Matthew 3:11 - Iñupiatun Mumiksat Uqalugiksuat

¹¹ Uvaŋa paptaiġivsi imiġmik isumalitqikavsi, aglaan imma qaiñiaqtuaq aqupkun sapiġñałhaaqtuq uvamniñ, nalliummatiŋitchuŋaunnii aluġutik saagaġumiñaġlugik. Iḷiñiaġaa Ilitqusiġiksuaq iḷuvsiññun, aasii piiġḷugu piḷuun.

Matthew 3:11 Iomraidhean Croise

Matthew 3:6

Suli John iñuich paptaiŋagai kuuŋani Jordan, quliaqtuqługich piḷuutitiŋ God-mun.

Mark 1:4

Tavraasii John Paptaiqsi iñukpalliŋaruq nunagluktuami, alġaqsruivḷuni iñuich paptaiqsautquvlugich isumalitqiqqaaġlutiŋ piḷuunmiŋniñ, God-mun suliqutigiŋaiqulugich itqaumayumiñaiġḷugich piḷuutitiŋ.

Luke 1:17

Tavra Ataniq qaiŋaiñŋaan, taamna John alġaqsruiñiaqtuq Elijah-m alġaqsruisiatun suaŋŋatiqaġniŋatullu. Ilaan aŋayuqaaguruat atisipkaġniaġai miqłiqtuŋiññun. Tamatkua uqaqsiġiitchuat ukpiliqsinniaġai nalaunŋaruatun iñuktun. Tainna piḷuni, ilaan itqanaiyaġniaġai iñuich akuqtuġumiñaqsiḷugu Ataniq.

Luke 3:16

John-gum uqallautiŋagai iluqaisa, Ilaaguŋitchuŋa. Alla imma iñuk qaiñiaqtuq sapiġñałhaaqtuaq uvamniñ. Nalliummatiŋitchuŋa siŋiiġumiñaġlugik aluġutiŋik. Uvaŋa paptaiġivsi imiġmik, aglaan ilaan iḷiñiaġaa Ilitqusiġiksuaq iḷuvsiññun, aasii piiġḷugu piḷuun.

Luke 3:3

Tavra John kukiḷuŋaruq iluqaiññun nunanun avataani kuuŋan Jordan ittuanun, alġaqsruivḷuni iñuich paptaiqsautquvlugich, isumalitqiqqaaġlutiŋ piḷuunmiŋniñ, God-mun suliqutigiŋaiqulugich itqaumayumiñaiġḷugich piḷuutitiŋ.

John 1:15

John quliaqtuaqaŋaruq ilaanik, suli nipatuvluni uqaqłuni, Uvva taimña quliaqtuaġiŋaraġa, iñuk qairuaq aqupkun kamanałhaaqtuq uvamniñ, qanuq sivumni inŋaruq.

John 1:30

Taavva taimña uqallausiġiŋaraġa, aqupkun iñuk qaiñiaqtuq kamanałhaaqtuaq uvamniñ, qanuq aniŋaiñŋaġma sivumni inŋaruq.

Acts 1:5

Qanuq John paptaiġutiqaŋaruq imiġmik, aglaan uvva iñukitchuat uvlut pianikpata, Ilitqusiġiksuaq iḷuvsiññun iḷiñiaġiga.

Acts 19:4

Tavra Paul uqallaŋaruq, John paptaiŋagai iñuich isumalitqiŋmata, uqautivlugich iñuich Israel-guruat ukpiliquvlugich iñuŋmun qaiyumaaqtuamun aqumigun, taavrumuŋa Jesus-mun.

Acts 8:36

Tavra iglauniallaġmiŋ apqutitigun tikiñŋaruk imaqsuŋmun, aasii suġautchiqiri uqallaŋaruq, Tautuguŋ, uvva imiq. Sumik piñaiḷutaqaġumiñaqpik paptaiqsauniksrapkun?

Acts 8:38

Tavra suġautchiqirim nutqaqtitquŋagai tuttuqpirautit aksraliktuani, aasii iluqatik atqaqłutik imiġmuŋaruk Philip-lu suġautchiqirilu, aasii Philip-gum paptaiŋagaa.

1 Corinthians 12:13

qanuq atausiullaavluta iḷaummatun ittugut Christ timaanun. Ilitqusiġiksuam atausiuruam iluqata atausiŋŋuŋagaatigut, atautchisun timitun, paptaiġutikun Jew-gugaluaġupta naagga Jew-guŋitkaluaġupta, kivgaugaluaġupta naagga kivgauŋitkaluaġupta. Aasii atausiuruaq Ilitqusiġiksuaq aitchuutauruq atausiullaavluta uvaptiŋnun.

Ephesians 3:8

Kamanaiññiqsraugaluaqtilluŋa iluqaiññiñ ilaaguaqtauruaniñ God-mun, ilaa naglikkutiqaŋaruq uvamnun, aasii uvamnun alġaqsruutigitquŋagai Jew-guŋitchuanun inuaŋaitchuat anniqsuusiaksraŋich iluqaġmiŋ, atausiŋŋuqatauŋaruat Christ-mun.

Titus 3:5

ilaan annautiŋagaatigut, pisigiŋitkaluaŋŋaan uvagut nakuurualiqiniḷuta, aglaan pisigigiññaqługu ilaan nagliktuutini. Ilaan annautiŋagaatigut anitqiksiłłuta piḷuutiptiŋniñ salummaqłuta, aasii Ilitqusiġiksuamun iñuupkallasipkaqłuta nutauruakun iñuutchikun.

1 Peter 5:5

Tainnatuttauq siḷġiqsuġlavsi ilivsi nukatpiat. Kamakkutiqaġitchi utuqqanaanun. Iluqasi kamasaaŋaiġḷusi ikayuutisitchi avanmun, qanuq Bible uqaluqaqtut inna, “God-im akiḷḷiḷiqsuġai kamasaaqtuaguruat, aglaan ikayuqsimaaġai iñuich kamasaaŋitchuat.”