuuruat savagvigiŋarani iñugiagniqsranik aliuġnaqtuanik, qanuq isumalitqiŋiñmata.

Matthew 12:41

Isivġiġviŋmi iñuŋisa Nineveh-m akiḷḷiḷiġñiaġaasi ilivsi iñuuruasii paŋmapak aasii pasirauyumiñaqsiḷusi, qanuq iliŋich isumalitqiŋavlutiŋ alġaqsruimman Jonah, aasii imma iñuk kamanałhaaqtuaq Jonah-miñ maaniittuq.

Matthew 13:11

Ilaan kiuŋagai, God-im kaŋiqsipkaŋagaa ilivsiññun kaŋiqsiñaiñŋaruaq sivuani atanniqsimmatini iñuŋnun, aglaalli allat iñuich tusaqsraġigaat uuktuutitigun.

Matthew 13:24

Allamiksuli uuktuunmik Jesus uqautiŋagai, Atanniqsimmataa Taavruma qiḷaŋmiittuam ittuq iñuktun kanġaqsruiruatun palauvaksraġiksuanik nautchiaqaġviŋmiñun.

Matthew 13:31

Allamiksuli uuktuunmik Jesus quliaqtuaġutiŋagai, uqaqłuni, Atanniqsimmataa Taavruma qiḷaŋmiittuam nausaiññaġniŋa arriqaqtuq mustard-mik nautchiaksramik iñuum nautchirriutikkaŋatun nautchiaqaġvigmiñun.

Matthew 13:33

Jesus uqallautivsaaŋagai allamiksuli uuktuunmik. Atanniqsimmataa Taavruma qiḷaŋmiittuam nausaiññaġniŋa arriqaqtuq imaksramik. Aġnam imaksraq akutqatigigaa palauvaŋmun, iluqaan puvlagataqtillugu.

Matthew 13:47

Aasiisuli Atanniqsimmataa Taavruma qiḷaŋmiittuam ittuq kuvratun kuvriutauruatun, aasii kuvraqługich qanusipayaat iqaluich.

Matthew 13:52

Tavra ilaan uqallautiŋagai, Tavraasii kaŋiqsiñiġuvsi, itqaumasitchi tamatkua iḷisaŋaruat Atanniqsimmataanik Taavruma qiḷaŋmiittuam igluqpiraqtuatun ittut, salapqiiḷḷaruatun sunik nutauruanik naagga utuqqauruanik suġalliqpiŋmiŋniñ.

Matthew 18:23

Tavra inna ittuq atanniqsimmataa qiḷaŋmiittuam iñuŋnun. Umialiktun ittuq piyummatiniktuatun iłuaqsruisukłuni akiiḷaŋiññik kivgami.

Matthew 20:1

Aasiisuli atanniqsimmataa Taavruma qiḷaŋmiittuam arriqaqtuq iñuŋmik siiġñaqaġviŋmik nunaqaqtuamik. Ilaa aullaŋaruq uvlaatchaurami akiññagniaġlugich iñuich savaktiksraqsiuqłuni siiġñaqaġviŋmiñi.

Matthew 22:2

Atanniqsimmataa Taavruma qiḷaŋmiittuam arriliñaġumiñaqtuq umialiŋmun katirrusiqutikun niqinaqipkairuamun iġñiġmiñik.

Matthew 23:13

Qanutun naglignaqtigirusi ilivsi, iḷisaurriich pitquranik Pharisees-lu, ukpiŋŋuaqtuasii. Ittusi pitchiġiiyaqsimammatun upkuaŋa atanniqsimaviata Taavruma qiḷaŋmiittuam, qanuq ilivsi atanniqsimatquŋitchusi God-mun, suli iñuich atanniqsimatqugaluaqtuat pitchaiḷiraġisi.

Matthew 25:1

Taivrumani uvlumi, iñuich atanniqsimapkaqtuat Taavrumuŋa qiḷaŋmiittuamun inniaqtut qulitun niviaqsiatun, tiguvlugich qullisiŋ aullaqtuatun paaqsaqługu uiksraun.

Matthew 25:14

Taivrumani uvlumi, iñuich atanniqsimapkaqtuat Taavrumuŋa qiḷaŋmiittuamun inniaqtut kivgaŋisun iñuum aullaaqsiruam. Qaitquŋagai kivgani aasii qaunaksriḷiutivlugich suġauttamiñun.

Matthew 4:17

Tavraŋŋaaglaan Jesus alġaqsruirraqsiŋaruq, uqaqłuni, Isumalitqigitchi, qanuq God-im atanniqsimasaaqsigai iñuich.

Matthew 4:23

Aasii ilaa kukiḷuŋaruq iluqaani Galilee-mi, iḷisaurrivḷuni aŋaiyyuviŋiññi alġaqsruivḷuniḷu tusaayugaaġiksuaŋanik atanniqsimmataata God-im, suli iłuaqsivḷugich iñuich naŋirrutiqapayauraqtuat.

Matthew 5:10

Quviasuglich tamatkua nagliksaaqtitauruat God-im pitqutiŋi pisukługich, qanuq pigigaich God-im umialgutiŋi.

Matthew 5:3

Quviasuglich tamatkua iḷisimaruat piqaqtuksrautilaamiŋnik God-im ikayuutaanik, qanuq ilaisa pigigaich God-im umialgutiŋi.

Matthew 6:10

Ilivich atanniqsimakkich iñupayaat. Iñupayaat piḷich pisuutignik nunami, qiḷaŋmi pisuutignik piruatun.

Matthew 6:33

Tavraasii piqaqtinniaġaasi iluqaiññik tamatkuniŋa ilivsi atanniqsimapkaqqaaġuvsi God-mun iñuulusiḷu nalaunŋaruakun.

Mark 1:15

uqaqłuni, Piviksraq nalautittuq, God-im atanniqsimasaaqsigai iñuich. Isumalitqigitchi. Ukpiġisiuŋ tusaayugaaġiksuaq.

Mark 1:4

Tavraasii John Paptaiqsi iñukpalliŋaruq nunagluktuami, alġaqsruivḷuni iñuich paptaiqsautquvlugich isumalitqiqqaaġlutiŋ piḷuunmiŋniñ, God-mun suliqutigiŋaiqulugich itqaumayumiñaiġḷugich piḷuutitiŋ.

Mark 6:12

Tavra aullaŋarut, aasii alġaqsruivḷutiŋ iñuich isumalitqiksuksraunivḷugich piḷuunmiŋniñ.

Luke 1:16

Ilaan utiġuliqsinniaġai iñugiaktuat Israel-guruat ukpiġuliqsillugich Ataniġmun God-iŋannun.

Luke 11:20

Tavraaglaan anittaikama ilitqusiqł̣uŋnik suaŋŋataagun God-im, nalupqinaitchuq God-im atanniqsimmataa maaniittuq.

Luke 13:3

Naumi, aglaalli uqallautigivsi, ilivsi isumalitqiŋisuaġuvsi iluqasi, tainnatun suksraunġiġñiaġmiusi.

Luke 13:5

Naumi. Uqallautigivsi, ilivsivsauq isumalitqiŋisuaġuvsi iluqasi, tainnatun suksraunġiġñiaġmiusi.

Luke 15:10

Tavra Jesus uqallaŋaruq, Uqallautigivsi tainnatuttauq quviasuŋmiut isaġuliŋi God-im pisigivlugu atausiq piḷuusiqiri isumalitqiŋman.

Luke 15:7

Tavra Jesus uqallaŋaruq, Uqallautigivsi, tainnatuttauq quviasuutigiłhamaaġniaġaat qiḷaŋmi atausiq piḷuusiqiri isumalitqiksuaq taapkunaŋŋa tallimakipiaġuutaitchuaniñ nalaunŋaruaniñ iñuŋniñ isumalitqiaksraitchuaniñ.

Luke 16:30

Suġalliruam kiuŋagaa, Aapauruatiin Abraham, naalaġniyumiñaitchut, aglaan iñuk ullautikpan inmiŋnun tuquŋaruaniñ aŋiluni, isumalitqigñiaqtut.

Luke 21:31

Tainnatuttauq, tautukkuvsigik tamatkua iqsiñaqtuat nalaurraqsikpata, iḷisimaniaqtusi God-im atanniqsimmataa qallisilaaŋanik.

Luke 24:47

Aasii pisigilugu ilaan piraŋa, tusaayugaaġiksuat God-im suliqutigiŋaiġutaagun itqaumayumiñaiġḷugich piḷuutit isumalitqiksuanun alġaqsruutigiraksrauvlugu nunapayaanun aullaqilugich Jerusalem-miñ.

Luke 6:20

Tavra Jesus qiviaŋagai iḷitchitqurani, aasii uqallakłuni, Quviasugitchi ilivsi iḷiappauruasii, qanuq pigigisi God-im umialgutiŋi.

Luke 9:2

Aasii ilaan tiliŋagai alġaqsruitquvlugich God-im atanniqsimmataanik iñuŋnun, suli iłuaqsiritquvlugich naŋittuanik.

Acts 11:18

Taamna tusaakamirruŋ pisaaŋaŋaiŋagaat, aasii nanġaqługu God uqaqłutiŋ, Tavraptauq Jew-guŋitchuat God-im isumalitqigviksraqaqtinŋagai iñuutquvlugich isuitchuamun.

Acts 17:30

Qaŋapak taimani God-im iḷatchiŋagai iñuich naluŋŋaisa, aglaan paŋmapak ilaa pitqurriiŋaruq iñupayaat sumipayaaq isumalitqiquvlugich.

Acts 2:38

Tavra Peter-m uqallautiŋagai, Isumalitqigitchi, paptaiqsaulusiḷu iluqapayauravsi, atqagun Jesus Christ, God-im suliqutigiŋaiġumagai piḷuutisi itqaumayumiñaiġḷugich, aasii aitchuusiaqaġniaqtusi ilaan aitchuutaanik Ilitqusiġiksuamik.

Acts 20:21

Jew-guruallu Jew-guŋitchuallu ativlugich kiliktuŋagitka isumalitqiquvlugich piḷuunmiŋniñ God-mun, suli ukpiquvlugich Ataniptiŋnun Jesus-mun.

Acts 26:20

Aasii isagutiŋaruŋa Damascus-miñ Jerusalem-miḷḷu suli nunaaqqiñiñ iluqaani Judea-miittuani, akunġanniḷu Jew-guŋitchuat alġaqsruiŋaruŋa isumalitqiksuksraunivḷugich iñuich aasii mumigḷutiŋ God-mun, suli iñuuniaqtuksraunivḷugich iḷisimanaqsiḷugu allaŋŋuqtautilaaqtiŋ.

Acts 3:19

Isumalitqigitchi, suli God-mun saallusi, ilaan piiġumagai piḷuutisi,

2 Corinthians 7:10

God-im iñuk isumaaliqsinmagu piḷuutit pisigivlugich, aasii isumalitqikł̣uni iñuum nunuuraġilaitkaa taamna qanuq qaġġirigisuugaa ilaan annaunmun. Aglaalli ukpiŋaitchuam isumaaġutaa tuqqutauruq.

Colossians 1:13

God-im annautiŋagaatigut atanniqsimmataaniñ Tuunġaum, iñuummatun ittuamiñ taaqtuami, nuurrutivluta atanniqsimmataanun Iġñiġmi piviuttaġirami.

2 Timothy 2:25

natqiksruġlugich pikałaktautairrutikun akiḷḷiḷiqsuutiruat God-mun, iḷaanni God-im isumalitqiksitaupkaqpiaġai suli iḷitchuġipkaġlugich iḷumun ittuamik.

Hebrews 6:1

Tavra uqautigiŋaiḷḷaglugich sivulliich siġḷiġnaitchuat iḷisaurrutit Christ-kun, aglisaiññaqta. Iḷisaurrigiññaŋaiġḷuta sivulliġñik iḷisaurrutinik kisiiññik ukuniŋa, isumalitqiunmik piḷġutchiñiñ tuqunaqtuaniñ, ukpiġunmiglu God-mun,

2 Peter 3:9

Ataniq uimaiñŋitchuq taŋŋiisaqami unniqsuqłiiñmiñik, uimaiññivḷugu iñuich iḷaŋisa isummatigisuugaluaġaat. Aglaan ilaan qiñuirrutigaluaġaasi, qanuq ilaan kiñaliqaa suksraunġiqsautquŋitkaluaġaa, aglaan iluqaisa iñuich isumalitqiqugaluaġai piḷuunmiŋniñ.

Revelation 2:21

Aitchuŋagaluaġiga piviksramik isumalitqiquvlugu, aasii isumalitqiguŋiñŋaruq allatuqtauniġmigun.

Revelation 2:5

Isumalaaġutigisiuŋ piviuttaqqutiqqaaqsi uvamnun ukpiqqaaqavsi. Isumalitqigitchi, aasii piqqaaġusivsisun savautilluatatqiksalgiḷḷuŋa. Isumalitqiŋisuaġuvsi, qaiḷuŋa piiġiaġniaġiga qulliqaġviksi inaaniñ.