Matthew 27:4 - Iñupiatun Mumiksat Uqalugiksuat

⁴ uqallakłuni, Piḷuksiŋaruŋa aitchuutigivlugu tuqutautquvlugu patchisaitchuaq iñuk. Ilaisa kiuŋagaat, Suliqutauva taamna uvaptiŋnun? Qaunakkuiḷḷi iliŋnik.

Matthew 27:4 Iomraidhean Croise

1 Kings 21:27

Elijah uqaŋaiġataġman, Ahab-gum aligaŋagaich annuġaani, mattaqługich, suli ativluni miitchugnik. Niġisunġiqhuni, siñighuni atuqłuni miitchugnik, suli ipiqtusuktualiqhuni.

2 Kings 24:4

pisigipiksuaqługich tuquġaŋaraŋich patchisaiḷaat iñuich. Atanġum suliqutigiŋaiġumiñaił̣ł̣ugu taaptumuuna.

Makpiġaaŋa Job-gum 13:4

Aglaan uvva saglusuurusi; arriqaqtusi iñuunniaqtitun iłuaqsiriḷaitchuatun iñugnik.

Psalms 94:21

atautchimunmukłutiŋ akiḷḷiġiraġigaich iluaqtualiqiruat aasiiñ tatavsaqtaksriuqługich tuqqunmun patchisaitchuat.

Exodus 12:31

Tavrani unnuami Pharaoh-m qaitquŋagaik Moses-lu Aaron-lu aasii uqallautivlugik, “Aullaġitchi, iluqasiglu Israel-guvlu kiŋuvaaŋich! Unitchiuŋ manna nunaga; aullaġlusi nanġaġiaqsiuŋ Ataniq, apiqsriavsisun.

Exodus 9:27

Pharaoh-m qaitquniġaik Moses-lu Aaron-lu aasii uqallakłuni, “Uvva tavrani piḷuusiqiŋaruŋa; Ataniq nalaunŋaruaguruq, iñutkalu uvaŋalu patchisaurugut.

Proverbs 12:8

Isumatuguvich nanġaqtauniaqtutin; isumatuitkuvich samuŋaqsruqtauniaqtutin.

Jonah-m 1:14

Tainnamik ququulanagutiŋarut ATANIĠ-mun, “Ataniiq, tatavsaġnasigut tuqqunmik uuma iñuum iñuggutaa pisigilugu! Ilvich, Ataniiq, aŋalatkiñ tamanna; ilvich savaaġigiñ.”

Matthew 27:19

Tavra Pilate isivġiipkaqtillugu isivġiġvium aquppiutaŋiñi, nuliaŋan tilisivigiŋagaa uqaluŋmik, Iḷaksianagu taamna nalaunŋaruaq iñuk, qanuq iłuiḷḷiuġutigillakkiga ilaa unnuapak siññaktuġivlugu.

Matthew 27:54

Tavra aŋuyaktit atanauraŋata tamatkualu aŋuyaktauqatiŋisa munaqsriruat Jesus-mik, tautukługich nuna aularuaq sullu piraġaqtuat aliuġusuliŋarut aasii uqallakłutiŋ, Iḷumun una Iġñiġimagaa God-im.

Luke 23:22

Piŋayuaŋni Pilate-gum uqallautigalualgitkai, Summan? Sumik pigiitchuamik piŋava? Iḷitchuġiŋitchuŋa ilaani qanusipayaamik patchisiksramik tuqurrutauyumiñaqtuamik. Tavra ipiġaqtuqtisiññaġlugu tigutaaqtauŋaiqsinniaġiga.

Luke 23:41

Uvaguk iḷumun piḷḷuataġaatiguk, qanuq aitchuusiaqaqtuguk nalaunŋaruamik savaaptiŋnun, aglaan una iñuk piŋaitchuq sumik pigiitchuamik.

Luke 23:47

Tavra aŋuyaktit atanauraŋata iḷitchuġikami taapkuniŋa piruanik, ilaan nanġaŋagaa God uqallakłuni, Nalupqinaitchuamik una iñuk patchisaiñŋaruq.

John 19:7

Jew-guruat kiuŋagaat, Pitquraqaqtugut aasii taavrumuuna pitqurakun tuquruksraugaluaqtuq, qanuq ilaa inmiñik iḷiuqtuq Iġñiġinivḷuni God-mun.

Acts 13:28

Patchisiksraitkaluaŋŋaġmiŋ sumik-unni ilaanun tuqurrutauyumiñaqtuamik, apiġiŋagaat Pilate tuqutitquvlugu.

Romans 3:19

Paŋmapak iḷitchuġirugut pitquraŋi God-im qaisaŋi Moses-kun aŋalatchirut iñuŋnik aitchuusiaqaqtuanik pitquranik. Tavraasii, kiñaliqaa patchisiksraqaġumiñaitchuq kamaksriŋiññiġmigun pitquranik, suli nunam iñupayaaŋa pasikkusiaqaġniaqtuq God-miñ.

1 Timothy 4:2

Tamatkua iḷisaurrutiginiaġaich ukpiŋŋuaqtuat sagluturuaguvlutiŋ, naġġutchapayaayuitchuatunnii isumamiŋni iḷisaurrikamiŋ tamatkuniŋa saglunik.

Titus 1:16

Iḷisimanigaluaġaat God, aglaan iñuuniaġusimiŋni naluruatun itkaat, naġġunapiaġataqtut kamasulaitchullu, nalliummatiŋitchut qanusipayaamun nakuuruamun.

Hebrews 7:26

Qanuq nalaunŋaruq tainnatchimik aŋaiyyuliqsiqpaich qaukłiannik piqaġupta, ilaaguaqtauruamik God-mun, pasiñaġumiñaitchuamik, piġuaġniġitchuamik, ilaaguaŋaruamik piḷuusiqiriniñ, kamanaqsipkaqtauruamik qiḷaŋmi.

1 Peter 1:19

Atanġiqsitauŋarusi akisupiaġataqtuamik aitchuutauŋaruamik Christ-mik, aitchuutauruaq imnaiyaatun qilluutaitchuatun.

1 John 3:12

Ittuksrauŋitchugut Cain-tun pigiitchuamiñ piruatun iñuktaġivlugu aniqatini. Aasii summan iñuktaġiŋavauŋ? Iñuktaġiŋagaa ilaan savaani pigiił̣ł̣utiŋ aasii aniqataan nalaunŋaruaguvlutiŋ.

Revelation 11:10

Tavraasii tamatkua iñuuruat nunami quviasualaniaqtut pisigilugik tuquruak taapkuak. Iliŋich quviasualaniaqtut aatchuqtuutilutiglu avanmun, qanuq taapkuak uqaqtiŋik God-im nagliksaaqtitchiŋaruk tamatkuniŋa iñuuruanik nunami.

1 Samuel 15:24

“Ii, piḷuusiqiŋaruŋa,” Saul-gum kiugaa. “Kamagiŋaitkiga Atanġum pitquraŋa ilviḷḷu iḷisaurrutitin. Iqsigiŋagitka iñutka tavraasii pisuutaat kamagivlugu.

1 Samuel 15:30

“Piḷuusiqiŋaruŋa,” Saul-gum kiugaa, “Aglaan qiksigiruatun uvaŋa aŋalanŋa sivuġaanni aullarrigma suli Israel iñupayaaŋisa. Utiqasiŋŋa nanġallayumagiga Ataniq God-in.”

1 Samuel 19:5

Inmiñun anayasaaŋaruq tuqunnamiuŋ Goliath, aasii Ataniġum akimmatiŋagaa Israel. Tautukkapku quyaŋarutin. Summan aasiuvva, paŋmapak pimaqłuktaġukpiuŋ patchisaiḷaaq aŋun suli tuqullugu David sumik pimaqłuktaŋaiḷaaq?”